JEREMIA 15:1 - ASII LAKDAP Bible (BSI)

¹ Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

Hawa Naga Bible 2001

¹ Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

JEREMIA 15:1 Referencias Cruzadas

RAPHA HIQWA LAK 19:27

Anap ranap na ranap chu maq Abraham ka Tatiwe rai apaiq chaptaq hiq ba kiina taülaü khiq wawanto.

2 HOKHVMX 17:20

Tatiwe raq Israilnok ka kunli no na tsuqbaiq wanto. Raüta tsangshiq ma pinthum mo tsihea tiiho wanto. Raüta tsangshiq ka chiqse rewe pinthum biheanok jaq khon mong na kiinong kuqbaiqto. Kra raütiishe atiisup niishe tsangshiq ka amakki wiishe alu na jobaiqto.

Tvtsvmc 106:23

Ümtiikiiwa Shiikeawe raq asenginok mijiipbaiqha nguta chongtaq, apaiq raq atsea raüta ashong ajaqshi se Mosheq raq Shiikeawe ka tiiwinhoto, raüta tsangshiq shiithenbaiq chang atsankhiq ka tiishibaiqto.

Tvtsvmc 99:6

Mosheq nai Aron ka apaiq ramwenai, kiimaq Samuel ka apaiq jaq wa achu jaütiwe; tsangshiq raq Tatiwe mang chongto; kiimaq apaiq raq tsangshiq achujaü treto.

TAKSU LAK 14:35

Hokhambi ka mungpeng atsinti, welabi ma chochitlo. Shatmaq jaqsham tsinmakti ma, apaiq motiihotlo.

JEREMIA 10:18

Tatiwe raq namshiq ka armung wa ado she mirbaiq; Apaiq raq namshiq ka weshi min tiichong mak maq tiinamtok mitiiq baiq. Arka Tatiwe raq ngutlo.

JEREMIA 11:14

Jeremia lei, arnok ara miitu ümniiraq ijaq wa achu naq jaükiq she. Kiimaq arnok ara miitu ümniiraq Ngi ma naq tiipaiqneakiq she. Tsangshiq ka ümtiikiiwa chamchao mirhum, kra akhing na ijaq wa khrum achu jaü raüla, Ngi raq tsangshiq achu jaü ka tre mang she.”

JEREMIA 14:11

Tatiwe raq ngi ma nguto, “Ümniiraq ngi ma arnok ara khrum kuqlaq nguta naq jaükiq.

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

JEREMIA 15:19

Ara ngukangta Tatiwe raq akha treto, “Ümniika iwokhong na jang wa nong haüla, Ngi raq ümniika mitao wan nongha, kiimaq ümniika ijaqshise ma hali mija nong haü. Kiimaq bang bang bomtsi kra chongke la na, ümniiraq athii atsin bomtsi ka riikhaqli maq chiiriim laüta chongkuq haü jiila, ümniika ishammi ma hali mija nonghaü. Mungmaiqse ka ümnaq phana hali miwa nong. Ümniika tsangshiq pha na kairai ngomin rarai mak she.

JEREMIA 16:13

Arningkhan na, Ngi raq namshiq ka armung arwa maiq mung ashi, namshiq maiqmii riimin sapman, kiimaq namtitiim riimin sap mak mung kiiniishe miphong baiqha. Krai mren, kra mung kiijaq, laihin phra sumla thun kriishe ranaiq rawa mishomnoq wanhan. Kiimaq Ngi raq namshiq ma tiihang mangchan tiichhikuq mang she mirha.’”

JEREMIA 16:5

“Ümniika maiq maaho manyi jam na düwa maimak. Maiq ka juli tsai raü min naqjokiq. Ngi raq isenginok ma hansang shiiman kuqmang she. Kiimaq tsangshiq ma lungwii tsü nai tiihang mangchan tiichhikuq mangshe.

JEREMIA 18:20

Riita ahea jaqsham ka abi jaqsham maq songke chang dea sha? Shatmaq tsangshiq raq ngi tiidea miitu thiikho thuto. Ümtsan na tiitsanglaq, ngi raq tsangshiq miitu ümtinkhan wa ümniima chongkang ira. Ümniiraq tsangshiq ka ümtsankhiq tsi ma mo tiiho maü chang miitu achu jaükuqkang.

JEREMIA 22:28

Kiijiishe ngi raq ngukang, “Riita Hokhamwe Jehoiachin ka hamlii kolo bunki raüjaq rum na tiijobaiqtlaq ikha, maiq jurmin romak she ikhiidea sha? Arningkhan she dea sha apaiq nai asetiim ka pongmung na tsangshiq raq chhiha mak nai sap mak mung na munglu shumwi ma tsuq wan ta?”

JEREMIA 23:39

Ngi raq tsangshiq ka tengteng dobaiq lata, ngi phawa luhea niishe, tsangnai wiita, kiimaq chela kra, Ngi raq tsangshiq ma nai tsangtitiim ma akuqha kra midobaiqha.

JEREMIA 35:19

Arningkhan, Ngi, Tati Ningkun Ajongwe, Israilnok Shiikeawe raq, ara kiqkham raüpot khakuq tiikang, Rechap se Jonadab raq Ngi shiikumpan wan miitu, alai maiqwe se ka pattup pat-sa hum wan ruq miraq.”

JEREMIA 52:3

Tatiwe tsan ka Jerusalem chelati ma nai Juda mungti ma pinthum khiqto. Kra ningkhan amakki wa tsangshiq ka luhea na tiidoqra jobaiqto. Jedekia ka Bebilon mung Hokhamwe Nebukadnejar wokhong wa donghoto.

JEREMIA 9:19

Taironglaq Jajon chela na maaho trang kra, “Nashiq thenkai she! Nashiq ka miqchup jea ngaükai she! Nashiq raq na mung ka miimthü chang she; nashiq jam thun wiitashe runbaiqto.”

EJEKIEL 14:14

Kiijaq kra maiq wetsam, Nowaq, Daniel kiimaq Job kra asi nguraü min, tsangshiq kechu riilung riika tsangshiq maiqmii khum lamlam kli mitiichhii wan lot.” Arka Ngi, Tati Rakaü Hiqwe raq ngutiikang.

EJEKIEL 22:30

Ngi raq maiq weshi ra raq khetuk tiisiiq wantaq kra tiiheati rit tiikang. Khetuk tlin kitaq ba thun kiijaq chap raüta, mung ka itsankhiq walü raq tiithen baiq wan chang wa tiikhup wongkuq raüjaq ahea riichang nguta liisiq tiikang. Shatmaq Ngi raq maiq weshi ra min hum mang.

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

JEKERIA 3:3

Riita Joshua ka kiijaq adü na shekhiq khea sam raüta achapraü riito.

TRI CHONGKE 9:26

Kriikha na, ngi raq akha achu jaü kang, ‘Tati Rakaü Hiqwe lei, ümsenginok ka naq tiithen baiqkiq dea. Tsangshiq ka ümniiraq Ejip mung wa adok daa wan haü, üm ningkun henghea maq kiimaq üm hongla jong hea maq atsuq wan haü kata.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

PHOWEBI 5:9

Imongjii ka Israilnok phentubi rai, kiimaq mungmaiqse kiimchii riichii maq, rekhat chap wanti rai sitlo, Tatiwe li tiitsam!

1 SAMUEL 12:19

Kiimaq tsangshiq raq Samuel ma akha nguto, “Shiilangwe lei, mangchan laüta, Tatiwe üm Shiikeawe jaq wa naishiq tsaiki maichang miitu achu jaü laq. Ümchaü naishiq raq, naishiq ngarai ümtinkhan wa sitlaq kra thaq na hokhamwe shongkuq laq nguta jaü kai ngarai kra hali tiitsuq nongkai nguta sapkai.”

1 SAMUEL 12:23

Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.

1 SAMUEL 7:9

Krai mren, Samuel raq arese skuse ashi tato. Raüta Tatiwe ma chaqtlii-honglu kuqto. Raütiishe apaiq raq Tatiwe jaq wa Israilnok khrum kuqlaq nguta achu jaüto. Kiimaq Tatiwe riimin apaiq achu jaü ka trekuqto.