JEREMIA 15:1 - Hawa Naga Bible 2001

¹ Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

ASII LAKDAP Bible (BSI)

¹ Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 15:1 Referencias Cruzadas

RAPHA HIQWA LAK 19:27

Raungnvp kvyix raungnvp samaq Abraham kuex Yehowa rulc roc nuex jvp tueq baung kvyuq makmak kaz tueq.

2 HOKHVMX 17:20

Yehowa rueq Israel miqsaz lotlaz kuex tvdux gay ruiux vtvsuip nuex vpiq htumc wawc tsuingshiq kuex yurc gay tueq nuex httuiuc laz, tsuingshiq muex murx tvgurc ruiux guirguenc jix ralx waz yauk nuex tsuingshiq kuex tvshuk kuq gay tueq.

Tvtsvmc 106:23

Tishox vpiq rueq vpiq miqsaz htenc tvbac gay tvkoc jungx tueq nuex vpiq rueq vthvl taq nvrc waz Moshe kuex jvp vtueq tsuingshiq kuex tvbac tac gay muq juing vpiq thuinkhvy kuex tvgawx laq tueq.

Tvtsvmc 99:6

Moshe nuiyc Arun kuex vpiq shomc waz nueyc rvtueq, Samuel muinz vpiq kox wawc vjux thoz jix waz rvtueq; tsuinghez rueq Yehowa kuex gvl wuez koq tueq vpiq rueq muinz tsuinghez muex tvralc kuq tueq.

TAKSU LAK 14:35

Hokhvmx bix rueq yauk shuimc thenc hvlc vyungx vlaungx bix kuex raungc raq yaq, yuq muinz tsuingshiq thuinz suing muq jix htenc muex murx tvgurc yaq.

JEREMIA 10:18

Yehowa rueq mnoz kuex vruex mungx vwawc yurc gay kv-phux; vpiq rueq nuimshiq wawc vshiz muinz tvjungx muq nuex httuiuc laz, mnoz kuex tvbunx gay kv-phux. Yehowa rueq jungx tueq.

JEREMIA 11:14

Yeremia lex, vruex miq htenc kvhttungx ngvy kox wawc vjux nauk thoz kaz, ngvy kox wawc nauk kvpiq nvyx thoz kaz. Tsuingshiq kuilc daz rvhumc tuex nuex romc kuy tvkoc ngaz gvl ruiux yuq, tsuingshiq kvjaz kuex ngaz rueq tay kuq shaungx rvmuq,” ngoz tueq jungx tueq.

JEREMIA 14:11

Yehowa rueq ngaz muex jungx phuex, “Vruex miqsaz vmac romc kuy tvkoc ngvy kox wawc nauk thoz vkueq.

JEREMIA 14:12

Tsuingshiq rueq phuiuz svy mamc vtueq ngaz rueq romc kuy tvkoc tsuingshiq rueq thoz ruiux muinz tay kuq shaungx rvmuq; tsuingshiq rueq ngaz muex wvr maq jauk shomc kuy nuiyc vruiy vwungx shomc kuy shomc kuq ruiux doc muinz ngaz rueq raungc raq shaungx rvmuq. Kvkhoc ngoc mvnx, ngaz rueq tsuingshiq kuex ralx lungc, khvmc vrvmc nuiyc vmac vtsac htenc maq thvt gay shaungx,” ngoz tueq.

JEREMIA 15:19

Vruex ningkhvnc nuex Yehowa rueq tvralc tueq, “Mkhoc shoc maq mnoz yek ruiux, ngaz rueq tvyez shvlx wvnc phaungx, mnoz kuex ngvy nvrc waz muex tvyaungc yek phaungx. Mkhoc shoc maq mnoz rueq vjux vguez bomjungc kuex kvjak muq maq, vjux vhttax kvjaz dvyx kvjak ruiux yuq, mnoz kuex ngvy shvmmax muex yaungx yek tuiux. Miq htenc kuex mnoz kox nuex yek tuex, mnoz tsuingshiq kox nuex kay rac muq.

JEREMIA 16:13

Kvkhoc ningkhvnc nuex, ngaz rueq mnoz nuiyc mjix m-waz tamx rueq muinz tuiuz muq mungtan nuex vruex mungtan vwawc yurc gay phaungx. Kvruex yuq mnoz rueq vganc tishox htenc kuex raungnuiyq raungwvrx nawk shuiux, ngaz rueq mnoz muex menjenc thuinz tvkhic phaungx rvmuq,’ ngoz tueq.”

JEREMIA 16:5

“Mnoz kuex vkhoarc yonzyex rvyaq yuimx nuex nyuip mvy muq. Ukhaq tvkoc nuex muinz yonzyex mvy muq. Ngvy miqsaz htenc muex nomic lvmx, lungwawc nuiyc menjenc vtueq raungluingx muinz ruimruimx kuq shaungx rvmuq.

JEREMIA 18:20

Vhvlx kuex vbac maq tvyez mvy yaq haz? Tsuingshiq rueq ngvy tvdvy gay muex ghaqkhurx htuz wuez yaq. Tsuingshiq kuex mthuinz khvy maq ruez gay muq juing, tsuingshiq pumz phuix laung ngaz kuex mnoz kox nuex yvmx khoc tvtay jungc kay juing lac kuex rvwvl kuq koq.

JEREMIA 22:28

Ngaz rueq, “Vruex Hokhvmx Jehoiachin kuex uraq muinz roc muq tuip gay tueq tuik bunx ikhoc yaungx wvnc toq nyix? Yvmx rvtueq lac piq rulc vdvmz vsaz hez kuex tsuinghez rueq tuiuz muq mungtan nuex thuq wvnc rvhumc tvnx?” ngoz tueq ngoz tauk.

JEREMIA 23:39

ngaz rueq tsuingshiq kuex tvjomx tsenz vtueq tsuingshiq nuiyc tsuingshiq jix vwaz tamx kuex ngaz rueq vkuq ghaqyungx rulc nongx ngvy kox wawc vluz nuex tuip gay rvhumc tuex, ngoz tueq tsuingshiq muex jungx shuiuz.

JEREMIA 35:19

Kvkhoc rvtueq ngaz, Tvphaungc Tvsuip Yehowa Israel Tishox rueq Rekhab saz Jonadab wawc ngaz muex shuimc lvmc kuy tvkoc suiuz vsaz miqwaz saz kuex tvhttoarc vtueq httaz wvnc tuex ngoz tueq bomkhvmc kuq vphaungx,” ngoz tueq jungx tueq.

JEREMIA 52:3

Yehowa kuex Yerusalem nuiyc Yuda miqsaz htenc muex khaq vtueq tsuingshiq kuex vpiq khaungkac wawc yurc gay tueq. Zedekia rueq Babelon Hokhvmx Nebukhadnezar kuex khawx lvlx tueq,

JEREMIA 9:19

Zion nuex khoar yaq tvruingc kuex tay shuinz: “Naungshiq bac wvnc vtix shex! Naungshiq pinhtumc yvlc svy rvhumc vtix! Naungshiq rueq naungmungx kuex gay shec juing shex; naungshiq yuimx htenc httak gay rvhumc tiq.”

EJEKIEL 14:14

Noa, Danel nuiyc Yoba hez tsuingthuimx kuex kvruex baung kvyuq httax ruiux muinz, tsuinghez vhvlx yauk shuimc rueq tsuinghez rullungx dvyx kvpalc wvnc wuez tuex,” ngoz tueq jungx tueq. Johvlc Yehowa rueq jungx tueq.

EJEKIEL 22:30

Ngvy thuinkhaq vtueq kvruex mungx kuex tvbac gay tvkoc tvhungx tauk nuex, ngaz rueq palx ruk guirc lvp muex miq vshiz shiz, vrulc kay wuez palx ruk baung htenc kvyuq jvp jix miq vshiz shiz nuiyc mungtan kuex tvkhup wungx jix miq vshiz shiz kuex ngaz rueq thuiyx tauk, yuq muinz ngaz rueq vshiz muinz humc mauk.

Hosea 9:15

Yehowa rueq, “Tsuingshiq rueq shuimx yaq layx bac yauk shuimc lotlaz kuex Gilgal ghaq maq phaungc ruiux yaq. Kvruex kuex tsuingshiq rueq ngaz muex shuiuc pac thuinz kvruex maq phaungc wvnc tueq. Tsuingshiq rueq shuimx wvnc tueq layx vbac ningkhvnc nuex ngvy mungtan wawc tsuingshiq kuex yurc gay shaungx. Tsuingshiq kuex ngaz rueq mkaq muinz lungwawx shaungx rvmuq shex; tsuingshiq vyungx vlaungx bix lotlaz rueq ngaz kuex khawx lvlx wuez yaq.

JEKERIA 3:3

Yoshua kuex rv-nyet rvshet khvy svmx vtueq kvyuq jvp yaq.

TRI CHONGKE 9:26

Ngaz rueq thoz tauk, ‘Johvlc Yehowa lex, mnoz luimc vkawc nuiyc mhungc vlaungc yunghvlc maq Ejip mungx wawc tvdung shvlx wvnc toq mmiq htenc kuex nauk tvbac gay kaz.

Hebrews 9:24

Yvmx khoc lac ngoz ruiux lec Christu kuex vsuing vsawc baung muik shauk rulc rv-ngvlc yaq miqsaz yauk maq vtvhungx Vsawc Baung nuex nyuip muq maq, raungmungx nuex nyuip vtueq majuiuc naungshiq laung nuex Tishox khaungkac nuex httax yaq.

PHOWEBI 5:9

Ngvy thuinz vmungx kuex Israel nolaungx yungx bix rulc muinz, vkoz vkez maq romc naungc jix miq htenc rulc muinz vdvmz httax vtaungx. Yehowa muex tvtsvmc wuez shuinz!

1 SAMUEL 12:19

tsuingshiq rueq Samuel muex ngoc, “Jiyungx waz lex, kejux maq nuiyshiq thueyc kaz miq tvkoc Yehowa m-Tishox kox wawc vjux thoz kuq koq. Vganc nuiyshiq mvrax htenc lotlaz htauk nuex, nuiyshiq rueq hokhvmx thoz ningkhvnc nuex yaq tiq nuiyshiq mvrax htenc kuex majuiuc nuiyshiq rueq tuiux tiq shex,” ngoz tueq jungx tueq.

1 SAMUEL 12:23

Ngvy tvkoc kuex thoz ruiux, nuimshiq tvkoc vjux thoz mauk ningkhvnc nuex, Yehowa muex yaq gay tauk wawc msawc m-yal wvnc kueq. Kvkhoc ruec tvraung, vhvlx nuiyc vlvmz kuex phvnc tvkoc ngaz rueq nuimshiq muex tvluing kuq phaungx.

1 SAMUEL 7:9

Samuel rueq khelbuenx saz vshiz kuex thvt ruiux Yehowa muex shomc nawk juing tvyaungc vtueq wvpumz tuimx jauk shomc kuq tueq. Kvruex yimaq piq rueq Yehowa kox wawc Israel miqsaz muex romc kuy tvkoc vjux thoz tueq, Yehowa rueq piq vjux thoz bomc kuex tvralc kuq tueq.