DUNGWVNC 32:11 - Hawa Naga Bible 2001

¹¹ Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux?

ASII LAKDAP Bible (BSI)

¹¹ Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

DUNGWVNC 32:11 Referencias Cruzadas

RAPHA HIQWA LAK 18:27

Abraham rueq laukshiz hulawx, “Yehowa lex, mnoz muex khvmc thuinz httaz hvlc maq jungx thvt phaungx lvmx kuex mvrax nauk tvtsuingc kuq vkueq. Ngaz kuex miqsaz washiz rvtauk ningkhvnc nuex, yvmx jungphvnc vkhangx muinz lvp mauk waz rvtauk.

1 HOKHVMX 8:51

Tsuingshiq kuex Ejip mungx nuex luic thuiyc yaq wvrkez kvwawc mnoz rueq vshvlx wvnc mmiqsaz shauk htenc rvtueq.

NEHEMIA 1:10

“Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

Tvtsvmc 106:23

Tishox vpiq rueq vpiq miqsaz htenc tvbac gay tvkoc jungx tueq nuex vpiq rueq vthvl taq nvrc waz Moshe kuex jvp vtueq tsuingshiq kuex tvbac tac gay muq juing vpiq thuinkhvy kuex tvgawx laq tueq.

DUNGWVNC 32:7

Yehowa rueq Moshe muex ngoc, “Kanx khung kvyuq yauk lox svt kaz kuiuz, yvmx khoc lac ngoz ruiux lec Ejip mungx wawc mnoz rueq tvdung shvlx laq toq miq htenc kuex mvrax yaq vtueq ngaz tvdux gay phuex.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 8:8

Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

ISAIA 63:17

Nuiyshiq kuex yvmx ngoz tueq lac mlvmx maq tvrv-phvlc wvnc vphux? Yvmx ngoz tueq lac nuiyshiq khux tvtsanz kuq ruiux mnoz kox maq tvyek wvnc vphux? Mnvrc waz ngoz yaq, mtsak mnyvmx kuex miq htenc laung nuex yek waung loq.

JEREMIA 15:1

Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

AJONJÜ 2:20

O Yehowa lex, lawc shuiuz! Mnoz rueq yvmx ngoz tueq lac nuiyshiq muex vkhoc murx tvgurc vphux? Yalxjuik rulx kuex tsuingshiq rueq lungwawx yaq nosaz rulx ngvmx htenc kuex phauk wuez yaq! Shomc waz bix nuiyc shvmmax bix muinz miqmac Shomc Yuimx mungx nuex thvy gay rvhumc wuez tueq!

EJEKIEL 20:9

Yuq muinz ngvy muingc kuex tsuingshiq rulc vdvmz httax yaq miqsaz htenc htumc nuex shummarc muq tvkoc ngaz rueq kvkhoc ruez mauk. Yvmx khoc lac ngoz ruiux lec Israel miqsaz kuex Ejip mungx wawc tvdung shvlx wvnc phaungx ngoz tueq tsuingshiq rulc vdvmz httax yaq htumc nuex bomkhvmc kuy ningkhvnc nuex rvtueq.

DANIEL 9:15

“O Taungjix nuiyshiq Tishox lex, mnoz rueq mluimc vkawc tvkhic vtueq mmiqsaz kuex Ejip mungx wawc shvlx wvnc toq ningkhvnc nuex mluimc vkawc kuex majuiuc nuex httuiuc laz rvwvl hvt. Nuiyshiq rueq mvrax yaq tiq; nuiyshiq rueq vyaq shuimx gay tiq.

Yoel 2:17

Shomrawx nuiyc Shomc Yuimx kaluix hvlwvl nuex Yehowa muex shuimx kuq yaq shomc waz bix muinz, vkhoarc raz tueq vkhoc vjux thoz shuex: “Yehowa lex mmiqsaz htenc muex menjenc shuiuz. Vganc miqphvnx htenc rueq ‘Nuimshiq Tishox kuex m-yuq lac?’ ngoz vtueq nuiyshiq kuex tvshumc marc vtueq nauk tvnuey kuic vkueq.”

WEAWEA 11:11

piq rueq Yehowa muex ngoc, “Yvmx rvtueq lac ngaz muex kuilc daz htemc rvmc tvrvhumc vphux? Yvmx rvtueq lac ngaz rueq htvlx phawc lvp mauk rvlaq shaungx? Vruex hez htenc tvkoc ngvy htauk nuex yvmx rvtueq lac yauk shuimc tvdaungc kuq vphux?

WEAWEA 14:13

Yuq muinz Moshe rueq Yehowa muex, “Mnoz rueq miq htenc vruex mluimc vkawc maq Ejip mungx wawc tvdung laq toq. Mmiqsaz htenc muex ruez vshuiux lvmz Ejip miqsaz rueq tay ruiux yuq,

WEAWEA 16:22

Yuq muinz Moshe nuiyc Arun kuex ghaq nuex bumx vtueq, “O Tishox lex, mnoz kuex lotlaz thuiuzthuic pauk rvtoq. Miq washiz shiz mvrax ningkhvnc nuex wv-phvnx tuimx muex thuinz haz khaq vtuiux?” ngoz tueq tvtay jungx tueq.

WEAWEA 21:7

Kvkhoc rvtueq miq htenc kuex Moshe kox nuex kaz vtueq, “Nuiyshiq rueq mnoz muex nuiyc Yehowa muex khawx lvlx ngoz ngax vtueq yaq gay tiq. Majuiuc muinz puiuc htenc vruex yurc gay tvkoc Yehowa kox wawc vjux thoz kuq koq,” ngoz tueq kvmenc jenc thoz tueq. Kvkhoc rvtueq Moshe rueq miq htenc kvruex tvkoc vjux thoz kuq tueq.

WEAWEA 27:4

Piq kuex vsaz miqwaz saz vguez ningkhvnc nuex piq muingc kuex Israel miqsaz wawc vmoz kay juing haz? Nuiyshiq taungnyuing sanox muex ghaq phvlx kuq tuit kvkhoc, nuiyhez muex muinz phvlx kuq kuit,” ngoz tueq thoz tueq.

1 SAMUEL 15:11

“Sholu kuex ngaz rueq hokhvmx muex tvyaungc gay vtueq ngaz yonz vtaungx; piq kuex ngvy kox wawc kvroz wvnc vtueq ngaz rueq nvr shaungx bomc muinz phvnx muq,” ngoz tueq jungx tueq. Samuel kuex thuinkhaq tueq, piq rueq wvrx taungx Yehowa kox wawc kvmenc jenc thoz tueq.