DUNGWVNC 32:12 - ASII LAKDAP Bible (BSI)

¹² Ejip mungti ma ümniiraq ümsenginok ka Ejip mungwa tsuq wan laüta pum thun na tiisii rai jiipbaiq wan miitu tsuq wanto nguta jaram tiingo wa? Naqkhiq kiq tsaq liishe. Üm tiima ka klai laq. Kiimaq ara phiiptsi chang chongthum mra ka ümsenginok thaq na naq tiisaükiq.

Hawa Naga Bible 2001

¹² Mmiq htenc htauk nuex kuilc daz vruex nauk tvhttuiuc kaz, mthuinz layc yek vtueq thuinkhvy kuex tvshiz gay shuiuz; Ejip miqsaz rueq ngoc, mnoz rueq mmiq htenc kuex kuz vkanx htenc nuex gvl wvnc vtueq lotlaz thvy gay tvkoc, Ejip mungx wawc tvdung shvlx wvnc vshuex ngoz tueq tv-ngoc roc haz?

DUNGWVNC 32:12 Referencias Cruzadas

RAPHA HIQWA LAK 6:6

Kra chhiraüta apaiq ka maiqse ka jaramli wa phansang kang kiimaq hiqraikhü na jaram li wa tiisikang nguta kai atsan bito. Apaiq ka kai tiishudaqto.

1 HOKHVMX 8:51

Jamkhano ngukla tsangshiq ka ümsenginok amak shaq. Tsangshiq ka ümniiraq chamchao watum mong wa Ejip mung wa atsuq wanhaü kata.

EJRA 10:14

Arningkhan, kha phoke ma jiika, naishiqnok mungtu shiilang welare ka, Jerusalem na ahai chang miraq. Raüta ara kha ara photsiimke wan miitu shiipan pin towan chang miraq. Raüta, juju riiwa pongnok phan sheare lamtaq, kriiti thun ka, khaphoke ranaiq tiihongtlaq akhing na sheaho raüta, maiqmii hiqshongti welare, kiimaq phowebi kra apaiq rai nongnong sheaho raüta, riiphotsiimki raüjaq ahea miraq. Kha ka tritsi kuq wan raü jiitiq nashiq khuthaq na Shiikeawe tsankhiq sitlaq kra mishi wan!”

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

Tvtsvmc 74:18

Shatmaq tsan na tiitsanglaq, O Tatiwe lei, ümjaqtinok raq ümniika naikütlo, tsangshiq ka ra weahünok kiimaq tsangshiq raq ümniika saisitlo.

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

Tvtsvmc 85:3

Ümniika tsangshiq ma khiq maüshe tsaqlaü laüta tsangshiq khuthaq na ümtsankhiq sru ka atiitsaq riibaiqlaü.

Tvtsvmc 90:13

Ümloqcho na saüli wa ümtsankhiq ka misi? Mangchanlaq, O Tatiwe lei, ümjaqshisetiim ka!

DUNGWVNC 32:14

Krai mren Tatiwe raq apaiq tiima tsantsii ka klaito. Kiimaq apaiq raq asenginok khuthaq na phiiptsi chang mitiithen baiqha nguta tiiphiip bomtaq kriika tiisaü mak riito.

DUNGWVNC 33:13

Ikhla, ümchaü ümniiraq jamkho thapthi tlaü kra ngi ma chongkuqlaq. Kra ngu raütiq ngi raq ümjaq ka aheawiq misham kuqlotha kiimaq ümniiraq lungwii tlaü kra jaq ka misham kuq lotha. Tsan na tiitsang shat riilaq, armung arka ümsenginok miitu ümniiraq tseatsiiq wan laü.”

ISAIA 64:7

Ümwokhong na nyap wan raüta achu jaü wanti maiqse ka jumin ahü. Ümwokhong na nyap wan raüta ümjaq wa khrum jaüwanti ka jumin ahü. Naishiq makki wa ümniika atiipaü she riiki laü. Laüta naishiq ka no niishe tiishaübaiq laü. Jamkhano ngukla naishiq ka ngarai bukaüli sitiikai.

ISAIA 64:8

Shatmaq Tatiwe lei, ümniika naishiq ma awe. Naishiq ka hamlii da; ümniika takloti ikha. Ümniika naishiq phansangti.

JEREMIA 28:16

Kiimaq arningkhan na, Tatiwe apaiq raq, ümniika alam she mirbaiqha ngutlo. Ümchaü rawii ara mithum shaq niili ümniika mitsai haü nguwa. Jamkhano ngukla ümniiraq mungmaiqse ka Tatiwe kiq tlea wan lam nü na chongphan shun shea wan laü.”

EJEKIEL 20:14

Shatmaq Ngi raq tsangshiq ka tiithenbaiq mang dea. Jamkhano ngukla kra riiha jiika, maiq mung pahea raq Ngi raq Israilnok ka Ejip mung wa tsuq wan kang kra chhitinok liipan na imang ka abi mirki.

EJEKIEL 20:22

Shatmaq Ngi raq tsangshiq ka jiipbaiq wan mangdea. Jamkhano ngukla kra nguraü ka Ngi raq Israilnok ka Ejip mung wa tsuq wankang akhing na maiq pongmungti thun raq tsangshiq tsuq wan kang kra achhi. Kra ningkhan imang khoti mibiki. Kra ningkhan tsangshiq ka jiipbaiq wan mang riikang.

EJEKIEL 20:9

Shatmaq Ngi raq kra tiichhi kuq mangdea riikang. Jamkhano ngukla kra riiha jiika, imang chong shreng kra mibiki. Jamkhano ngukla tsangshiq ka maiqnok rai adam na siwanto. Tsangshiq pongnok phan makki na Ngi raq Israilnok ma tsangshiq ka Ejip mung kiiwa mung ahin na mitsuq wanha nguta tiitai chongkuq kang.

Yoel 2:17

Ramwebi tombu tiip shomjam na, Tatiwe shomnoq jaqshamti, berong-wacha nai Shomjam kilamchong na, jaqshamti min, wiita triitam hea ronglaq. Lanta makphai khüshang maq achu jaü ronglaq. “O Tatiwe lei, ümsenginok khuthaq na, mangchan tsantsii thülaq, pongmungti ma naishiq ka naq tiishummiikiq. Tsangshiq ma naishiq ka, ‘Namshiq Shiikeawe ka ümbano?’ nguta, naq tiisaisikiq,”

AMO LUIK DVP (AMOS) 7:3

Kiijiishe Tatiwe apaiq tiima aklai she riito. Raüta Tatiwe raq, “Ara thawa ka tiisaü wan mang,” nguta chongto.

AMO LUIK DVP (AMOS) 7:6

Kiijiishe Tatiwe tiima ka aklai she riito. Raüta Tatiwe raq, “Ikhla ara thawa armin tiisaü mang,” nguta chongto.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

JEKERIA 8:14

Tati Ningkun Ajong Pinthumwe raq ngutlo, “Man na namtitiim pat na, tsangshiq raq itsan tiikhiqto. Kriikha na, ngi raq tsangshiq tiithenbaiq wan lam lu sürii wan kang. Lata itsantsii ka klai mang maq klowan kang.

WEAWEA 14:19

Riita ümchaü min, Tatiwe lei, ngi raq achu jaütiikang, ümnaq lungwii tsantsii ümtiikiimin klai kimak phan rümtlaü kriimaq mra ka diikuqlaq. Ümniiraq tsangshiq ka Ejip mung maq wawan li miiphat, ümchaü niitaq saüli jamkho diikuq wan laü kiikha diikuqlaq.”

WEAWEA 16:21

“Namshiq ka arkong tho wa jai na tiijin tlo ronglaq. Kiimaq Ngi raq tsangshiq ka ümchaü tlothit mitiijiim baiqha.”

TRI CHONGKE 13:17

Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

TRI CHONGKE 9:28

Kra riimakla, Ejip mungti raq ümniima, ümniiraq ümsenginok ka tsangshiq ma mung ashi mikuqha ngulaü kriijaq shea wan lot maü dea riilaü nguta mingu. Kiimaq tsangshiq raq ümniiraq ümsenginok ka kumtsaiphii bintang jüngi mung na tsuq wan laüta tsatbaiq laü. Jamkhano ngukla ümniiraq tsangshiq ka kai ngengtlaü nguta mingu.

JOSHUA 7:26

Tsangshiq raq apaiq maachiim na long maq phongnyung kaüshi she rongbaiqto. Kra longphong ka ümchaü min asili. Kra ningkhan tiina, kra hiq ba ka ümchaü min Chamchao Hiqwii nguta ngutlo. Kra lot jaishe Tatiwe ka tsangshiq ma khiqmak she riito.

JOSHUA 7:9

Ümchaü sanha, Kanannok raq kiimaq armung na siti mung ahinti tarü raq, ara tsütsa ara mitai. Raüta tsangshiq raq naishiq ka trotam maq kom wan raütiishe mikhat wan! Raüla ümkhushü jonglu ka jamkhiishe wa mitiiwong haü?”

1 SAMUEL 12:22

Tatiwe raq namshiq ka apaiq sengi ma tiija wan miitu thapthi wanto she. Apaiq raq sinkham raüpot atsin maq namshiq miitu khakuqto she. Apaiq raq namshiq ka tiishaü baiq mak she.