DUNGWVNC 32:10 - ASII LAKDAP Bible (BSI)

¹⁰ Ümchaü, ümniiraq Ngi ka naq tiiwinkiq. Ngi ka tsangshiq ma itsan khiq she. Kra ningkhan Ngi raq tsangshiq ka mitiithen baiqha. Kra latiishe Ngi raq ümnaq nai ümsaü ümsetiim ka maiq mung ashi jonghea ma mitiijaha.”

Hawa Naga Bible 2001

¹⁰ Majuiuc ngaz kuex nauk tuingshaung vkueq. Ngaz kuex tsuingshiq muex khaq vtueq tsuingshiq kuex tvbac gay kaz taungx. Kvruex yimaq mnoz nuiyc msuiuz msaz htenc kuex miqphvnx vyungx muex tvyaungc kuq phaungx,” ngoz tueq jungx tueq.

DUNGWVNC 32:10 Referencias Cruzadas

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

Tvtsvmc 106:23

Ümtiikiiwa Shiikeawe raq asenginok mijiipbaiqha nguta chongtaq, apaiq raq atsea raüta ashong ajaqshi se Mosheq raq Shiikeawe ka tiiwinhoto, raüta tsangshiq shiithenbaiq chang atsankhiq ka tiishibaiqto.

DUNGWVNC 22:24

Kiimaq Ngi ka itsan mikhiq. Lata ümniika re na mitiitsaiha. Namnyungtiim ka manti nyungre miishe mijaki. Kiimaq namsetiim ka jechise kong miishe mijaki.

DUNGWVNC 32:11

Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

DUNGWVNC 32:19

Ümtiikiiwa Mosheq ka piitiip tho na aje niishe saüho raüta liikiita kra saüla pongse sumla kra chhito. Kiimaq mungmaiqse ka kiijaq awiinum sea chhito. Kra chhi raüta apaiq ka pinthum amokdung dung she khiqto. Kiijaq pumji chong na apaiq raq pitlaq longpen wiinai ka hiq na riiwak baiqto. Raüta kra longpen wiinai ka tiibun baiqto.

DUNGWVNC 33:3

Namshiq ka hiqpo hiq win mung niishe wawantlan. Shatmaq Ngi ka namshiq rai adam niika wadam mang she. Jamkhano ngukla namshiq ka nilan wanshak shaknok. Kra ningkhan Ngi raq namshiq ka lam niili motiithen baiq riijiiq.”

JEREMIA 11:14

Jeremia lei, arnok ara miitu ümniiraq ijaq wa achu naq jaükiq she. Kiimaq arnok ara miitu ümniiraq Ngi ma naq tiipaiqneakiq she. Tsangshiq ka ümtiikiiwa chamchao mirhum, kra akhing na ijaq wa khrum achu jaü raüla, Ngi raq tsangshiq achu jaü ka tre mang she.”

JEREMIA 14:11

Tatiwe raq ngi ma nguto, “Ümniiraq ngi ma arnok ara khrum kuqlaq nguta naq jaükiq.

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 7:16

Tatiwe raq nguto, “Jeremia, arnok miitu achu naq jaükiq. Tsangshiq miitu naqhoqkiq riimakla tsangshiq miitu achu min naqjaükiq. Tsangshiq miitu ngi ma naq tiipaiq neakiq. Ngi raq ümnaq achujaü ka tai mang mirha.

EJEKIEL 20:13

Shatmaq tsangshiq riika kra kumtsaiphii rumnyangkhi mung miimin lanlaqlaq ikiq khü wanto. Tsangshiq raq ithungtri raütu thun kra jin wanto. Kiimaq Ngi raq akuqha iming raütu jurwa langtlaq kriiti ma rilung tsitsü keti thun kra wiita shishe baiq wanto. Tsangshiq raq Asii Niitiitsak Ranaiq tri ka tiisiirai tiisheshi baiq wanto. Ngi raq tsangshiq ma itsankhiq walü heng kra kumtsaiphii mung kiijaq tiichhi kuqla lata tsangshiq ka tiisiirai tiijiimbaiqla nguta tiima kang.

WEAWEA 14:12

Arningkhan Ngi raq thabi tiidong lata tsangshiq ka mitiijiim baiqha. Shatmaq Ngi raq ümniika mung ashi khuthaq na awejong ma mitiija wanha. Kriika arnok arthaq niimin maiq ka apa kiimaq tsangshiq thaq na ningkun ajong nok she mitiija wanha!”

WEAWEA 16:21

“Namshiq ka arkong tho wa jai na tiijin tlo ronglaq. Kiimaq Ngi raq tsangshiq ka ümchaü tlothit mitiijiim baiqha.”

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

TRI CHONGKE 9:14

Ümniiraq ngi ka naq tiiwinkiq. Ngi raq tsangshiq ka jiip baiq lata chongthum tiijabaiq wan tiimatiikang. Krai mren tsangshiq ka maiqse raq jurmin tsan na tiitsang mak she miraq. Kra latiishe Ngi raq ümniika maiq mung ashi, tsangshiq thaq na maiq apa kiimaq tsangshiq thaq na ahong ala nok khuthaq na awe miishe mitiija wanha.’

TRI CHONGKE 9:19

Ngi ka Tatiwe tsankhiq henghea kriima haikang. Jamkhano ngukla apaiq tsankhiq henghea kha maq, apaiq raq namshiq ka miqchup tiithen baiq la nguta danto. Li jiimin, jangshi ri hali Tatiwe raq ngi achu jaü ka tre kuqto.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.