Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.
DUNGWVNC 10:7 - ASII LAKDAP Bible (BSI) Kiimaq hokhamwe sengi ajong alabi raq apaiq ma nguto, “Riita arwe raq nashiq ka ümtincho na saüli wa mitiichamchao? Israilnok wa maiqwere kong riiwe ka mikiholaq. Raüta tsangshiq raq Tatiwe tsangshiq Shiikeawe ka mishomnoqki laq. Ejip mung ka wiita she then wanto kra sap maüli sha?” Hawa Naga Bible 2001 Hokhvmx waz miq vyungx vlaungx bix rueq piq muex ngoc, “Vruex waz vraq naunghez kuex mtanc nuex httuiuc laz lac kuilc daz tvrvhumc phvnx? Tsuingshiq Yehowa Tishox muex nawk palx kuy kay tvkoc, Israel miqsaz kuex mkaz kueq. Ejip mungx bac wvnc vtuex kuex mnoz rueq tuiuz muq haz?” ngoz tueq jungx tueq. |
Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.
Ejip mungti raq Israilnok ka kotsi pinhotlo ronglaq lanta tsang mung ka baiqthütlo ronglaq nguta thaüto. Tsangshiq raq nguto, “Namshiq ka tiibintlo man riihanla, naishiq ka wiita ajiim mirhai.”
Tsangshiqnok ka ümmung na naq tiishongkiq. Kra riihaüla, tsangshiq raq ümniika iman na ngarai mitiitang. Kiimaq ümniiraq tsangshiqnok phra thun kra shomnoq haüla, kriika üm miisaq thum chang thiikho ma mijaki.”
Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”
Kiimaq mintin klotibi raq hokhamwe ma nguto, “Arka Shiikea jaqsham!” Shatmaq hokhamwe ka wanshak shak. Tatiwe raq chongtaq kiikhiili riito. Krai mren Apaiq raq Mosheq nai Aron bom ka taimak lanlaqlaq li riito.
Abi kloti ka maiqmii thiikho na dea watlo. Shatmaq kechu maiqse ka, khoriiq shishiiq wase sitlo.
Ngi raq maiqse rilung na phanshi chhi wan kang. Kriika tsailam khobok nam ma akhap pinthum. Kriika jechak abi nyung kra. Apaiq raq ümnaq lungwii tlaq kriika ümnaq min rai chang bi atsan. Kriika wushi tiimin chang chiiq achan ikha. Kiimaq ajaq maq ümnaq pomtlaq kriika jinraü kharü ikha ümnaq mikhaho. Jurwa Shiikeawe tiichochi tlaq kriiti kli kriinyung thiikho wa mitiichhii lot. Shatmaq apaiq raq ngarai maiqse ka mikhaho.
Jamkhano ngukla ümniiraq üm mungtan kra tiithen baiqlaü. Kiimaq ümsengi mungmaiqse thun kra tsat baiqlaü. Kriikha na ümmaa ka nanok ahinti hokhambi maa laptlaq kiikhiika lap shu mak miraq. Ümjam kunti abi klowan damti thun ka jumin atra siwan lot mak she miraq.
Tiidolaq, Tatiwe lei, laüta naishiq khrumlaq! Ümningkun shoqlaq laüta naishiq tiichhiilaq; richü pat na jamkho shoqlaü kiikha shoqlaq. Man na ümniiraq jungrükaü Rahab bunlak chumbaiq laü ihata.
Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila
Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.
Ngi raq ara chongkuq tiipha arka, namshiq khrumke miitu chongkuq tiikang. Ngi raq namshiq khu thaq na atang ata ikha bom chongke kla riimak. Ngi raq tiima kla namshiq raq jamlai wa riikhaqli athuk atsom lamlu riiwe ka klo han jaq ahea miraq nguta tiima lata chongkuq tiikang. Kiimaq namshiq raq namshiq khum ka Tatiwe shiililii minshiiq na kunli apke miitu jai na tiima chang ka ahü she miraq. Tatiwe jaqsham ka aheawiq maq misham wan lot han nguta ngo maq chongkuq tiikang.
namshiq raq riikhaqli sapchang, Tati Shiikeawe raq, namshiq raq chiqse rewe mung thun khat wan tlan kra apaiq raq khat kuq wan mak she miraq. Kiimaq apaiq raq armung thun ka jobaiq wan mak miraq. Kra rii na, tsangshiq ka namshiq minrai chang bi atsan ikha miraq, riimakla thiikho ashi, kiimaq namraikhü na chumpo-nyam chongwai maq atsat ikha miraq, riimakla nam makpo na shuk raq aram ikha miraq. Riita ara waqkhükham nyangli chamchao arka, Tatiwe raq namshiq ma, ara hiqpo hiqwin mung kuqtaq arjaq, maiq ka weshi min tiichong mak she akhing na saüli namshiq ma siruqli miraq.
Apaiq nai apaiq ka akhiishe tiingoto, “Ngi raq Maikel ka Dawit ma mitiiwaha. Ngi raq Maikel lümaq apaiq tiidea chang thiikho mithuha. Lata apaiq ka Philistainnok ma mitiitsat baiqha.” Krai mren, jangnai ngoja niishe, Saul raq Dawit ma nguto, “Ümniika ichaiwe ma jalaq.”
Kra ningkhan, tsangshiq raq thongshi ri hali Philistainnok hokhambi tlotli tiiheakai tiiki raüta akha nguto, “Israilnok Tongshong Tek ka, apaiq sichü chang hiq kiina tiijang thüwa rongkiq. Kra riihaila, kriiraq nashiqnok kiimaq nachak nasetiim tsat mak miraq.” Chela kra hamli na mungmaiqse ka pinthum phiip raq atsai riito. Jamkhano ngukla Shiikeawe raq tsangshiq ma mo tsihea tiihorat wanto.