JEREMIA 51:8 - ASII LAKDAP Bible (BSI)

⁸ Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila

Hawa Naga Bible 2001

⁸ Babelon mungx kuex huingc rvhek laz maq rul wvnc vtueq bac wvnc tueq! Kvruex tvkoc khoar wuez kuinz! Piq phiz vshuz mac kuex tvhvlc lot shuinx wuez raz tvnx, kvruex tvkoc phumz vwaq lvmz wvnc luit.

JEREMIA 51:8 Referencias Cruzadas

ISAIA 21:9

Tiidongchhaq miili, tsangshiq ka saü wanto! Maiq kong ka kumrang thaq na, wenai nai maq watlo, Kintsongtiwe raq tsütsa ka tiitai chongto. “Bebilon ka miqto she! Tsangshiq raq sumla phra phong noqtlaq thun ka tiisiirai thento she. Wiita hiqrai shotbaiqto.”

ISAIA 47:11

Ümniima miqchup chamchao misaü, kriika ümniiraq ümtinkhanli mintin klo haü min shiikhinglot maü, Ümkhuthaq na tiihanghiiq miili laimiq rathaiq misaü wan, Ümniiraq rawa ma maq dongdii min chhimaü chongthum rathaiq misaü wan!

ISAIA 47:9

Shatmaq jaqlose liipan niili, ranaiqshi niili, ara chongkang anai mra ara mipin. Ümniiraq ümtinkhan mintinli klo haü min, ümwese nai ümsetiim ka mitsai dongdii.

JEREMIA 46:11

Ejip mungti lei, Gilead wang na warong laq, lanta phum ka rit wa rongkiq! Namshiq phum thun ka jamtai mak thiihü; namkhum ka jamlai riimin healot mak she.

JEREMIA 48:20

‘Mob ka miqto she,’ nguta tsangshiq raq mitre, ‘kra miitu hoqtrang ronglaq; apaiq khushü jamto she. Arnon rai khü phan tsütsa ka tiitai ronglaq, Mob ka thento she nguta!’

JEREMIA 48:31

Kra ningkhan, Ngi ka Mob mungti maiq loweatek miitu mihoqha. Kiimaq Kir Heres chelati miitu mihoqha.

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 51:41

Tatiwe raq Bebilon mung miitu akha ngutlo: “Mangjong maiqse kunli raq shomra wantaq chela irka ümchaü re raq jiiwanto she! Bebilon chela thentaq kriika maiq mung thun maklii na phiiptsi jiiptsi she jakito!

JEREMIA 8:22

Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

EJEKIEL 30:2

“Maiq se lei, Ngi, Tati Rakaü Hiqwe raq bom chongtiikang ara riisham bom maq tiithailaq kiimaq tiitailaq. Ümniiraq ara bomtsi thun ara tiihong laüta agilülü riimlaq: Phiiptsi chang ranaiq saü wantlo!

DANIEL 5:24

Arningkhan tiina, Shiikeawe raq maiqjaq ashi tiiki raüta ara bomtsi tiiwaiq kitaq ara.

DANIEL 5:31

Kiimaq Medi mungti hokhamwe Derias, apaiq ka kra akhing na arawii wiiroqtrok ri wiinai she kriiraq hokham ngachang ka jiiwanto, raüta mung ka lang wanto.

NAHUM 3:19

Ümmi phum chang tsiq ahü she, kiimaq ümmitsi hea lot mak. Ümnaq then wan tsütsa taitibi, chochi raüta jaqphi phoktlo. Jamkhano ngu raüla, ümniiraq abi kiimung wan kra, riihum wan makti maiq asi shea?

Revelation 14:8

Kra jai na, rase anai ngojati raq tiijorot she hali, akha rüm chongto, “Apaiq ka miqto she! Ajong Chela Bebilon ka miqto she! Apaiq raq mangjong maiqse wiitarü ma ache maq tiiphe siq wanto. Apaiq sethoq ja ngarai che tsai maq wiitarü ka ngeasiqto she!”

Revelation 18:2

Apaiq raq tiihong raüta akha riimto: “Thento! Thento! Ajong Pinthum Bebilon Chela thento! Apaiq sichang jam ka ümchaü shotsai winji kong tiibo chang she. Ashe ashi maiqphai asi wushi kong da chang chong miishe jakito.