JEREMIA 51:7 - ASII LAKDAP Bible (BSI)

⁷ Bebilon mung ka ijaq na chaq khap ikha shamkang. Lata mangjong maiqse tlotli ma che ka phetak tiibak nyang kang. Maiq mung raq maiqmiimii che khap ka bak nyangto. Raüta tsangshiq ka chok rai raüta chephe maakaiq chhaq sunghü tsiihü she riito.

Hawa Naga Bible 2001

⁷ Babelon kuex ngvy yauk nuex shuimx vtueq mungkawx lotlaz tvpawc gay tauk kuimshawx kok ikhoc rvtueq. Miq phvnx htenc kuex kvyuq httax yaq svpiq tix kuex nuingx pawx wuez vtueq, tsuingshiq rueq htahtaz khuemx wuez yaq.

JEREMIA 51:7 Referencias Cruzadas

ISAIA 14:4

Ümtiikiiwa apaiq raq arshe klojiiq, raüla tsangshiq raq Bebilon hokhamwe ka akhiishe mislailii wan: “Abi pinthum hokhamwe ka deawato she! Apaiq raq maiq ka ji maq nishishi jumin jamsha wan lot mak she miraq!

JEREMIA 13:13

Kiijiishe ümniiraq tsangshiq ma chongkuqlaq, Ngi, Tatiwe raq armungti ka che tiibak nyang lata wok phetaktak, che maq mitiichokha. Hokhambi thun, Dawit saüsetiim thun kra. Kiimaq ramwebi thun kra kiimaq shammibi thun kra kiimaq Jerusalemti thun kra che maq mitiipheha.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 50:38

Tsangmung na ram tiidong laq, tsang mung wa jürai thun ka wiita trübaiq ronglaq. Bebilon mung ka phiiptsi chang sumla phra phongli, kra thun raq tsangshiq ka anginok ma tiijabaiqto.

EJEKIEL 23:42

Kiimaq tsangnai tho na maiq phong apo alo ahaiseati riibom riinai trang kra tiitai shat. Kiimaq maiq kongshi ka kumtsaiphii rumnyangkhi mung wa asheaki kra saü wato. Tsangshiq raq tsangnai ma, jechakre raq jaq na pachang jaqsin kii thun ka jaqdang na tiipakuqto kiimaq tsangnai khupo na tsomhea hokham khuphok tiiphop kuqto.

DANIEL 2:32

Kra sumla khupo ka ahea pinthum chiisan chaq maq alo; akhuk nai ajaq wiinai ka kampho maq alo; achhü nai ahüko thun ka miiki maq alo.

DANIEL 2:38

Apaiq raq ümniika ara mangjonghiq raikhü na maiqse sitlaq kra pengti, kiimaq rumnyamse, kiimaq peshap wushi wiita kra pengti ma shongto. Kra chaq maq alo khupo ka ümnaq riilaü.

Revelation 14:8

Kra jai na, rase anai ngojati raq tiijorot she hali, akha rüm chongto, “Apaiq ka miqto she! Ajong Chela Bebilon ka miqto she! Apaiq raq mangjong maiqse wiitarü ma ache maq tiiphe siq wanto. Apaiq sethoq ja ngarai che tsai maq wiitarü ka ngeasiqto she!”

Revelation 17:2

Mangjong hiq wa honyung hokham bi ka, arnyung rai sethoq sepii kiicham raüta siwanto. Kiimaq, mangjong hiq wa maiqse angu ka, apaiq sethoq ja ngarai che tsai kra baknyang raüta phepii siq wanto.”

Revelation 17:4

Kra jechakl nyung raq samtlaq khea rong ka, awai nai ashii rong arshot, kiimaq ashii rong maq ataq miirii. Kiimaq apaiq ka chaq laktum, niti, jaqsin, kiimin huru longseng, longchhai laktum thun maq achhai anyii tiimiikhiiqto. Apaiq jaq niika chaq kok ashi sham raü riito. Kra mong niika sethoq sepii jaqsham che tsai, kai ashe ashi, apaiq sethoq sepii jawantaq ngarai raq ama riito.

Revelation 18:23

Ümchela mong na wa tlü chaqti maiq jumin ahü she miraq. Maiq riilam riiwati junrii norii bom nai trang min ahü she miraq. Ümsengi laopanbi thun ka mangjong maiqse tlot li thaq na ajong pinthum chiithe lüwa siisaq nguta siwanto ihata. Kiimaq ümniiraq arot akiq along alea bomtsi chongkuq wan laüta mangjong maiqse tarü laophaq wan laü ihata!”

Revelation 18:3

Apaiq sethoq sepii ngarai che tsai ka mangjong hiq wa maiqmung kunkun raq wushi kong kham chum na riiwe tlaq ikha baknyang wanto she. Mangjong hiq wa honyung hokham bi raq, apaiq rai sethoq sepii kiicham raüta siwanto. Apaiq tsiiq ma süramti mangjong hiq wa laopan bi thun kunkun ka, apaiq ngarai tsiiq tum kiiwa, wok phetak chhaq she phesiqto.”

Revelation 19:2

Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”