JEREMIA 51:9 - ASII LAKDAP Bible (BSI)

⁹ Pongmungti kiijaq sitibi raq ngutlo, ‘Naishiq raq Bebilon mungti ka khrumke dankai. Shatmaq kriika diikiq adea wawi she. Arningkhan apaiq ka baiqthü rong i. Laita nashiq ka jam niishe wawan rong i. Shiikeawe raq Bebilon mung ka aningkun aheng maq mo tiihoto she. Raüta apaiq ka miqchup she tiithenbaiqto.’”

Hawa Naga Bible 2001

⁹ Kvyuq httax yaq pungnuk phvnx htenc kuex, ‘Babelon muex romc kuy tvkoc nuiyshiq hunglaungx wuez tiq, yuq muinz kvyix hvlc shex. Majuiuc kuex naungshiq rueq gay shec ruiux miqmac yuimx nuex yek waung ix. Tishox kuex vpiq hungc vlaungc lotlaz maq Babelon muex murx tvgurc tueq, kvruex mungx kuex tvsawc ric tvbac gay tueq,’” ngoz tueq jungx tueq.

JEREMIA 51:9 Referencias Cruzadas

2 KAÜWA WERAÜ 28:9

Maiq weshi amang min Oded, apaiq ka Tatiwe Shammiwe ka Samaria chela na sito. Apaiq raq Israilnok phenlabi Juda mungti shumwikong tsuq wan raüta rejang awarai chela na asaü wan she kra lam na riihumto. Raüta apaiq raq akha nguto, “Tatiwe namtitiim Shiikeawe ka Juda mungti ma atsankhiq riito. Kriikha na apaiq raq tsangshiq ka namshiq ma tiitangto. Shatmaq ümchaü ka namshiq raq tsangshiq ka abi pinthum tiinamtok jiipbaiq lan kra kha ka apaiq raq taito she.

EJRA 9:6

Ngi raq akha jaü kang, “O Shiikeawe lei, ngi arka ümman na chap wan min kham mang, pinthum jea tiikang. Naishiq mra thun ka ümmak lii na achong lotmai, naishiq thaq na amashe riiwanto. Naishiq ngarai homa phong ka ramong nyang niishe saü wanto.

ISAIA 13:14

“Bebilon mung na pongmungti siti thun ka ngamhiipti chhi raüta chhingi kong achiim jin pintrangtlaq ikha kiimaq skusekong arümti ahü pintrang tlaq ikha maiqmiimii mung na mipin wan.

ISAIA 47:15

Tsangshiq raq ümniima ahea pinthum kloke ka arjiili she mithumki, kra raiqsaiq jipi shammi kong, ümrilung pattup tlamsiq wanlaü kong kata. Tsangshiq wiita raq ümniika mibaiqthü, raüta tsangshiq ka maiqmii lampurit mipin; kiimaq ümnaq tiichhiiketi jai na jumin tiichong mak miraq.”

JEREMIA 46:16

Ümsengi phenlabi thun wiita tiithaptha raito raüta rejaq na tsaito; maiq loweatek raq weshi ma ngutlo, ‘Jaqlo! Nashiq jam na jang wan rong i, namung na wawan rong i; laita rewe nepja thaq wa nakhum tiichhii wantlo rong i!’

JEREMIA 46:21

Apaiq raq amaq kham asheaki phenlabi thun kiimin, minsaü sekong jamkhii ijasiq ikha. Tsangshiq raq re ka khat lot mak riito; tsangshiq wiita apin ajin jutrangto. Tsangshiq chongthum jawan ranaiq she saüto, tsangshiq laimiq then wan rahiq saüto.

JEREMIA 50:16

Tsang mung na tsekoq tsam jang maimak she. Kiimaq tsam min tiijut sea maimak she. Kiijaq siti pongmungti wanwe thun ka re raq kra mung ka khat wan chhi raüta pinthum mihai. Kiimaq tsangshiq ka maiqmii mung na mijang wan.”

JEREMIA 8:20

Mungmaiqse ka akha hoq trangtlo; “Raju min leawanto she, tsamjut min tumto she, shatmaq nashiq ka ümchaü min mitiichhii shaqli.”

Hosea 7:13

“Tsangshiq ka thentoshe! Tsangshiq iwokhong wa juhoto! Raüta ngi rai riilongtlo! Tsangshiq ka chongthum miishe mija. Ngi raq tsangshiq tiichhii wan tiimakang. Shatmaq tsangshiq raq ngi shomnoq ka arot.

Revelation 18:4

Kiijiishe, ngi raq ramungtan wa maiq bom ashi akha tai nong kang: “I sengi lei, chiimjin ronglaq, apaiq ngarai thiikho na dea jiiq, apaiq chamchao wakhiim kaq jiiq.

Revelation 18:5

Apaiq ngarai ka ra ham hiq ham, kiimaq Shiikeawe raq apaiq abi lamphan thun ka tsan na tiitsangshat.