JEPHANIA 1:18 - ASII LAKDAP Bible (BSI)

¹⁸ Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.

Hawa Naga Bible 2001

¹⁸ Yehowa rueq vpiq thuinkhvy tvkhic shuex raungnuiyq nuex, tsuingshiq kuimphox sawx nuiyc kuimshawx htenc lotlaz rueq doc muinz tsuingshiq kuex palc wvnc lot muq. Vpiq thuinkhvy wvr maq ghaq wvtaungx tvbac gay shuex. Ghaq htauk nuex httax yaq miq pumz tek tvkoc huingc rvhek maq vtvsuip raungnuiyq tvyaungc kuq gay shuex.

JEPHANIA 1:18 Referencias Cruzadas

RAPHA HIQWA LAK 6:7

Kra ningkhan apaiq raq akha nguto, “Ngi raq aphan sangha maiq thun ara wiita miqchup mishthen baiqha. Kiimaq ngamsaü ngiqse thun nai peshap wushi thun kiimin mishthen baiqha. Jamkhano ngukla Ngi raq tsangshiq phansang kang kra khana kai tiishudaq tiikang.”

1 HOKHVMX 14:22

Juda mungti raq Tatiwe man na tsangtitiim pat na ngarai ümchuwa klo wantaq kriithaq niimin pahea achan she tang wanto. Kriikha na Tatiwe tsankhiq ka tsangshiq khu thaq na henghea she shaü wanto.

YOBA 21:30

Shiikeawe raq atsankhiq ranaiq na maiqse ma mo tiiho raüla, ashutwe riiwe ka jangwrap she tiihang baiqtlo.

YOBA 3:15

Kra nguraü ka ngi hokham sere kontlaq ikha mikonsiq ha wa tsangshiq raq tsangshiq jamkun ka chaq nai kampho maq tiima tlaq,

Tvtsvmc 78:58

Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.

Tvtsvmc 79:5

Tatiwe, ümniika naishiq ma pattup khiqruqli shea mikhiq haü? Ümtsankhiq ka walü ikha nyairuqli shea minyai?

TAKSU LAK 11:4

Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

TAKSU LAK 18:11

Shatmaq chiithe maiqse riika, tsangtsiiq tum ka, chela kiitelong ruk ikha, tsangkhum chhiiti nguta tiimatlo.

ISAIA 1:24

Arningkhan na, ümchaü min, Ajong Pinthum Tati, ningkun ajong rümti Israilnok Shiikeawe raq akha chongtlaq kra tiitsang dada tailaq: “Namshiq ka Ngi ma chiq nai re kong. Ngi raq namshiq khuthaq na iphuk she milamha. Krai mren namshiq raq Ngi ma ikhu tiitsi chang mintsa tiipa man she mirhan.

ISAIA 10:17

Shiikeawe, Israilnok ma rawüli kriika wa miishe mijaki. Israilnok asii Shiikeawe ka walütu kaü miishe mijaki. Raüta ranaiqshi liipan niili wiita tiihihut, kiida shukrü thun nai chokmun rü thun kriimin wiita hihut mikhiimbaiq.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

EJEKIEL 16:38

Ngi raq ümniika sethoq ja kha na nai maiq tsatbaiq laü mat kha na mitiishutbaiqha, kiimaq itsankhiq walüwa ikha hengtlaq kriimaq ümkha ka pholata ümniika mitsatbaiqha.

EJEKIEL 23:25

Ngi ka ümniima itsankhiq kha maq, Ngi raq ümniika tsangshiq tsankhiqtlaq kra phan phan ümkha ka mitiiphoha. Tsangshiq raq ümkhüpo ka mihanbaiq. Kiimaq ümnilok ka mihanbaiq. Raüta ümsetiim thun ka mijiipbaiq. Ngohea. Tsangshiq raq ümsetiim maiqwese re nai jechakse re thun ka ümwokhong wa minyeaho. Raüta atra maq wa na michaqbaiq.

EJEKIEL 7:11

Mat kha ümchuwa dongtlaq, kriiraq abi kiimung kriili tiipa wantlo. Tsangshiq raq jamlai phan wa rümtlaq kriika thum thum she mithen wan. Tsangshiq tsiiq nai nyam, tsangshiq jonglu tiitsaki, riimakla tsangshiq khushü jonglu thun ka thumthum she mithen wan. Jamlai min tiichong mak she miraq.

EJEKIEL 7:19

Tsangshiq raq tsang tsiiq chaq nai kampho thun ka lam thun kiijaq hiq tili sinchiitsap tsuqbaiq tlaq ikhli she mitsuqbaiq. Jamkhano ngukla Tatiwe raq atsankhiq walü tu tsangshiq khuthaq na nyuktlaq kra wiika tsangshiq tsiiq anyam raq tsangshiq ka tiichhii kuq wan lot mak. Tsangshiq raq tsiiq nai nyam ka shaphaq raüta maiqmii raq aroro polosiq lot mak she. Kiimaq tsangwok poka tiidunglot mak she. Chaq nai kampho raq tsangshiq ka ngarai mong na tiidea baiqto.

EJEKIEL 7:5

Tati Rakaü Hiqwe raq akha ngutlo, “Namshiq khuthaq na phanshi then wan jai maq phanshi then wan kra misaü wan.

JEPHANIA 1:11

Ara taihan jiila, maaho manyi hoqtrang ronglaq, namshiq chela mai na siti, jamkhano ngukla, laopanbi thun wiita atsaikai kun she miraq!

JEPHANIA 1:15

Kra ranaiq ka tsankhiq heng ranaiq, pitlang pitthea riihum ranaiq miraq. Athen ajen wan nai athum wan ranaiq miraq. Rathaiq ranyaq ranaiq, ranyaq tangtang ranaiq, kiimaq phumthup ranyaq ranaiq miraq.

JEPHANIA 2:2

Namshiq ka tsamchhii rahai raq pan wan tlaq ikha; mipan wan shaq na, Tatiwe tsankhiq wanii tu ka, namshiq khuthaq na misaü shaq na; apaiq tsankhiq amokdungdung saüho tlaq kra; namshiq thaq na misaüho shaq na, namtsii sam ronglaq.

JEPHANIA 3:8

“Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

TRI CHONGKE 31:17

Ümtiikiiwa kriishe klohojiiq, Ngi ka tsangshiq ma itsankhiq she miraq. Ngi raq tsangshiq ka amiim mirbaiqha. Kiimaq tsangshiq ka miqchup mitiithen baiqha. Tsangshiq khuthaq na phiiptsi chang mra pahea midong wan. Kiijiishetiq tsangshiq raq kra chamchao thun saü wantaq kriika tsangshiq raq Ngi, tsangshiq Shiikeawe ka tsangshiq rai lomdam mang she kha maq kriithun ka saü wanto ngutiishe misap wan.