JEPHANIA 1:17 - ASII LAKDAP Bible (BSI)

¹⁷ Tatiwe raq ngutlo, “Ngi raq maiqse khuthaq na, achong lot mai then wan mitiisaüha, maiqse angu wiita makchukwe ikha, phang rang phiim ra miraq. Tsangshiq raq i man na ngarai tangto. Kriikha na ümchaü tsangshiq tiijai ka, kham araü ikha miraü, Kiimaq tsangmaa phong ka hiq na, küramliira minam wan.”

Hawa Naga Bible 2001

¹⁷ Yehowa rueq, “Ngaz rueq miqsaz htenc htauk nuex thuimkux kuex tvkaz ruiux miq pumz tek vtueq muik moz jix ikhoc htuinghtamz khuemx shamx wuez tuex. Tsuingshiq rueq ngaz muex mvrax yaq gay ningkhvnc nuex, tsuingshiq tvguiy kuex majuiuc dvyx yuix ikhoc kvruiuc wvnc vtueq, tsuingshiq maungx htenc muinz ghaq htauk nuex nvmkvmx wuez tuex,” ngoz tueq jungx tueq.

JEPHANIA 1:17 Referencias Cruzadas

Tvtsvmc 83:10

Ümniiraq tsangshiq ka Endor hiq maq khatbaiq laü, kiimaq tsang maa phong hiq na namto.

ISAIA 29:10

Tatiwe raq namshiq ka tiinguk miiliiq she tiiphepii baiqto. Lantea akon makaiq she mikon wan han kata. Shammibi ka mungmaiqse ma makpo jachang wa, Shiikeawe raq tsangshiq mak ka khea maq jobbaiqto.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

JEREMIA 10:18

Tatiwe raq namshiq ka armung wa ado she mirbaiq; Apaiq raq namshiq ka weshi min tiichong mak maq tiinamtok mitiiq baiq. Arka Tatiwe raq ngutlo.

JEREMIA 15:3

Ngi, Tatiwe raq, tsangshiq khuthaq na phiiptsi chang phanblai tiisaü raa dongdii nguta tri ashat thü kun she: tsangshiq ka re na mijiim; tsangshiq maa phong ka hi kong raq mihit phaq wan. Rum wushi kong raq tsangshiq maa phong ka miphaq. Kiimaq kiiwa abung tiichongtlaq ka rum ngam kong raq miphaq.

JEREMIA 18:21

Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 3:25

Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

AJONJÜ 1:14

“Apaiq raq ingarai ma thun wiita raüpot weaje thüto. Raüta adam na tushi kha raüta thüto. Raüta kra ngaraitu ka idangkong na paqkuto. Ngi ka kra ngarai ma holai raq, pitlang pitthea tsaiwan kang. Tatiwe raq ngi ka, rejaq na tiishaübaiqto, ngi ka rewe jaqkhon na, kaidi wan kang.

AJONJÜ 1:18

“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

AJONJÜ 2:21

Nyungwere nai nosere thun wiita, chiihea wea lam na jiipbaiq wanto, re raq jetu jerobi min wiita tsatbaiqto. Ümniiraq mangchan tiichikuq maü maq, ümtsankhiq walü ranaiq, tsangshiq jiipbaiq wan laü.

EJEKIEL 16:38

Ngi raq ümniika sethoq ja kha na nai maiq tsatbaiq laü mat kha na mitiishutbaiqha, kiimaq itsankhiq walüwa ikha hengtlaq kriimaq ümkha ka pholata ümniika mitsatbaiqha.

EJEKIEL 24:7

Kra chela na maiq tsatto, shatmaq kra maiq tiijai ka hiq na botkhulai raq pang wan li chang ka riimak, kra tiijai ka longkaü raikhü siirairai tha na raüto.

EJEKIEL 24:8

Ngi raq maiq tiijai ka kiijiili thübaiq kang. Kriika apaü ashan chang min ahü. Kra tiijai raüta kriika tsan akhiq maq phuklam chang she.”

AMO LUIK DVP (AMOS) 4:10

“Ngi raq Ejip mungti thaq na sawa thadong tiisaükang, lata maiq ka tiijiim baiq kang. Namshiq khuthaq niimin sawa thadong tiisaü kang. Lata maiq pahea tiijiim wan kang. Ngi raq namshiqnok jero jongbi, chiqse rewe tiidong lata, re na pahea tiijiip wan kang. Lata namrekhat chang kumrang kong, rewenok ma sepat lopi ma tlam wan kang. Namshiqnok phenlabi thun piitiip na, maiqmaa namtsam tiimok miichaq, maiqmaa phong ka pehürong ikha. Shatmaq namtsii chhi wan man dea, kiimaq ngi phana jang wan man dea, nguta Tatiwe raq ngutlo.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

Matthew 15:14

“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

Romans 11:7

Ara chong tiikai arai mren, Israilnok riika tsangshiq raq jamlai wa rit wantaq, kriika hum wan mak dea riito. Shatmaq, Shiikeawe raq tsea wantaq phong wa, maiq atsapko riili Shiikeawe lamphan kra hum wanto. Maiq apako tiichong kitaq thun kra miika, Shiikeawe raq tsangshiq ni ka nilan miishe tiija baiq wanto.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

2 Peter 1:9

Shatmaq kamasham maiqse ngu raü, ju khum niiwa ara chongtiikai thun angu tu ka ahü, kriiti ka amak achuk we, lairap samhea chhi tsii mak we ikha. Kiimaq amak chuktlii we ikhli sitlo. Akhiiti riika, Shiikeawe raq akhum wa anyung pukdong ngarai ka diibaiqto she ngutiimin sapphaq mak miili, angi we ikhli sitlo.

1 John 2:11

Shatmaq jurwa phunaino Phungmaiqse ka ngengseng tlaq, kriiti ka ümchaü min ranyaq mong niili sitlo ngushat. Apaiq ka ümchaü min ranyaq mong niili sitlo. Krai mren, apaiq khum chang lam kiimin chhi mak miili sitlo. Jamkhano chhi mak ngukla, apaiq mak ka achuk. Ranyaq watlaq kriiraq amak ka wiita atiichuk she riibaiqto.

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.