JOSHUA 23:13 - ASII LAKDAP Bible (BSI)

¹³ namshiq raq riikhaqli sapchang, Tati Shiikeawe raq, namshiq raq chiqse rewe mung thun khat wan tlan kra apaiq raq khat kuq wan mak she miraq. Kiimaq apaiq raq armung thun ka jobaiq wan mak miraq. Kra rii na, tsangshiq ka namshiq minrai chang bi atsan ikha miraq, riimakla thiikho ashi, kiimaq namraikhü na chumpo-nyam chongwai maq atsat ikha miraq, riimakla nam makpo na shuk raq aram ikha miraq. Riita ara waqkhükham nyangli chamchao arka, Tatiwe raq namshiq ma, ara hiqpo hiqwin mung kuqtaq arjaq, maiq ka weshi min tiichong mak she akhing na saüli namshiq ma siruqli miraq.

Hawa Naga Bible 2001

¹³ nuimshiq kvtenc kaz wvnc ruiux muinz Yehowa nuimshiq Tishox rueq miqphvnx kvruex vsuingc suing yurc gay muq lvmz kuex nuimshiq rueq tuiuz taq wuez shuinz. Tsuingshiq kuex nuimshiq tvkoc phex, rvmuq ngoz ruiux ghaqkhurx, vwungc juing svnthuingx, muik nuex suk yaq shuiuq ikhoc pinhtumc kvhiz juing muex yaungx tuex. Kvdvyx muinz rvmuq Yehowa nuimshiq Tishox rueq nuimshiq muex kuq kv-phuinx vruex vhvlx mungtan vwawc nuimshiq vshiz muinz tvjungx muq thvy gay nuex httuiuc laz vkhoc ruez shuex.

JOSHUA 23:13 Referencias Cruzadas

1 HOKHVMX 11:4

Krai mren ümtiikiiwa apaiq ka tikiishe jawantaq, tsangshiq raq apaiq ka pongmungti phra thun kriishe tiishomnoq wanto. Apaiq ka awe Dawit raq jamkho tsapkapkap maq Tatiwe apaiq Shiikeawe shomnoq wantaq kiikha shomnoq mak she riito.

2 HOKHVMX 17:18

Tatiwe ka Israilnok ma atsankhiq riito. Kra ningkhan apaiq raq tsangshiq ka amakki wa jobaiqto. Raüta Juda mungtan kli she tiichongto.

2 HOKHVMX 17:20

Tatiwe raq Israilnok ka kunli no na tsuqbaiq wanto. Raüta tsangshiq ma pinthum mo tsihea tiiho wanto. Raüta tsangshiq ka chiqse rewe pinthum biheanok jaq khon mong na kiinong kuqbaiqto. Kra raütiishe atiisup niishe tsangshiq ka amakki wiishe alu na jobaiqto.

2 HOKHVMX 25:21

Ribla chela ka Hamath wang na riito. Kiijaq tsangshiq ka hokhamwe raq tiibukto. Raütiishe tiitsat baiqto. Ara chongtlaq akha Juda mungti ka tsangmung wa pongmung na munglu shumwikong ma tsuq wanto.

2 HOKHVMX 25:26

Kra raütiishe Israilnok mungmaiqse ka tlotli, chiithe maiqse kiimaq miitsan maiqse kunli adam maq phentubi krai kongshi maq Ejip mung na laühoto. Jamkhano ngukla tsangshiq ka Bebilon mungti ma ahai riito.

Tvtsvmc 69:22

Tsangshiq poijong dungpin raq tsangshiq mitiimiq phaqlaq; tsangshiq asii dungsea poi raq tsangshiq mitiidea baiqlaq.

DUNGWVNC 10:7

Kiimaq hokhamwe sengi ajong alabi raq apaiq ma nguto, “Riita arwe raq nashiq ka ümtincho na saüli wa mitiichamchao? Israilnok wa maiqwere kong riiwe ka mikiholaq. Raüta tsangshiq raq Tatiwe tsangshiq Shiikeawe ka mishomnoqki laq. Ejip mung ka wiita she then wanto kra sap maüli sha?”

DUNGWVNC 23:33

Tsangshiqnok ka ümmung na naq tiishongkiq. Kra riihaüla, tsangshiq raq ümniika iman na ngarai mitiitang. Kiimaq ümniiraq tsangshiqnok phra thun kra shomnoq haüla, kriika üm miisaq thum chang thiikho ma mijaki.”

DUNGWVNC 34:12

Namshiq raq jiiwantlan maiq mung thunti rai wehea riija tong naqshong rongkiq. Akhla riihan jiila, namshiq khlaq wan chang hiqbi thiikho bok ma mijaki.

DUNGWVNC 34:16

Kiimaq namsetiim raq pong mung maiqse sheare kra molam wan she moraq miraq. Raüla kra nyungre raq tsangwesetiim ka Ngi miimthü raüta lamjiq niishe misheaho. Raüta tsangshiq thatsang phra kong kriishe mitiishomnoqho.

EJEKIEL 28:24

Tatiwe raq nguto, “Israil mung tro na siti maiq mung thun raq Israilnok ka thophi riiqphi shummii wanti thun kriiwa, ashi ra min Israil mung miitu ümtiikiimin shukchong nyiqchong ikha jalot mak she miraq. Kiimaq tsangshiq raq, Ngi ardea Tati Rakaü Hiqwe nguta misap wan.”

WEAWEA 33:55

Shatmaq namshiq raq kra mungwa noktinok kra wiita jobaiq man riihanla, kiijaq abung tiichongtlaq thun ka namshiq mak na sinchii raq asuk ikha namshiq ma chamchao mitiidong, kiimaq namshiq khum na shuk raq aram ikhiishe namshiq ka mitiicham chao. Kiimaq tsangshiq ka namshiq rai mirkhat.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

TRI CHONGKE 29:28

Tatiwe tsan ka pinthum walü wa ikhiishe khiq kito. Kiimaq atsan khiqtsi miishe, apaiq raq tsangshiq ka tsang mung wa arang chong maq babaiqto. Raüta tsangshiq ka pong mung na dobaiqto. Kra ningkhan, tsangshiq ka ümchaü pong mung na sitlo.’

TRI CHONGKE 30:18

ümniika miqchup mitiithenbaiq. Ngi raq ümchaü armaq ümniima chongkuq tiikang ara. Kra ngu haüla, ümniiraq hiqshong Jordan rai re na jiiwan tlaü kiijaq ümrilung ka alu simaü mirhaü.

TRI CHONGKE 4:26

Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.

TRI CHONGKE 7:16

Tatiwe namshiq Shiikeawe raq namshiq jaqkhon na maiq mung kiinong kuq wantlaq kra aweatek miqchup tiithen baiq ronglaq. Kiimaq tsangshiq ma tiihang mangchan tiichhike wan maimak. Tsangshiq phra thun ka naq shomnoq rongkiq. Kra riihanla namshiq mea wan chang thiikho miraq.

2 Timothy 2:26

Raüta, tsangshiq raq, maiqmii shutphit lam kra misap wan. Raüta tsangshiq ka Thawe raq, apaiq dikong ma shiinüm sha wan ma, apaiq thiikho mong na tiimin tlo nguta misap. Raüta Thawe thiikho mong wa milun wanlot.

PHOWEBI 2:21

Arkha na, Joshua tsaijai maq armung na pongnok phan maiqmung ümtinkhan wa abung tiichongkitaq, kriithun ka ümchaü ngi raq jokuq mang she.