JOSHUA 23:12 - ASII LAKDAP Bible (BSI)

¹² Shatmaq namshiq ka Tatiwe wokhong na phaqchii nichii maq shonga man riihan la kiimaq namshiq rai pongnok phan maiqse tiichong kitaq thun krai, namshiq ka adam na riishot riishaq sihanla, lanta tsangshiqnok rai sikhe sirü riija hanla,

Hawa Naga Bible 2001

¹² Nuimshiq tvmtuing wawc kv-phelc wvnc vtueq nuimshiq rulc kvjungx httax yaq vganc phvnx miqsaz rulc khoalx ruix rvyaungc ruiux yuq kuex,

JOSHUA 23:12 Referencias Cruzadas

RAPHA HIQWA LAK 2:24

Arningkhan tiina maiqwe raq awe nai anyung ka baiqthütlaq raüta achak rai pumshi hanshi she tiipum wantlaq. Kiimaq tsangnai ka pumshi she jakitlo.

RAPHA HIQWA LAK 34:3

Shatmaq apaiq raq kra jechakse ka shamheawiq chhi raüta apaiq raq no ka lungwiito. Kiimaq jechakse raq apaiq lungwii raüjaq nguta Dina ka tiijom nato.

1 HOKHVMX 11:2

Apaiq raq arnok sheare lamtaq arka Tatiwe raq Israilnok ma armung thun rai sikhe sirü naq riija rongkiq nguta aming keje taümaq lamto. Jamkhano ngukla tsangshiq raq Israilnok ka Tatiwe wokhong wa tiidongho raüta laihin phra thun wokhong niishe misheaho.

1 HOKHVMX 11:4

Krai mren ümtiikiiwa apaiq ka tikiishe jawantaq, tsangshiq raq apaiq ka pongmungti phra thun kriishe tiishomnoq wanto. Apaiq ka awe Dawit raq jamkho tsapkapkap maq Tatiwe apaiq Shiikeawe shomnoq wantaq kiikha shomnoq mak she riito.

Tvtsvmc 125:5

Shatmaq ümtiikiiwa ümniiraq abi maiqse ma mo tiihotlaü, ümlam phan miimbaiqtibi kra miimin mo tiiholaq. Israilnok ma hansang mirlaq!

Tvtsvmc 36:3

Apaiq raq bom abi kiimaq arot akiqli chongtlo; apaiq raq athuk atsom nai ahea awa jaqsham ka shammak she.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

Matthew 12:45

Krai mren, apaiq ka kiho nong raüta, apaiq thaq na bihea abi winji miishi kriishe sheaki raüta, kriiwe khum na she mishang. Kra thun ka shang wa jai she ka, kriiwe rilung ka aphaji na kra nam ma diikiq tiidearok she miraq. Archong kai chang min ahü she miraq. Ara chongtiikang akhiisii hali, ümchaü pat wa Shiikeawe ngengti maiqse rilung kiimin mithenki.”

John 6:66

Ara atsin maq bomchongke ara tai raütiishe, Jesuq jaiphanti phong wa, maiq pahea raq apaiq jai ka phan mak she tsaqkito.

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

TRI CHONGKE 6:15

Namshiq raq laihin phra thun kra shomnoq han jiila, Tatiwe tsankhiq walü ka namshiq khuthaq na walütu ikha minyai wan. Raüta namshiq ka michup tiisiirai she mishthen baiq. Jamkhano ngukla Tatiwe namshiq Shiikeawe, namshiq rai adam sitlaq kriiraq apaiq ngengtibi ka apaiq raq ninlot mak.

TRI CHONGKE 7:3

Namshiq raq tsangnok sheare ashi min lam maimak. Kiimaq namsetiim miimin tsangshiqnok sheare ka ashi ra min lamke maimak.

TRI CHONGKE 7:4

Kra nguraüla tsangshiq raq namsetiim ka Tatiwe wokhong wa sheaho raüta laihin phra thun kra shomnoq kai she misheaho. Kriishe nguraüla, Tatiwe ka namshiq ma tsankhiq she miraq. Raüta apaiq raq namshiq ka tlothit li she mitiijiimbaiq.

JOSHUA 23:11

Arningkhan, namshiq raq Tatiwe nam Shiikeawe ka, honkam shat maq lungwii ronglaq.

1 John 2:9

Jurwa anü miika rawü na siti nguta tiingo tlaq, shatmaq phunaino Phungmaiqse ka ngeng tlaq, kriiti ka ümchaü niitaq ranyaq mong niili sitlo.

PHOWEBI 14:3

Shatmaq awe nai anyung raq apaiq ma waito, “Ümniiraq thatsang maiqse Philistain shea ka jaram lamkai wa? Ümniiraq na weraü phan wa nashiqnok sheare nyungshi ra min hummaü shea?” Shatmaq Samson raq awe ma nguto, “Ngi riika apaiq lungwii tiikang. Ngi ma apaiq ka waikuq kikiq.”

PHOWEBI 3:6

Israilnok ka arnok thun rai sikhe sirüshe riija wanto. Raüta tsangshiqnok phra thun kriishe shomnoqto.