DUNGWVNC 7:5 - ASII LAKDAP Bible (BSI)

⁵ Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”

Hawa Naga Bible 2001

⁵ Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

DUNGWVNC 7:5 Referencias Cruzadas

Tvtsvmc 138:7

Ngi ka litkot chamchao mong na sikang na, ümniiraq ngi khupwong kuqlaü. Ümniiraq ijaqtinok khiqriq ka tokuqlaü laüta ümningkun maq ngi tiichhiikuqlaü.

Tvtsvmc 9:16

Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.

DUNGWVNC 10:2

Kiimaq namshiq raq namsetiim nai namsaütiim ma, Ngi raq Ejip mungti ka awang chang jaqsham lata, tsangshiq ka jamkho angok anginok ma tiijabaiq kang kra manphan ka michong kuq han. Namshiq tarü raq Ngi ka Tatiwe dea nguta misap han.”

DUNGWVNC 10:7

Kiimaq hokhamwe sengi ajong alabi raq apaiq ma nguto, “Riita arwe raq nashiq ka ümtincho na saüli wa mitiichamchao? Israilnok wa maiqwere kong riiwe ka mikiholaq. Raüta tsangshiq raq Tatiwe tsangshiq Shiikeawe ka mishomnoqki laq. Ejip mung ka wiita she then wanto kra sap maüli sha?”

DUNGWVNC 14:18

Riita ümtiikiiwa Ngi raq tsangshiq ka khat lata mitangha, kiitiikaq Ejip mungti raq Ngi ardea Tatiwe nguta misap.”

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 18:8

Mosheq raq Jethro ma Tatiwe raq Israilnok kra tiichhii wan miitu hokhamwe nai Ejip mungti khuthaq ümtinkhan wa jaqshamtaq kra wiita chongto. Kiimaq apaiq raq ahuchhiwe ma mungmaiqse raq alaü wan lam maq ümtinkhan wa chamchao riihum wantaq kriimin chongto. Kiimaq Tatiwe raq tsangshiq ka jamkho tiichhii kuqtaq kra chongto.

DUNGWVNC 3:20

Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.

DUNGWVNC 6:1

Kiijiishe Tatiwe raq Mosheq ma nguto, “Ümchaü Ngi raq hokhamwe khuthaq na jamlai jaq wa mishamha kriishe ümniiraq michhi haü. Ngi raq apaiq ka shiitep lata isenginok ka mitiiwa baiqha. Atiiwa baiq siika jawa michong. Ngi raq apaiq ka tiichop lata isenginok ka amungtan wa atiijo mirbaiqha.”

DUNGWVNC 6:6

Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.

DUNGWVNC 7:17

Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki.

DUNGWVNC 8:10

Kiijiishe hokhamwe raq treto, “Ngi miitu anap jaükuqlaq.” Mosheq raq treto, “Ümniiraq chongtlaü kra phan phan ngi raq achu mijaü kuq kang. Kiijiishetiq ümniiraq, Tatiwe, naishiq Shiikeawe khan ka shiikea ahin ahü nguta misap haü.

DUNGWVNC 8:19

Kiimaq mintin klotibi raq hokhamwe ma nguto, “Arka Shiikea jaqsham!” Shatmaq hokhamwe ka wanshak shak. Tatiwe raq chongtaq kiikhiili riito. Krai mren Apaiq raq Mosheq nai Aron bom ka taimak lanlaqlaq li riito.

DUNGWVNC 8:22

Shatmaq Ngi raq isenginok shongchang Goshen wang ka atiiwong mirha, she ka tlong mang. Ngi raq akha klotiikang arka, ümniiraq, Ngi Tatiwe riidea armung na jaq shamtiikang arka nguta misap haü.

EJEKIEL 25:17

Ngi raq tsangshiq ka tiinamtok mitsat baiqha. Lata iphuk ka tsan tiiheali milamha. Tsangshiq raq itsankhiq walü nyai heng kra misap wan. Kiijiishetiq tsangshiq raq Ngi ardea Tatiwe nguta misap wan.”

EJEKIEL 28:22

Kiijaq siti mungmaiqse ma, Ngi, Tati Rakaü Hiqwe raq tsangshiq miitu jamlai wa ngutiikang ara tsangshiq ma chongkuqlaq: Sidon chela lei, Ngi ka ümniima wesang. Ngi raq ümniima jamkho mo tiihotiikang, kra chhiraüta maiqse raq Ngi mishom ra. Ngi raq ümtiikiiwa ümhiq na siti maiq thun ka tsat tiikang, lata Ngi ka asii dea nguta tiichhikuq tiikang, kiitiikaq tsangshiq raq, Ngi ardea Tatiwe nguta misap.

EJEKIEL 32:15

Ümtiikiiwa Ngi raq Ejip mung ka hiqmiq changkhü miishe mitiijabaiqha, kiimaq kiijaq siti maiq ka mitiithenbaiqha, tsangshiq raq Ngi ardea Tatiwe nguta misap wan.

EJEKIEL 36:23

Ümtiikiiwa Ngi raq i mang asii jonglu kra, namshiq raq maiq mung thun na, i khushü tiijam wan lan kra mung thun na, Ngi raq ijaqsham jonghea maq tiichhikuq wan tiikang kiitiikaq, tsangshiq raq, Ngi ardea Tatiwe nguta misap. Arka, Ngi, Tati Rakaü Hiqwe raq toqtan tiikang. Ngi raq namshiq ka lang lata, maiq mung thun ma Ngi ka asii dea sitiikang nguta mitiichhikuqha.

EJEKIEL 39:22

Kriimiiphat she Israilnok raq Ngi ardea Tatiwe tsangshiq Shiikeawe nguta misap wan.

EJEKIEL 39:7

Ngi raq i sengi Israilnok ma i mang asii kra riikhaqli mitiisapha. Kiimaq Ngi raq i mang ka tiibi mang she mirha. Kiijiishetiq mang jong hiq na maiq mung thun raq, Ngi, Tatiwe ardea Israilnok Asii Shiikeawe nguta misap wan.”