DUNGWVNC 7:5 - Hawa Naga Bible 2001

⁵ Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

ASII LAKDAP Bible (BSI)

⁵ Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”

DUNGWVNC 7:5 Referencias Cruzadas

Tvtsvmc 138:7

Vkuilc vdaz rueq tvroz ruimc wvnc ngaz rvhumc tauk nuex mnoz rueq ngaz muex tvkhup wungx kuq phux. Ngvy ralx htenc thuinkhvy kuex mnoz rueq tuinghtuing kuq gay ruiux, mnoz luimc vkawc maq ngaz kuex palc wvnc phux.

Tvtsvmc 9:16

Yehowa rueq vpiq tsuingrux maq phox yaq lvmz htenc nuex vpiq shauk pumz tvkhic yaq nuiyc layx bac jix htenc kuex tsuingshiq rueq shuimx yaq honc vyaungc rulc rv-ngvlc bix nuex manz wuez yaq.

DUNGWVNC 10:2

kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

DUNGWVNC 10:7

Hokhvmx waz miq vyungx vlaungx bix rueq piq muex ngoc, “Vruex waz vraq naunghez kuex mtanc nuex httuiuc laz lac kuilc daz tvrvhumc phvnx? Tsuingshiq Yehowa Tishox muex nawk palx kuy kay tvkoc, Israel miqsaz kuex mkaz kueq. Ejip mungx bac wvnc vtuex kuex mnoz rueq tuiuz muq haz?” ngoz tueq jungx tueq.

DUNGWVNC 14:18

Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 18:8

Moshe rueq Jethro muex Yehowa rueq Israel miqsaz palc wvnc tvkoc nuex Ejip hokhvmx waz rueq mungx miqsaz htenc htauk nuex ruez wvnc tueq lvmz htenc kuex jungphvnx kuq tueq. Kvmaq Israel miqsaz rvhumc wvnc tueq vgvrx vtsvrx htenc kvwawc Yehowa rueq palc wvnc tueq lvmz jungx kuq tueq.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

DUNGWVNC 6:1

Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

DUNGWVNC 8:10

Hokhvmx waz rueq, “Ngaz muex invp vjux thoz kuq koq,” ngoz tueq tvralc tueq. Moshe rueq, “Mnoz rueq jungx shuiux kvrulc rv-ngvlc thoz kuq phaungx, nuiyshiq Yehowa Tishox vkhoc tishox vguez lvmz kuex mnoz rueq tuiuz taq shuiux.

DUNGWVNC 8:19

mvntan thenc jix hez rueq hokhvmx waz muex ngoc, “Vruex kuex Tishox rueq tvyaungx tueq!” ngoz tueq. Yuq muinz hokhvmx waz kuex vthuinz tsanz vtueq, Yehowa rueq jungx wvnc tueq rulc rv-ngvlc Moshe nuiyc Arun kvjaz kuex tay kuq muq.

DUNGWVNC 8:22

Yuq muinz ngvy miqsaz htenc httax yaq Goshen hong kuex ngaz rueq tvjungx tvy shec ningkhvnc nuex kvruex yuq nyoarbawx vguez. Ngaz, Yehowa kuex vruex mungtan nuex httax vtaungx kuex mnoz rueq tuiuz tvkoc ngaz rueq vkhoc ruez shaungx.

EJEKIEL 25:17

Ngaz rueq tsuingshiq muex songhvlc murx tvgurc shaungx, tsuingshiq kuex tvhtumx laz phuiuq lvmz shaungx. Tsuingshiq rueq ngvy thuinkhvy kuex humc phauk shuex. Kvruex yimaq ngaz Yehowa rvtauk kuex tsuingshiq rueq tuiuz wvnc shuex,” ngoz tueq jungx tueq.

EJEKIEL 28:22

Ngaz, Johvlc Yehowa rueq kvruex wawc ghaq miqsaz htenc muex tsuingshiq nuex seng vtueq jungx tauk kuex jungx shuiuz: Sidon lex, ngaz kuex mralx rvtauk; ngaz rueq mnoz muex ruez kuq phaungx kvmac miq htenc rueq ngaz muex tvtsvmc wuez phuex. Mnoz kox nuex httax yaq hez muex murx tvgurc vtueq ngaz mtanc lac sawc vtaungx kuex tvkhic shaungx yuq, ngaz Yehowa rvtauk kuex tsuingshiq rueq tuiuz wvnc wuez shuex.

EJEKIEL 32:15

Ngaz rueq Ejip mungx kuex kuiyqshuik kuiyq khvmx nuiyc sawc ric sawc tsvmx baung muex tvyaungc ruiux, kvyuq httax jix lotlaz kuex tvbac gay shaungx nuex, ngaz Yehowa rvtauk kuex tsuingshiq rueq tuiuz wuez shuex.

EJEKIEL 36:23

Miq htumc nuex nuimshiq rueq tvyvlc sac wvnc tuit ngvy muingc yunghvlc kuex miqphvnx htenc htumc nuex hungc vlaungc tvkhic shaungx nuex, ngaz Yehowa rvtauk kuex tsuingshiq rueq tuiuz wuez shuex. Ngaz, Johvlc Yehowa rueq jungx vshaungx. Ngaz vsawc rvtauk lvmz miqphvnx htenc muex tvkhic kuy tvkoc ngaz rueq mnoz kuex shuimx lvmz vphaungx.

EJEKIEL 39:22

Ngaz kuex Yehowa tsuingshiq Tishox rvtauk kuex kvruex raungnuiyq maq Israel miqsaz rueq tuiuz wuez shuex.

EJEKIEL 39:7

Ngaz kuex ngaz vsawc muingc maq ngvy miqsaz Israel muex vsuingc suing tvtuiuz vtueq ngvy muingc kuex yix maq mkaq muinz yvlc svy rvhumc tuex rvmuq. Kvkaq ngaz Yehowa Israel muex Vsawc Tishox rvtauk kuex miqphvnx htenc rueq tuiuz wvnc wuez shuex,” ngoz tueq jungx tueq.