Piv bennak na zeufe ket dindan tri deiz, hervez ali ar pennoù hag an henaourien, e vefe lakaet da verz e holl vadoù, hag eñ e-unan lamet diouzh bodadeg re an harlu.
Adlezenn 17:12 - Bibl Koad 21: Ar Bibl e Brezhoneg evit ar Vretoned An den a raio gant lorc'h ha na selaouo ket an aberzhour en em zalc'ho eno evit servijañ an AOTROU da Zoue, pe na selaouo ket ar barner, an den-se a varvo, hag evel-se e vo lamet an droug diouzh Israel, |
Piv bennak na zeufe ket dindan tri deiz, hervez ali ar pennoù hag an henaourien, e vefe lakaet da verz e holl vadoù, hag eñ e-unan lamet diouzh bodadeg re an harlu.
Pa gastizer ar goapaer, an hini eeun a zeu da vezañ fur, ha pa gelenner an den fur, e tegemer anaoudegezh.
Met ra ne zaelo den ebet ha ne c'hrozmolo den ebet! Rak da bobl a zo evel an hini a ra dael ouzh an aberzhour.
Evel-henn e komz AOTROU an armeoù: Mar kerzhez em hentoù ha mar mirez ar pezh a fell din e vefe miret, e varni va zi hag e tiwalli va leurioù, hag e roin dit digor frank e-touez ar re-se en em zalc'h amañ.
Met an hini a raio-se a zorn savet pe henvroad pe diavaeziad, e tismegañso an AOTROU; an den-se a vo lamet a-douez e bobl.
Disprizet en devo komz an AOTROU, torret en devo e c'hourc'hemenn, ret e vo lemel an den-se; hag e tougo e zireizhder.
Ha p’en em gavo tud n’ho tegemerint ket ha ne selaouint ket ho komzoù, pa’z eot kuit eus an ti-se pe eus ar gêr-se, hejit ar poultr eus ho treid.
An neb a selaou ac’hanoc’h, a selaou ac’hanon; an neb a zispriz ac’hanoc’h, a zispriz ac’hanon; an neb a zispriz ac’hanon, a zispriz an hini en deus va c’haset.
An hini na’m degemer ket ha na zegemer ket va gerioù en deus e varner, ar ger am eus prezeget eo, a varno anezhañ d’an deiz diwezhañ.
D’ar re e pardonot o fec’hedoù, e vint pardonet dezho, ha d’ar re o dalc’hot, e vint dalc’het dezho.
Komzet em eus ouzhoc'h met n'hoc'h eus ket selaouet, disentet hoc'h eus da urzh an AOTROU, pignet oc'h gant lorc'h war ar menez.
En amzer-se an AOTROU a zispartias meuriad Levi evit dougen arc'h emglev an AOTROU, evit en em zerc'hel dirak an AOTROU, evit e servijañ hag evit bennigañ en e anv, betek hiziv.
Holl Israel a glevo kement-se hag a zoujo, ha ne vo ken graet un dra ken fall ez kreiz.
Met lakaet e vo d'ar marv ar profed-se pe an huñvreer-se, rak komzet en deus eus treiñ kein d'an AOTROU ho Toue en deus tennet ac'hanoc'h eus bro Ejipt hag en deus dasprenet ac'hanoc'h eus an ti sklavelezh, evit distreiñ ac'hanout eus an hent en deus gourc'hemennet an AOTROU da Zoue kerzhout warnañ. Evel-se e vo lamet an droug diouzh da greiz.
Pa zougo ac'hanout d'an droug da vreur mab da vamm, pe da vab, pe da verc'h, pe da wreg war da vruched, pe da vignon a zo evel da ene, o lavarout e kuzh: Deomp ha servijomp doueoù all na'c'h eus ket anavezet, na te na da dadoù,
Dorn an testoù a vo warnañ da gentañ evit e lakaat d'ar marv, ha dorn an holl bobl goude. Evel-se e vo lamet an droug diouzh da greiz.
Met ar profed a vo rok a-walc'h da lavarout em anv un dra bennak n'am befe ket gourc'hemennet dezhañ lavarout, pe a gomzfe en anv doueoù all, ar profed-se a varvo.
rak an AOTROU da Zoue en deus dibabet anezhañ a-douez da holl veuriadoù evit en em zerc'hel da servijañ en anv an AOTROU, eñ hag e vibien, da viken.
ha m'en em zalc'ho da servijañ en anv an AOTROU da Zoue, evel e holl vreudeur Levited oc'h en em zerc'hel eno dirak an AOTROU,
An hini eta a zispriz kement-se ne zispriz ket un den met Doue, eñ hag en deus roet ivez deomp e Spered-Santel.
Pep den a zisento ouzh da urzhioù ha na sento ket ouzh da gomzoù e kement ha ma c'hourc'hemenni deomp, a vo lakaet d'ar marv. Nemet, en em galoneka ha bez kreñv.
Roit deomp bremañ an dud fall-se a zo e Gibea, evit ma lakaimp anezho d'ar marv ha ma lamimp an droug diouzh Israel. Met Benjamin ne fellas ket dezhañ selaou mouezh e vreudeur, mibien Israel.
Rak e aliet em eus ez aen da gastizañ e di da viken, en abeg d'an direizhder a anavez, rak e vibien a zo en em lakaet euzhus, hep m'en deus o gourdrouzet.