Ozea 4:4 - Bibl Koad 21: Ar Bibl e Brezhoneg evit ar Vretoned

⁴ Met ra ne zaelo den ebet ha ne c'hrozmolo den ebet! Rak da bobl a zo evel an hini a ra dael ouzh an aberzhour.

Ozea 4:4 Referencias Cruzadas

Jeremiaz 18:18

Hag e lavaront: Deuit, ijinomp a-enep Jeremiaz un irienn, rak al lezenn ne vo ket kollet e ti an aberzhour, nag ar c'huzul e ti ar fur, nag ar gomz e ti ar profed. Deuit, skoomp warnañ gant an teod, ha na reomp van ebet ouzh e holl lavaroù.

Ezekiel 3:26

Stagañ a rin da deod ouzh da staon, hag e vi mut, ha ne c'helli ket o repren, rak un ti disent ez int.

Ozea 4:17

Efraim a zo en em roet d'an idoloù, dilez eñ!

Amoz 5:10

Kasaat a reont an hini a c'hourdrouz anezho ouzh an nor, hag o deus euzh ouzh an hini a gomz gant eeunder.

Amoz 5:13

Setu perak e tavo an den poellek er mare-mañ, rak an amzer-mañ a zo fallakr.

Amoz 6:10

Ha pa eontr unan marv, hag an hini a zle e deviñ, a gemero anezhañ evit dougen e eskern er-maez eus an ti, hag a lavaro d'an hini a zo chomet e traoñ an ti: Hag ez eus c'hoazh unan bennak war da lerc'h? Neuze e responto: N'eus ken! Hag an eontr a lavaro: Chom sioul. N'eo ket ar c'houlz d'ober anv eus an AOTROU.

Adlezenn 17:12

An den a raio gant lorc'h ha na selaouo ket an aberzhour en em zalc'ho eno evit servijañ an AOTROU da Zoue, pe na selaouo ket ar barner, an den-se a varvo, hag evel-se e vo lamet an droug diouzh Israel,