Jozue 1:18 - Bibl Koad 21: Ar Bibl e Brezhoneg evit ar Vretoned

¹⁸ Pep den a zisento ouzh da urzhioù ha na sento ket ouzh da gomzoù e kement ha ma c'hourc'hemenni deomp, a vo lakaet d'ar marv. Nemet, en em galoneka ha bez kreñv.

Jozue 1:18 Referencias Cruzadas

Ezdra 10:4

Sav, rak an afer-mañ a sell ouzhit. Ni a vo ganit. Bez kreñv ha gra!

Sant Lucas 19:27

E-keñver va enebourien, ar re n’eo ket fellet dezho e renjen warno, degasit int amañ ha lazhit int dirazon.

1 Korintiz 16:13

Beilhit, chomit start er feiz, en em renit evel tud, en em greñvait.

Efeziz 6:10

A-hend-all, va breudeur, en em greñvait en Aotrou ha dre e nerzh holl c’halloudek.

Adlezenn 17:12

An den a raio gant lorc'h ha na selaouo ket an aberzhour en em zalc'ho eno evit servijañ an AOTROU da Zoue, pe na selaouo ket ar barner, an den-se a varvo, hag evel-se e vo lamet an droug diouzh Israel,

Hebreed 12:25

Lakait evezh na zisprizfec’h an hini a gomz ouzhoc’h, rak ma ne dec’has ket ar re a zisprizas an hini a alie anezho war an douar, pegen diaesoc’h c’hoazh e vo deomp tec’hout mar troomp kein d’an hini a gomz deomp eus an neñvoù,

Jozue 1:17

ni a sento ouzhit evel hon eus sentet ouzh Moizez. Nemet, ra vo an AOTROU da Zoue ganit evel ma'z eo bet gant Moizez.

Jozue 1:9

Ha ne'm eus ket gourc'hemennet dit: En em galoneka ha bez kreñv? Na spont ket ha na'z pez ket aon, rak an AOTROU da Zoue a vo ganit dre holl ma'z i.

Jozue 2:1

Jozue mab Nun a gasas e kuzh eus Sitim daou spier o lavarout: Kit da spiañ ar vro, ha Jeriko. Mont a rejont eta hag e teujont da di ur c'hast anvet Rahab, hag e kouskjont eno.

1 Samuel 11:12

Hag ar bobl a lavaras da Samuel: Piv a lavare: Ha ren a raio Saül warnomp? Roit deomp an dud-se, hag o lakaimp d'ar marv.