Adlezenn 13:5 - Bibl Koad 21: Ar Bibl e Brezhoneg evit ar Vretoned

⁵ Met lakaet e vo d'ar marv ar profed-se pe an huñvreer-se, rak komzet en deus eus treiñ kein d'an AOTROU ho Toue en deus tennet ac'hanoc'h eus bro Ejipt hag en deus dasprenet ac'hanoc'h eus an ti sklavelezh, evit distreiñ ac'hanout eus an hent en deus gourc'hemennet an AOTROU da Zoue kerzhout warnañ. Evel-se e vo lamet an droug diouzh da greiz.

Adlezenn 13:5 Referencias Cruzadas

1 Rouaned 13:19

Neuze e tistroas gantañ, hag e tebras bara hag ec'h evas dour en e di.

1 Rouaned 18:40

Elia a lavaras dezho: Krogit e profeded Baal, ra ne dec'ho ket unan anezho! Kregiñ a rejont eta enno, hag Elia a reas dezho diskenn da froud Kison, e-lec'h ma lazhas anezho.

2 Danevelloù 34:31

Ar roue en em zalc'has war e leurenn, hag a reas emglev dirak an AOTROU, da gerzhout war-lerc'h an AOTROU, ha da virout e c'hourc'hemennoù, e destenioù hag e reolennoù, a holl galon hag a holl ene, en ur ober hervez komzoù an emglev skrivet el levr-se.

Jeremiaz 14:15

Setu perak evel-henn e komz an AOTROU diwar-benn ar brofeded a ro diouganoù em anv hep ma em befe o c'haset, hag a lavar na vo na kleze na naonegezh er vro: Ar brofeded-se o-unan a varvo dre ar c'hleze ha dre an naonegezh.

Jeremiaz 29:32

en abeg da-se, evel-henn e komz an AOTROU: Setu ez an da gastizañ Shemaja an Nekelamad hag e lignez; n'en devo den o chom e-touez ar bobl-mañ, ha ne welo ket ar mad a rin da'm fobl, eme an AOTROU, rak en deus prezeget an dispac'h a-enep an AOTROU.

Jeremiaz 50:6

Va fobl a zo bet evel deñved dianket, o mesaerien o deus kollet anezho, hag o deus graet dezho kantren dre ar menezioù. Aet int eus ur menez d'ur c'hrec'h, hag o deus disoñjet o c'hraou.

Jeremiaz 7:23

Met setu amañ ar pezh am eus gourc'hemennet ha lavaret dezho: Selaouit ouzh va mouezh hag e vin ho Toue hag e viot va fobl, kerzhit war an holl hentoù a c'hourc'hemennan deoc'h, evit ma'z aio mat an traoù ganeoc'h.

Zakaria 13:3

Ha ma en em laka unan bennak c'hoazh da brofediñ, e dad hag e vamm o deus e c'hanet a lavaro dezhañ: Na vevi ken, rak gevier a lavarez en anv an AOTROU! Hag e dad hag e vamm o deus e c'hanet a doullo anezhañ pa vo o profediñ.

Actou an Ebestel 13:8

Met Elimaz an hudour, rak evel-se e vez troet e anv, a enebe outo, o klask distreiñ ar prokoñsul diouzh ar feiz.

1 Korintiz 5:13

Diwar-benn re an diavaez, Doue o barn. Lamit an den fall eus ho touez.

Adlezenn 13:10

Hag e veinatai anezhañ d'ar marv, rak klasket en deus distreiñ ac'hanout diouzh an AOTROU da Zoue en deus tennet ac'hanout eus bro Ejipt, eus an ti sklavelezh.

Adlezenn 13:15

a-dra-sur e lazhi annezidi ar gêr-se gant troc'h ar c'hleze hag e lakai anezhi da verz gant kement a vo enni, hag e lazhi al loened gant troc'h ar c'hleze.

Adlezenn 13:9

met a-dra-sur e lazhi anezhañ. Da zorn a vo warnañ da gentañ evit e lakaat d'ar marv, ha dorn an holl bobl goude.

Adlezenn 17:5

e lakai da zont ouzh da zorojoù an den pe ar wreg a vo kablus da vezañ graet-se, hag e veinatai an den pe ar wreg d'ar marv.

Adlezenn 17:7

Dorn an testoù a vo warnañ da gentañ evit e lakaat d'ar marv, ha dorn an holl bobl goude. Evel-se e vo lamet an droug diouzh da greiz.

Adlezenn 18:20

Met ar profed a vo rok a-walc'h da lavarout em anv un dra bennak n'am befe ket gourc'hemennet dezhañ lavarout, pe a gomzfe en anv doueoù all, ar profed-se a varvo.

Adlezenn 19:19

neuze e reot dezhañ evel ma felle dezhañ ober d'e vreur. Evel-se e vo lamet an droug diouzh da greiz.

Adlezenn 22:21

e tegasint ar plac'h yaouank ouzh dor ti he zad, hag e veinataio anezhi tud kêr, hag e varvo, rak graet he deus un euzhusted en Israel, o c'hastaouiñ e ti he zad. Evel-se e vo lamet an droug diouzh Israel.

Adlezenn 22:24

e tegasot o-daou ouzh dor kêr, hag e veinataiot anezho, hag e varvint, ar plac'h yaouank dre ma n'he deus ket kriet e kêr hag an den dre m'en deus dismegañset gwreg e nesañ. Evel-se e vo lamet an droug diouzh da greiz.

Adlezenn 24:7

Pa vo kavet un den en devo laeret unan eus e vreudeur, eus mibien Israel, ha m'en devo graet ur sklav dioutañ pe gwerzhet anezhañ, al laer-se a varvo. Evel-se e vo lamet an droug diouzh da greiz.

Adlezenn 26:14

ne'm eus debret netra pa oan e kañv, ne'm eus lamet netra evit un implij dic'hlan, ne'm eus roet netra evit ur marv, sentet em eus ouzh mouezh an AOTROU va Doue, graet em eus hervez ar pezh ac'h eus gourc'hemennet din.

Adlezenn 4:19

gant aon ivez penaos o sevel ho taoulagad war-zu an neñv hag o welout an heol, al loar, ar stered, holl arme an neñv, na vefes bountet da stouiñ dirazo ha da servijañ an traoù-se, a zo bet lodet gant an AOTROU da Zoue d'an holl bobloù a zo dindan an neñvoù.

Adlezenn 6:13

Doujañ a ri an AOTROU da Zoue, hag e serviji anezhañ, hag e toui dre e anv.

Adlezenn 7:4

rak distreiñ a rafent da vab diwar va lerc'h evit servijañ doueoù all, hag en em danfe a-enep deoc'h fulor an AOTROU, a zistrujfe ac'hanout buan.

Jozue 23:8

En em stagañ a reot ouzh an AOTROU ho Toue, evel ma hoc'h eus graet betek hiziv.

Apocalyps 19:20

Al loen a voe paket ha gantañ ar fals-profed, eñ hag en doa graet burzhudoù dirazañ hag en doa touellet drezo ar re o doa degemeret merk al loen hag azeulet e skeudenn. O daou e voent taolet bev er stank a dan o teviñ e-barzh ar soufr.

Ar Varnerien 20:13

Roit deomp bremañ an dud fall-se a zo e Gibea, evit ma lakaimp anezho d'ar marv ha ma lamimp an droug diouzh Israel. Met Benjamin ne fellas ket dezhañ selaou mouezh e vreudeur, mibien Israel.

1 Samuel 12:14

Mar doujit an AOTROU , mar servijit anezhañ, mar sentit ouzh e vouezh, ma n'oc'h ket disent ouzh gourc'hemenn an AOTROU , neuze an AOTROU ho Toue a vo dirazoc'h, c'hwi hag ar roue a reno warnoc'h.