Adlezenn 10:8 - Bibl Koad 21: Ar Bibl e Brezhoneg evit ar Vretoned

⁸ En amzer-se an AOTROU a zispartias meuriad Levi evit dougen arc'h emglev an AOTROU, evit en em zerc'hel dirak an AOTROU, evit e servijañ hag evit bennigañ en e anv, betek hiziv.

Adlezenn 10:8 Referencias Cruzadas

1 Rouaned 8:6

An aberzhourien a zougas arc'h emglev an AOTROU d'e lec'h, e santual an ti, d'al lec'h santel-meurbet, dindan eskell ar cherubined.

1 Danevelloù 15:2

Lavarout a reas: Arc'h Doue ne zle bezañ douget nemet gant al Levited, rak an AOTROU en deus dibabet anezho evit ober he servij da viken.

1 Danevelloù 15:26

E-pad ma skoazelle Doue al Levited a zouge arc'h emglev an AOTROU , e voe aberzhet seizh kole ha seizh tourz.

1 Danevelloù 23:13

Mibien Amram a voe: Aaron ha Moizez. Aaron a voe lakaet a-du evit santelaat ar pezh a zo santel-meurbet, eñ hag e vibien, da viken, evit kinnig an ezañs dirak an AOTROU , evit ober e servij, evit bennigañ da viken en e anv.

1 Danevelloù 23:26

hag al Levited n'o devo ken da zougen an tabernakl, nag an holl listri evit ar servij.

2 Danevelloù 29:11

Va mibien, na vezit ket lezirek, rak an AOTROU en deus dibabet ac'hanoc'h evit en em zerc'hel dirazañ hag e servijañ, hag evit kinnig dezhañ an ezañs.

2 Danevelloù 30:27

Goude-se an aberzhourien Levited a savas hag a vennigas ar bobl, hag o mouezh a voe klevet, hag o fedenn a yeas betek an neñvoù, chomlec'h santel an AOTROU.

Salmoù 134:1

Kanaouenn ar "Maalod". Setu, bennigit an AOTROU, c'hwi holl servijerien an AOTROU, hag en em zalc'h e ti an AOTROU e-pad an nozioù.

Salmoù 134:2

Savit ho taouarn etrezek ar santual, ha bennigit an AOTROU!

Salmoù 135:2

C'hwi hag en em zalc'h e ti an AOTROU, war leurennoù ti hon Doue,

Jeremiaz 15:19

Setu perak evel-henn e komz an AOTROU: Mar distroez, me az tegaso en-dro, hag en em zalc'hi dirazon. Mar dispartiez ar pezh a zo prizius diouzh ar pezh a zo didalvez, e vi evel va genoù. Distreiñ a raint etrezek ennout, met te ne zistroi ket etrezek enno.

Ezekiel 44:11

Koulskoude e vint servijerien em santual, evit eveshaat ouzh dorojoù an ti ha servijañ en ti: lazhañ a raint evit ar bobl al loskaberzh hag an aberzhoù all, hag en em zalc'hint dirazo da servijañ anezho.

Ezekiel 44:15

Met an aberzhourien Levited, mibien Zadok, o deus miret servij va santual, pa o deus diheñchet diouzhin mibien Israel, int a dostaio ouzhin evit va servijañ hag en em zalc'ho dirazon evit kinnig din lard ha gwad, eme an Aotrou AOTROU.

Leviegezh 8:9

e lakaas an diarenn war e benn, e lec’hias war ziaraog an diarenn, war e dal, an talgen, ar gurunenn santel, evel m’en doa gourc’hemennet an AOTROU da Voizez.

Leviegezh 9:22

Aaron a savas e zaouarn war-zu ar bobl hag o bennigas. Hag e tiskennas, goude bezañ kinniget an aberzh-dic’haouiñ, al loskaberzh hag an aberzh a drugarekadennoù.

Niveroù 3:31

Ar garg roet dezho a voe an arc'h, an daol, ar c'hantolor, an aoterioù, traoù ar santual evit ober ar servij, ar ouel ha kement a zo talvoudus dezhi.

Niveroù 3:6

Laka meuriad Levi da dostaat ha degas anezho dirak Aaron an aberzhour, evit ma servijint anezhañ.

Niveroù 4:15

Goude m'o devo echuet Aaron hag e vibien da c’holeiñ ar santual ha traoù ar santual, pa'z aio ar c'hamp kuit, mibien Kehad a zeuio evit o dougen. Met ne stokint ket ouzh an traoù santel gant aon na varvfent. Setu karg mibien Kehad e-keñver teltenn an engalv.

Sant Ian 15:16

N’eo ket c’hwi hoc’h eus va dibabet, met me eo am eus ho tibabet hag am eus ho lakaet, evit ma’z eot ha ma tougot frouezh, ha ma vo ho frouezh kendalc’hus, hag evit ma roio va Zad deoc’h kement a c’houlennot em anv digantañ.

Actou an Ebestel 13:2

E-pad ma oant o servijañ an Aotrou hag o yunañ, ar Spered-Santel a lavaras: Lakait a-du evidon Barnabaz ha Saol evit al labour am eus o galvet da gas da benn.

Romaned 1:1

Paol, servijer Jezuz-Krist, galvet da vezañ abostol, lakaet a-du evit Aviel Doue

Romaned 12:7

pe an hini a servij, ra en em stago ouzh ar servij; pe an hini a gelenn, ra en em stago ouzh ar c’helenn;

2 Korintiz 6:17

Dre-se: Deuit er-maez eus o zouez ha dispartiit diganto, a lavar an Aotrou, na stokit ket ouzh ar pezh a zo dic’hlan, hag e tegemerin ac’hanoc’h.

Galated 1:15

Met pa’z eo bet plijet gant Doue, en doa va dibabet adalek kof va mamm hag en deus va galvet dre e c’hras,

Adlezenn 17:12

An den a raio gant lorc'h ha na selaouo ket an aberzhour en em zalc'ho eno evit servijañ an AOTROU da Zoue, pe na selaouo ket ar barner, an den-se a varvo, hag evel-se e vo lamet an droug diouzh Israel,

Adlezenn 18:5

rak an AOTROU da Zoue en deus dibabet anezhañ a-douez da holl veuriadoù evit en em zerc'hel da servijañ en anv an AOTROU, eñ hag e vibien, da viken.

Adlezenn 21:3

Henaourien ar gêr a vo an hini dostañ ouzh an den lazhet a gemero un annoar na vo ket bet labouret ganti ha n'he devo ket sachet ar yev.

Adlezenn 21:5

Hag an aberzhourien mibien Levi a dostaio, rak an AOTROU da Zoue en deus o dibabet evit e servijañ hag evit bennigañ en anv an AOTROU, hag eus o genoù e vo barnet pep enebiezh ha pep taol.

Adlezenn 31:9

Moizez a skrivas al lezenn-mañ, a roas d'an aberzhourien mibien Levi, ar re a zouge arc'h emglev an AOTROU, ha da holl henaourien Israel.