D'an eizhvet deiz e kasas ar bobl kuit. Hag e vennigjont ar roue, hag ez ejont d'o zeltennoù, laouen ha seder en o c'halonoù, en abeg d'ar vad en doa graet an AOTROU da Zavid e servijer ha da Israel e bobl.
Adlezenn 12:12 - Bibl Koad 21: Ar Bibl e Brezhoneg evit ar Vretoned Eno e laouenaiot dirak an AOTROU ho Toue, c'hwi, ho mibien, ho merc'hed, ho servijerien, ho mitizhien, hag al Leviad a vo e-barzh ho torojoù, rak n'en deus na lodenn na hêrezh ganeoc'h. |
D'an eizhvet deiz e kasas ar bobl kuit. Hag e vennigjont ar roue, hag ez ejont d'o zeltennoù, laouen ha seder en o c'halonoù, en abeg d'ar vad en doa graet an AOTROU da Zavid e servijer ha da Israel e bobl.
Hag Ezekiaz hag an holl bobl a laouenaas eus m'en doa broudet Doue ar bobl evel-se, rak an dra a voe graet buan.
Nehemia ar gouarnour, Ezdra an aberzhour ha skrib, hag al Levited a gelenne ar bobl, hag e lavarjont d'an holl bobl: An deiz-mañ a zo santel evit an AOTROU ho Toue. Na gañvaouit ket, na ouelit ket! Rak an holl bobl a ouele o klevout komzoù al lezenn.
D’an deiz kentañ e kemerot frouezh eus ar gwez kaerañ, brankoù palmez, skourroù gwez bodennek hag haleg eus ar stêrioù, hag en em laouenaiot e-pad seizh devezh dirak an AOTROU.
An AOTROU a lavaras da Aaron: Ne vo hêrezh ebet evidout en o bro, ne vo lodenn ebet evidout en o zouez, me a vo da lodenn ha da hêrezh e-touez mibien Israel.
Komz d'al Levited ha lavar: Pa zegemerot digant mibien Israel an deog am eus roet deoc'h diwarno evel hêrezh, e kinnigot ur prof savet d'an AOTROU, an deog eus an deog,
Pêr a lavaras dezhañ: Biken ne walc’hi va zreid din. Jezuz a respontas dezhañ: Ma ne walc’han ket ac’hanout, ne’c’h eus ket lod ganin.
Setu perak n'en deus Levi na lodenn na hêrezh gant e vreudeur, an AOTROU eo e hêrezh, evel m'en deus lavaret an AOTROU da Zoue dezhañ.
Debriñ a ri anezho dirak an AOTROU da Zoue, el lec'h dibabet gant an AOTROU da Zoue, te, da vab, da verc'h, da servijer, da vatezh, hag al Leviad a vo e-barzh da zorojoù, hag e laouenai dirak an AOTROU da Zoue eus an holl draoù en devo resevet da zaouarn.
Eno e tebrot dirak an AOTROU ho Toue hag e laouenaiot, c'hwi hag ho tiegezhioù, eus an holl draoù en devo resevet ho taouarn hag en devo ho penniget an AOTROU ho Toue drezo.
Dont a raio al Leviad, n'en deus na lodenn na hêrezh ganit, an diavaeziad, an emzivad hag an intañvez a vo e-barzh da zorojoù, hag e tebrint hag o devo o gwalc'h, evit ma vennigo ac'hanout an AOTROU da Zoue e kement labour a ri gant da zaouarn.
Hag e laouenai dirak an AOTROU da Zoue, te, da vab, da verc'h, da servijer, da vatezh hag al Leviad a vo e-barzh da zorojoù, an diavaeziad, an emzivad hag an intañvez a vo ez touez, el lec'h en devo dibabet an AOTROU da Zoue evit lakaat e anv da chom ennañ.
Hag e laouenai oc'h ober ar gouel, te, da vab, da verc'h, da servijer, da vatezh, al Leviad, an diavaeziad, an emzivad hag an intañvez a vo e-barzh da zorojoù.
Pa'z aio ul Leviad eus unan eus da zorojoù, eus al lec'h ma vo o chom en Israel, ha ma teuio, hervez c'hoant e ene, el lec'h en devo dibabet an AOTROU,
hag e laouenai gant al Leviad ha gant an diavaeziad a vo ez touez, evit an holl vadoù roet dit ha da'z tiegezh gant an AOTROU da Zoue.
Pa ez po echu da zastum an holl zeog eus da leve d'an trede bloaz, bloaz an deog, e roi anezhañ d'al Leviad, d'an diavaeziad, d'an emzivad ha d'an intañvez, hag e tebrint e-barzh da zorojoù hag o devo o gwalc'h.
Kinnig a ri aberzhoù a drugarekadennoù, hag e tebri eno, hag e laouenai dirak an AOTROU da Zoue.
Ha ne voe ket roet a hêrezh da veuriad Levi; ar profoù graet dre an tan d'an AOTROU Doue Israel a voe e hêrezh, evel m'en doa lavaret dezhañ.
Moizez ne roas ket a hêrezh da veuriad Levi, an AOTROU Doue Israel a voe o hêrezh, evel m'en doa lavaret dezho.
Mibien Jozef a rae daou veuriad, Manase hag Efraim, ha ne voe ket roet a lod d'al Levited er vro, nemet kêrioù da chom enno gant o douaroù tro-dro evit o chatal hag evit o madoù.