Nehemia 8:9 - Bibl Koad 21: Ar Bibl e Brezhoneg evit ar Vretoned

⁹ Nehemia ar gouarnour, Ezdra an aberzhour ha skrib, hag al Levited a gelenne ar bobl, hag e lavarjont d'an holl bobl: An deiz-mañ a zo santel evit an AOTROU ho Toue. Na gañvaouit ket, na ouelit ket! Rak an holl bobl a ouele o klevout komzoù al lezenn.

Nehemia 8:9 Referencias Cruzadas

2 Rouned 22:11

Hag adal ma klevas ar roue komzoù al lezenn, e rogas e zilhad,

2 Rouned 22:19

Dre ma'z eo bet tener da galon, ma ec'h eus en em izelaet dirak an AOTROU pa ec'h eus klevet ar pezh am eus disklêriet a-enep al lec'h-mañ hag a-enep e dud a vo glac'haret ha milliget, dre ma ec'h eus roget da zilhad, ha ma ec'h eus gouelet dirazon, me ivez am eus klevet, eme an AOTROU.

2 Danevelloù 15:3

E-pad pell eo bet Israel hep an Doue gwirion, hep aberzhour o kelenn, hep lezenn,

2 Danevelloù 30:22

Ezekiaz a gomzas ouzh kalon an holl Levited en em ziskoueze desket-kaer e servij an AOTROU. Debriñ a rejont e-pad seizh devezh gant ar gouel, o kinnig aberzhoù a drugarekadennoù, hag o veuliñ an AOTROU Doue o zadoù.

2 Danevelloù 34:19

Hag adal ma klevas ar roue komzoù al lezenn, e rogas e zilhad,

2 Danevelloù 34:21

Kit, goulennatait an AOTROU evidon hag evit an nemorant eus Israel hag eus Juda, diwar-benn komzoù al levr a zo bet kavet. Rak bras eo kounnar an AOTROU a zo bet skuilhet warnomp, dre ma n'o deus ket miret hon tadoù komz an AOTROU, evit ober hervez kement a zo skrivet el levr-mañ.

2 Danevelloù 35:3

Lavarout a reas d'al Levited a gelenne holl Israel hag a oa santel evit an AOTROU: Lakait an arc'h santel en ti en deus savet Salomon mab David, roue Israel. N'hoc'h eus ken da zougen anezhi war ho skoaz, bremañ servijit an AOTROU ho Toue, gant e bobl Israel.

Ezdra 2:63

Ar gouarnour a lavaras dezho na zebrfent ket traoù santel-meurbet ken n'en em zalc'hfe an aberzhour dirak an Urim hag an Thummim.

Ezdra 7:11

Setu amañ eilskrid al lizher a roas ar roue Artakserksez da Ezdra an aberzhour hag ar skrib, ar skrib eus komzoù gourc'hemennoù an AOTROU hag eus e reolennoù diwar-benn Israel.

Nehemia 10:1

Setu ar re a lakaas o siell. Nehemia ar gouarnour mab Hakalia. Sedesia,

Nehemia 12:26

Ar re-se a oa en amzer Jojakim mab Jezua, mab Jozadak, hag en amzer Nehemia ar Gouarnour, hag Ezdra an aberzhour ha skrib.

Nehemia 7:65

Ar gouarnour a lavaras dezho na zebrfent ket traoù santel-meurbet ken n'en em zalc'hfe an aberzhour dirak an Urim hag an Thummim.

Nehemia 7:70

Darn eus ar pennoù tadoù a roas evit al labourioù. Ar gouarnour a roas d'an teñzor mil drakm aour, hanter-kant hanaf, pemp kant tregont toneg aberzhourien.

Nehemia 8:2

D'an deiz kentañ eus ar seizhvet miz, Ezdra an aberzhour a zegasas al lezenn dirak ar vodadeg, gwazed ha maouezed, hag an holl re a oa gouest d'he c'hlevout.

Ar Prezeger 3:4

ur mare evit gouelañ hag ur mare evit c'hoarzhin, ur mare evit hirvoudiñ hag ur mare evit tripal,

Izaia 61:3

evit embann da re Sion a zo e kañv ez eo roet dezho ur gurunenn e-lec'h ludu, eoul a levenez e-lec'h kañvoù, ur vantell a veuleudi e-lec'h ur spered mantret, ken ma vint anvet dervennoù ar reizhder, plantadeg an AOTROU, evit ma resevo-eñ gloar.

Ozea 4:6

Va fobl a zo distrujet dre zianaoudegezh. Pa ec'h eus taolet kuit an anaoudegezh, me az taolo kuit ivez, ha ne vi ken aberzhour dirazon. Pa ec'h eus ankounac'haet lezenn da Zoue, me ivez a ankounac'haio da vibien.

Leviegezh 23:24

Komz da vibien Israel ha lavar: D’ar seizhvet miz, d’an deiz kentañ eus ar miz, ho po un diskuizh, un eñvor embannet gant son an trompilhoù, ur c’hengalv santel.

Malaki 2:13

Ha setu un eil tra a rit: Goleiñ a rit a zaeroù aoter an AOTROU, a oueladegoù hag a huanadoù, e doare ma ne sell ken ouzh ar brofadenn, ha ne gemer ken plijadur er pezh a zeu eus ho taouarn.

Romaned 3:20

Rak kig ebet ne vo reishaet dirazañ dre oberoù al lezenn, rak dre al lezenn eo e teu anaoudegezh ar pec’hed.

Romaned 7:9

Bez’ e oan bev gwechall hep lezenn, met ar gourc’hemenn o vezañ deuet, ar pec’hed en deus adkemeret buhez, hag ez on deuet da vervel.

Adlezenn 12:12

Eno e laouenaiot dirak an AOTROU ho Toue, c'hwi, ho mibien, ho merc'hed, ho servijerien, ho mitizhien, hag al Leviad a vo e-barzh ho torojoù, rak n'en deus na lodenn na hêrezh ganeoc'h.

Adlezenn 12:7

Eno e tebrot dirak an AOTROU ho Toue hag e laouenaiot, c'hwi hag ho tiegezhioù, eus an holl draoù en devo resevet ho taouarn hag en devo ho penniget an AOTROU ho Toue drezo.

Adlezenn 16:11

Hag e laouenai dirak an AOTROU da Zoue, te, da vab, da verc'h, da servijer, da vatezh hag al Leviad a vo e-barzh da zorojoù, an diavaeziad, an emzivad hag an intañvez a vo ez touez, el lec'h en devo dibabet an AOTROU da Zoue evit lakaat e anv da chom ennañ.

Adlezenn 26:14

ne'm eus debret netra pa oan e kañv, ne'm eus lamet netra evit un implij dic'hlan, ne'm eus roet netra evit ur marv, sentet em eus ouzh mouezh an AOTROU va Doue, graet em eus hervez ar pezh ac'h eus gourc'hemennet din.

S. Jakes 4:9

Merzit ho reuzeudigezh, bezit en kañv ha gouelit, ra vo troet ho c’hoarzh e daeroù hag ho levenez e tristidigezh.