Nehemia 8:10 - Bibl Koad 21: Ar Bibl e Brezhoneg evit ar Vretoned

¹⁰ Hag e lavarjont dezho: Kit, debrit kig lart hag evit traoù dous, kasit lodennoù d'ar re n'o deus aozet netra, rak an deiz-mañ a zo santelaet d'hon Aotrou; na vezit ket eta glac'haret, rak levenez an AOTROU eo ho nerzh.

Nehemia 8:10 Referencias Cruzadas

1 Rouaned 8:66

D'an eizhvet deiz e kasas ar bobl kuit. Hag e vennigjont ar roue, hag ez ejont d'o zeltennoù, laouen ha seder en o c'halonoù, en abeg d'ar vad en doa graet an AOTROU da Zavid e servijer ha da Israel e bobl.

1 Danevelloù 16:27

Ar gaerded hag ar veurded a zo dirazañ, an nerzh hag al levenez a zo en e chomlec'h.

Nehemia 8:11

Hag al Levited a rae tevel an holl bobl o lavarout: Chomit peoc'h, rak an deiz-mañ a zo santel, na vezit ket eta glac'haret.

Nehemia 8:12

Hag an holl bobl a yeas da zebriñ ha da evañ, da gas lodennoù, ha da ober ur fest vras, rak komprenet o doa ar c'homzoù a oa roet da anavezout dezho.

Ester 9:19

Setu perak ar Yuzevien diwar ar maez, a zo o chom e kêrioù n'int ket serret gant mogerioù, a ra gant ar pevarzekvet deiz a viz Adar un devezh levenez ha fest, un deiz gouel, ma kaser profoù an eil d'egile.

Ester 9:22

evel deizioù m'o doa diskuizhet ar Yuzevien eus o enebourien, hag evel ar miz ma voe kemmet o enkrez e levenez hag o c'hañv e devezh gouel, hag ober anezho devezhioù fest ha levenez, ma kaser profoù an eil d'egile ha ma reer donezonoù d'ar beorien.

Salmoù 149:2

Ra laouenaio Israel en e Grouer, ra drido a levenez mibien Sion en o Roue!

Salmoù 89:17

Laouenaat a reont ez anv bemdez, hag e kavont gloar en da reizhder.

Krennlavarioù 17:22

Ar galon laouen a dalvez ul louzoù, met ar spered mantret a zisec'h an eskern.

Ar Prezeger 11:2

Ro ul lodenn anezhañ da seizh ha da eizh zoken, rak n'ouzout ket peseurt droug a zeuio war an douar.

Ar Prezeger 2:24

Ha ne vije netra gwelloc'h evit un den eget debriñ hag evañ, ha lakaat e ene da vezañ laouen e-kreiz e labour? Gwelet em eus ivez e teue kement-se eus dorn Doue.

Ar Prezeger 3:13

Ha ra zebro hag evo pep hini, ha ra vo laouen e-kreiz e holl labour, un donezon digant Doue eo.

Ar Prezeger 5:18

Setu ar pezh am eus gwelet: un dra vat ha dudius eo evit an den debriñ, evañ ha bezañ laouen, e-kreiz e holl labour en deus graet dindan an heol, e-pad deizioù e vuhez a ro Doue dezhañ, ar pezh a zo e lodenn.

Ar Prezeger 9:7

Kae, debr gant levenez da vara, hag ev laouen da win, rak Doue en deus dija kavet mat da oberoù.

Kanenn ar C’hanennoù 5:1

Deuet on em liorzh, va c'hoar, va fried. Dastumet em eus va mir gant va louzoù-frondus, debret em eus va zerennoù gant va mel, evet em eus va gwin gant va laezh. Debrit, mignoned, en em vezvit gant karantez!

Izaia 49:5

Ha bremañ e komz an AOTROU, eñ hag en deus va stummet adalek ar c'hof evit bezañ e servijer, evit degas Jakob d'e gavout en-dro, hag Israel strewet; met e vin enoret dirak daoulagad an AOTROU, ha va Doue a vo va nerzh.

Izaia 61:10

Laouenaat kalz a rin en AOTROU, va ene a drido em Doue, rak va gwisket en deus gant dilhad ar silvidigezh, ha va goloet gant mantell ar reizhder, evel ma en em fich ur pried gant e gurunenn, hag en em gempenn ur plac'h nevez gant he bravigoù.

Joel 2:23

Ha c'hwi, mibien Sion, tridit ha laouenait en AOTROU ho Toue, rak e ro deoc'h glav ar c'hentañ amzer hervez an direizhder, hag e kas deoc'h ur glav fonnus eus ar c'hentañ hag eus an diwezhañ amzer, evel gwechall.

Zakaria 14:21

Ha pep kaoter e Jeruzalem hag e Juda a vo santelaet evit AOTROU an armeoù. An holl re a aberzho, a zeuio da gemer diouto evit poazhañ kig enno. Ha ne vo Kananead ebet e ti AOTROU an armeoù, en deiz-se.

Sant Lucas 11:41

Roit kentoc’h aluzenoù eus ar pezh hoc’h eus, ha setu, pep tra a vo glan evidoc’h.

2 Korintiz 8:2

penaos, o vezañ bet amprouet dre galz a c’hlac’haroù, e-kreiz puilhentez o levenez hag o brasañ paourentez, o deus skuilhet gant fonnder madoù o largentez.

Filipiz 3:4

petra bennak ma c’hellfen ivez en em fiziout er c’hig. Mar kred unan bennak en em fiziout er c’hig, me a c’hellfe c’hoazh muioc’h,

Apocalyps 11:10

Tud an douar en em laouenaio diwar o fenn hag en em roio d’al levenez, hag e kasint profoù an eil d’egile abalamour m’o devo an daou brofed-se trubuilhet tud an douar.

1 Samuel 25:8

Goulenn kement-se digant da dud, hag e lavarint dit. Ra gavo eta va zud trugarez dirak da zaoulagad, pa'z omp deuet en un devezh mat. Ro mar plij da'z servijerien ha da'z mab David ar pezh a gavo dindan da zorn.