Sant Ian 13:8 - Bibl Koad 21: Ar Bibl e Brezhoneg evit ar Vretoned

⁸ Pêr a lavaras dezhañ: Biken ne walc’hi va zreid din. Jezuz a respontas dezhañ: Ma ne walc’han ket ac’hanout, ne’c’h eus ket lod ganin.

Testamant Nevez 1897 (Jenkins)

⁸ Per a lavaraz dezhan: Biken na walc’hi va zreid d’in. Jesus a respontaz dezhan: Ma na walc’han ket ac’hanoud, n’ez pezo ket a lod ganen.

Sant Ian 13:8 Referencias Cruzadas

Geneliezh 42:38

Respont a reas: Va mab ne ziskenno ket ganeoc'h rak e vreur a zo marv, hag hemañ a chom e-unan. Ma c'hoarvezfe gwalleur gantañ en hent emaoc'h o vont, e lakafec'h va blev gwenn da ziskenn gant glac'har e lec'h ar marv.

2 Samuel 20:1

Neuze en em gavas eno un den drouk anvet Sheba mab Bikri, ur Benjaminad, a sonas er shofar hag a lavaras: Ni n'hon eus lod ebet gant David, nag a hêrezh gant mab Jese. Israel, pep hini d'e deltennoù!

1 Rouaned 12:16

Pa welas holl Israel ne selaoue ket ar roue anezho, e respontjont d'ar roue o lavarout: Peseurt lodenn hon eus gant David? N'hon eus hêrezh ebet gant mab Jese! Pep hini d'e deltennoù, Israel! Ha bremañ, David, pourvez da'z ti! Evel-se, holl Israel a yeas d'e deltennoù.

Salmoù 51:2

Pa zeuas Natan ar profed d'e gavout, goude ma voe aet David war-zu Bat-Sheba.

Salmoù 51:7

Setu, en direizhder ez on bet stummet, ha va mamm he deus va c'hoñsevet er pec'hed.

Izaia 4:4

p'en devo an AOTROU gwalc'het hudurnez merc'hed Sion, ha glanaet Jeruzalem diouzh ar gwad a zo en he c'hreiz, dre ar spered a reizhder ha dre ar spered a guzum.

Ezekiel 36:25

Skuilhañ a rin warnoc'h doureier glan, hag e viot glanaet. Ho klanaat a rin eus hoc'h holl loustoni hag eus hoc'h holl idoloù.

Zakaria 13:1

En deiz-se e vo ur vammenn digor da di Juda ha da dud Jeruzalem, evit ar pec'hed hag evit an dic'hlanded.

Mazhev 16:22

Pêr, o vezañ e gemeret a-du, en em lakaas d’e repren, o lavarout: Aotrou, az pez truez ouzhit! Kement-se ne c’hoarvezo ket ganit.

Mazhev 21:29

Eñ a respontas: Ne d-in ket. Goude-se, e teuas keuz dezhañ hag ez eas.

Mazhev 26:33

Pêr, o kemer ar gomz, a lavaras dezhañ: Pa vefes un abeg da gouezhañ evit an holl, evidon-me ne vi biken.

Mazhev 26:35

Pêr a respontas dezhañ: Ha pa vefe ret din mervel ganit, ne zinac’hin ket ac’hanout. Hag an holl ziskibien a lavaras an hevelep tra.

Sant Ian 13:6

Dont a reas eta da Simon-Pêr, hag hemañ a lavaras dezhañ: Aotrou, ha te a walc’hfe va zreid din!

Sant Ian 13:9

Simon-Pêr a lavaras dezhañ: Aotrou, nann hepken va zreid, met ivez va daouarn ha va fenn.

Sant Ian 3:5

Jezuz a respontas: E gwirionez, e gwirionez, me a lavar dit, ma ne vez ket un den ganet a zour hag a Spered, ne c’hell ket mont e rouantelezh Doue.

Actou an Ebestel 22:16

Ha bremañ, perak e taleez? Sav, bez badezet ha bez gwalc’het eus da bec’hedoù en ur c’hervel anv an Aotrou.

1 Korintiz 6:11

Hag evel-se e oa hiniennoù ac’hanoc’h. Met gwalc’het oc’h bet, met santelaet oc’h bet, met reishaet oc’h bet en anv an Aotrou Jezuz hag e Spered hon Doue.

Efeziz 5:26

evit he santelaat hag he glanaat dre ur walc’hadenn en dour gant ar ger,

Adlezenn 12:12

Eno e laouenaiot dirak an AOTROU ho Toue, c'hwi, ho mibien, ho merc'hed, ho servijerien, ho mitizhien, hag al Leviad a vo e-barzh ho torojoù, rak n'en deus na lodenn na hêrezh ganeoc'h.

Koloseiz 2:18

Ra ne dapo den ar priz diganeoc’h dre un izelegezh a-ziavaez ha dre lid an aeled, o kemer preder eus traoù n’en deus ket gwelet, o vezañ c’hwezet a ourgouilh hep poell gant e skiant kigel,

Koloseiz 2:23

An traoù-se o deus e gwirionez un diavaez a furnez, o tiskouez evel ul lid a volontez vat, izelegezh ha garventez e-keñver ar c’horf, met a zo didalvoud a-enep ar pezh a c’hell plijout d’ar c’hig.

Titus 3:5

en deus hor salvet, nann abalamour d’an oberoù a reizhder hor bije graet, met hervez e drugarez, dre walc’hadenn an eil c’hinivelezh ha dre nevezidigezh ar Spered-Santel,

Hebreed 10:22

tostaomp gant ur galon wirion hag ur fiziañs leun a feiz, o kaout ar c’halonoù glanaet eus loustoni ur goustiañs fall hag ar c’horf gwalc’het gant dour pur.

Apocalyps 1:5

hag a-berzh Jezuz-Krist, an test feal, ar c’hentañ-ganet a-douez ar re varv ha Priñs rouaned an douar. D’an hini en deus hor c’haret, en deus hor gwalc’het eus hor pec’hedoù dre e wad

Apocalyps 7:14

Me a lavaras dezhañ: Aotrou, te a oar. Hag e lavaras din: Bez’ int ar re a zo deuet eus an trubuilh bras, gwalc’het o deus o saeoù ha gwennet anezho e gwad an Oan.