Leviegezh 23:40 - Bibl Koad 21: Ar Bibl e Brezhoneg evit ar Vretoned

⁴⁰ D’an deiz kentañ e kemerot frouezh eus ar gwez kaerañ, brankoù palmez, skourroù gwez bodennek hag haleg eus ar stêrioù, hag en em laouenaiot e-pad seizh devezh dirak an AOTROU.

Leviegezh 23:40 Referencias Cruzadas

Salmoù 137:2

Skourret hon eus hon telennoù ouzh haleg ar vro.

Salmoù 92:12

Va daoulagad en em blij o sellout, ha va divskouarn o klevout an dud fall-se a sav em enep.

Izaia 35:10

Ar re zic'haouet gant an AOTROU a zistroio drezañ, hag e teuint da Sion gant kanaouennoù trec'h, ul levenez peurbadus a vo war o fenn, bez' o devo levenez ha laouenidigezh, ar boan hag ar c'hlemmvan a dec'ho kuit.

Izaia 44:4

Hag e kreskint evel pa vefent e-kreiz ar geot, evel haleg a-hed an dour o redek.

Izaia 66:10

Laouenait gant Jeruzalem, bezit el levenez ganti, c'hwi holl a gar anezhi. Bezit ganti eürus-kenañ, c'hwi holl a oa e kañv eviti,

Leviegezh 23:39

D’ar pemzekvet deiz eus ar seizhvet miz, pa ho po dastumet madoù an douar, e reot ur gouel d’an AOTROU e-pad seizh devezh; an deiz kentañ a vo un deiz a ziskuizh, an eizhvet deiz a vo un deiz a ziskuizh.

Leviegezh 23:41

Ober a reot ar gouel-se d’an AOTROU e-pad seizh devezh bep bloaz. Ur reolenn beurbadus eo evidoc’h a rummadoù da rummadoù. Henn ober a reot er seizhvet miz.

Mazhev 21:8

Tud e niver bras a astennas o dilhad war an hent, re all a droc’has brankoù gwez hag a c’holoas ganto an hent.

Sant Ian 12:13

a gemeras brankoù palmez hag a yeas a-raok dezhañ, o krial: Hozanna! Benniget ra vo roue Israel a zeu en anv an Aotrou!

Sant Ian 16:22

Evel-se c’hwi a zo bremañ en dristidigezh, met me ho kwelo a-nevez hag ho kalon en em laouenaio, ha den ne lamo diganeoc’h ho levenez.

Romaned 5:11

N’eo ket kement-se hepken, met c’hoazh e kavomp gloar e Doue dre hon Aotrou Jezuz-Krist, hon eus resevet bremañ an adunvanidigezh drezañ.

Adlezenn 12:12

Eno e laouenaiot dirak an AOTROU ho Toue, c'hwi, ho mibien, ho merc'hed, ho servijerien, ho mitizhien, hag al Leviad a vo e-barzh ho torojoù, rak n'en deus na lodenn na hêrezh ganeoc'h.

Adlezenn 12:7

Eno e tebrot dirak an AOTROU ho Toue hag e laouenaiot, c'hwi hag ho tiegezhioù, eus an holl draoù en devo resevet ho taouarn hag en devo ho penniget an AOTROU ho Toue drezo.

Filipiz 3:3

Rak ni a zo an amdroc’hidi, ni hag a azeul Doue er Spered, ni hag a gavomp gloar e Jezuz-Krist, ni ha ne lakaomp ket hor fiziañs er c’hig,

Filipiz 4:4

En em laouenait bepred en Aotrou, henn lavarout a ran adarre, en em laouenait.

1 Pêr 1:8

Karout a rit anezhañ hep bezañ e welet, krediñ a rit ennañ hep bezañ e welet c’hoazh, hag en em laouenait gant ul levenez dilavarus ha glorius,

Apocalyps 7:9

Goude-se e sellis ha setu, un engroez ken bras ken na c’helle den kontañ, a bep broad, a bep meuriad, a bep pobl, a bep yezh, en em zalc’he dirak an tron ha dirak an Oan; gwisket e oant gant saeoù gwenn, gant palmez en o daouarn.