Mateus 5:30 - Kaxinawá Bíblia (BR) Ha inũ, mĩ mekẽ betsawẽ mĩ txakabuwai mĩ mekẽ betsa meshtekea keskatã hawara mĩ mekenẽ mĩ txakabuwai hawaira heneriakubaĩkãwẽ. Mĩ mekẽ dabeyarã, hanu txi nukaisma anu mia puta pemahairaki. Hakia mekẽ bestitxai keskaya Deusbe hiwei kai peki— iwanã, Kashinawa : Diosun Jesúswen taexun yuba bena yiniki Ja inun, min meken betsawen min chakabuwai min meken betsa mextekea keskatan jawada min mekenen min chakabuwai jawaida jenediakubainkanwen. Min meken dabeyadan, janu chi nukaisma anu mia puta pemajaidaki. Jakia meken bestichai keskaya Diosbe jiwei kai peki— iwanan, |
xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki.
Jesus hawẽ tsumabukiri nasauketã uĩkĩ Pedro nemakĩ yuikĩ: —Satanásã xinãwẽ mĩ ea teawakatsis ikai ana hari haskayamawe. Hawara Deusũ uĩaĩ keska mĩ uĩyamaki, eska xinãkinã, haska yurabũ uĩmis keskawẽ mĩ ea nemairã— abaĩ
nukuki hau sinatayamanũbũ sheamatiwẽ iãnẽwã anu sheamakĩ baka ha dukũ mĩ bia hãbeshutã pei heshe bestitxai betxitã bishũ Templo hawẽ pewati pei mina inũ ena dakẽ bushũ hawẽ hatu pakatãwẽ— aka kashũ haska Jesusũ yunua nĩkabaĩ bitãshũ Pedrõ hatu pakanikiaki.
Haskakẽ matũ mekẽ kasmai matũ taewẽ hawara mã txakabuwakubainai matũ mekẽ kasmai matũ tae meshtea keska watã hawaira henekubaĩkãwẽ. Mã mekẽ dabeya inũ mã tae dabeyakẽ hanu txi nukaisma anu matu urẽa pemahairaki. Hakia mekẽ bestitxaiya inũ tae bestitxaiya Deusbe hiwei kai peki.
hanushũ shanẽ ibũ ha habũ hatu piti inaĩbu hatu yuikĩ: “Na huni txakabu huneshkĩ meneshtã bukĩ hanu mexuhaira merã urẽtãkãwẽ, hau hari hiwea bika tenei kashai sheta yẽsh yẽsh ashanunã”, hatu waniki.
ha 5.000 inãbaĩyama ha dukũ hushũ pei itxawashũkubaĩxina beshũ inãkĩ yuikĩ: “Shanẽ ibuũ, 5.000 mĩ ea inãbaĩyamarã, inãnanãkĩ ana 5.000 ẽ mia bishũkubaĩxinarã, naki”, akĩ 10.000 inãyã
Jesusũ nuku ana yuikĩ: —Hawẽ hãtxa yuishunika ekiri Deusũ yuikĩ: “Txashuwã hatũ mekenika ẽ tenãyã hawẽ txashuwã datei pashai keyushãkanikiki”, aka nĩkatã kenenikẽ na habia mexutiã habiaskariai matu dasibibũ ea xinãma mã ea henebaini pashariaii, txashuwã keskairã.
Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.
Haskawẽ taea mĩ beru betsawẽ hawara uĩ mĩ kemuai beru betsa tseka keskatã hawara xinãkĩ mĩ txakabuwai hawaira henekubaĩkãwẽ. Mĩ beru dabeyarã, hanu txi nukaisma anu matu puta pemahairaki. Hakia beru bestitxai keskaya Deusbe hiwei kai peki.
Haska mã ikatsi ikamarã, hawãra matu txakabuwamis beshtekekĩ hawaira henerikubaĩkãwẽ. Hanua mĩ mekẽ betsa kasmai mĩ tae betsa kasmai mĩ beru betsa kasmai haratuwẽra mia txakabuwamis ha meshtekea keskakĩ hamapai txakabu mã imis inũ mã amis tibi hawaira beshtekei henetiki. Mĩ mekẽ dabeya kasmai mĩ tae dabeya kasmai mĩ beru dabeyarã, hanu txi nukaisma anu inũ hanu nami shena debuisma anu txi merã mia puta pemahairaki. Hakia mĩ mekẽ bestitxaiya inũ mĩ tae bestitxaiya inũ mĩ beru bestitxaiyarã, Deus anu niti ikama mĩ hiwenũbariai pehairaki.
Hakia haki besti mesei mã datekubainũbũ matu yuinũ nĩkakãwẽ. Tsuãra matũ hiwea tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Txanima ẽ matu yuiairã, ha bestiki datei mesekubaĩkãwẽ.
Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.
Haskakenã, eãnã, ha nami betsa pikĩ ẽ betsabu ẽ kanematiru xinãkinã, ana hatu kanemakatsi ikama ha nami ẽ ana metirumahairaki, hatu txakabuwakatsi ikamarã.
Mã ẽ betsabu inũ ẽ puibuũ, hunibu dasibibũ hau hatũ hina kubitxi meshtenũbũ ẽ hatu yusĩmiswẽ taeshũ ea itxakawama ikeãkanaii. Hakia eã yusĩkinã, Jesus huni txakabu keska cruzkia mawani ẽ hatu yusĩamakẽ ea danãbumari ikeãkanaii.
Ha dikabi Deusũ na eskakiri Isaías yuikĩ: “Haki huti itã tĩ iti mixkiki, hawẽ hatu sinatamatirã”, ani keskariai tsuabũra ha hãtxa hakiri kakape nĩkatã txibãkatsi ikama danaĩ haki huti itã haki sinatai keskabu Deusũ habu kupishanikiki.