Mateus 22:13 - Kaxinawá Bíblia (BR)

¹³ hanushũ shanẽ ibũ ha habũ hatu piti inaĩbu hatu yuikĩ: “Na huni txakabu huneshkĩ meneshtã bukĩ hanu mexuhaira merã urẽtãkãwẽ, hau hari hiwea bika tenei kashai sheta yẽsh yẽsh ashanunã”, hatu waniki.

Kashinawa : Diosun Jesúswen taexun yuba bena yiniki

¹³ januxun xanen ibun ja jabun jatu piti inainbu jatu yuikin: “Na juni chakabu junexkin menextan bukin janu meshujaida medan udentankanwen, jau jadi jiwea bika tenei kaxai xeta yenx yenx axanunan”, jatu waniki.

Mateus 22:13 Referencias Cruzadas

Salmos 37:12

Huni txakabũ huni pepa itxakawanũ ika haki sinatahairai sheta yẽsh yẽsh amiski, danã paepa wakĩ hatu txakabuwakatsis ikinã.

Isaías 52:1

Senhor Deusũ yuikĩ: “Siãonẽ, bestẽriwe! Bestẽtã pei kushipariwe! Maewã Jerusalém meribituũ, habũ Deus ikũwãbuma huni txakabu ana mia anu txĩtũbirã hikiama ishanaibuwẽ taea mĩ tari hawẽruahaira saweriwe.

Daniel 3:20

Sadraque inũ, Mesaque inũ, Abede-Nego tapu manaũrishũ txi anu hau hatu putanũbũ hawẽ detenamenikabu kushipa datebuma hatu yunua

Mateus 12:29

Haska mã kanehairai matu yuinũ nĩkakãwẽ. Tsuãra huni kuxipatũ hiwe anu hikitã yumetsunũ, iwanã, hawẽ tae inũ hawẽ mekẽ dukũ neatã hawẽ mabu yumetsutirubuki.

Mateus 13:30

Hau habiaska habe yumeyunũ meyamayukãwẽ. Ha dabe husia ewai hanu huxiaĩtiã tsekakĩ ẽ hatu yunua ha mibã txakabu dukũ meshteshũ neatã mãtxiãbu ẽ kuashanaii. Hanushũ ẽ shekiwã bimi pepa meshtekĩ itxawariatã ẽ dayarubũ ea arushũshãkanikiki”, hatu waniki— iwanã,

Mateus 13:42

txi nukaisma anu hatu urẽa hanu hiwei peama kashai sheta yẽsh yẽsh akubaĩshãkanikiki.

Mateus 13:50

txakabubu hanu txi nukaisma anu hatu putashãkanikiki, hanua hiwei peama haska nũ tenetiruma tenei kashai hau sheta yẽsh yẽsh inũbunã.

Mateus 24:51

manaka txakabube kupihairashanikiki, beparamemisbubetã hau bika tenehairai kashai sheta yẽsh yẽsh anunã— iwanã,

Mateus 25:30

Haskawẽ taeshũ mexuhaira anu hanua bika tenei kashai sheta yẽsh yẽsh ashanaibu anu na ẽ tsuma txakabu urẽtãkãwẽ”, hatu waniki— iwanã,

Mateus 8:12

Hakia nukunabu Deusũ yubabiani hawẽ hãtxa txibãkĩ ikũwãbumakẽ hatu danãtã hanua kashai sheta yẽsh yẽsh imisbu mexuhaira merã hatu urẽshanikiki— itã

Lucas 13:28

Hanushũ matũ shenipabu Abraão inũ hawẽ bake Isaque inũ hawẽ baba Jacó inũ Deusũ hãtxa yuishunika dasibi Deusũ mae anu dasiabu uĩ txai matu urenibuwẽ taea hatu uĩ haska mã mapeketirubumawẽ taea sheta yẽsh yẽsh iki mã kashakũkaĩshanaii.

João 21:18

Jesusũ Pedro ana yuikĩ: —Ikũkĩ ẽ mia yuiai nĩkawe. Berunã kuxipakĩ tari sawetã hanira kairã, mĩ ma itixaraxinaki. Hakia mĩ anibu mexã dakakẽ huni betsã mia tari sawemakĩ hanu mĩ kakatsi ikamabiakẽ mia iyushãkanikiki. Habiaskabiakẽ ea nĩkatã ea txibãpakewe, ikisrã— akĩ haskatã Pedro mawakĩ Deus hatu kẽwãmashanai hau nĩka pewanũ Jesusũ yuiai nũ nĩkaniki.

Hechos 21:11

nuku uĩtanũ ika hushũ Paulõ nanesheketi bitã hawẽ tae inũ hawẽ mekẽ ibubis meneshtã yuikĩ: —Deusũ Yushĩ Pepatũ ea yuixina matu yuinũ nĩkakãwẽ. Na ẽ akai keska wakĩ Jerusalém anushũ na nanesheketi ibu judeubũ atxishũ neatã Romanonawabu anu inãshãkanikiki— ikaya

Hechos 7:54

haska xarabu hatukiri shanẽ ibubu txiteai nĩkatã Estêvãoki sinatatxakayamai bene bene iki sheta yẽsh yẽsh akaibũ

2 Tesalonicenses 1:9

Hamẽ nuku haska wamisbuwẽ taeshũ habu kupikĩ nuitapawariakĩ ikibi imakĩ hawẽ kuxipa paewẽ benukĩ inũ hawẽ txasha pepa hawẽrua hatu uĩmakatsi ikama ha bebunua txaihaira hatu putashanikiki.

2 Pedro 2:17

Ha yusĩnã paranãmisburã, ũpash bana tashka heneuma keska inũ nai kuĩ niweya bebiai uiuma hawa txa akama keskabuki, hatũ yusĩa hawa pepa hayamarã. Ha habu haskamisburã, Deusũ hatu kupia ikibi ika meirã, hanu mexu tẽ ikihairai anu hatu putashanikiki.

2 Pedro 2:4

Hawẽ nai tsumabu hatiritũ hawẽ hãtxa nĩkabuma hatũ txakabu Deus hakimakatsi ikama hakia mai kini keyatapa shãkĩhaira mexu merã hanua pashatirubuma anu hatu putatã neshashũ hatu mekeyunikiaki, txipu hanu kupiaitiã hatu unãti wakatsirã.

Judas 1:13

Ha inũ, iãnẽwã niwẽ betxuruãkĩ tũkash akĩ kesha anu bakush henebaĩmis keskakĩ habũ txakabuwai parananãkĩ dake pae shabakabi henebainaibu dasibibũ uĩtirubuki. Ha inũ, bixi hawẽ bai ana tanabainama keskai ha parananãmisbu unãnumas buaibu ana tsuã txibãtirubumaki. Haskawẽ taeshũ hanu mexuhaira Deusũ hatu washuni anu hanu hatu nitxĩtã kupihairashanikiki, niti akamarã.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.