Mateus 5:22 - Kaxinawá Bíblia (BR)

²² Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Kashinawa : Diosun Jesúswen taexun yuba bena yiniki

²² Jawen jancha chanimaki. Ana jabiasdi matu yusinun ninkakanwen. Tsuada yuda betsaki sinatakin detekatsi ikin man shinankubainaiwen taexun Diosun matu kupixanikiki, matun shinan chakabuwenan. Ja inun, tsuada yuda betsaki sinatakin ichakin: “Min unainsmapaki”, ikubainmisbu jau xanen ibubun kupixanunbunwen. Jamen ana yuda betsaki sinata chakayamakin chitekin: “Min jawa unanmajaidaki”, ikubainmisbu chi jawa nukaisma anu Diosun udenkatsi manakubainikiki.

Mateus 5:22 Referencias Cruzadas

Gênesis 37:4

hatũ epã haska washũkĩ José betxipaihairai hatu binuhaira hawẽ betsabũ uĩkĩ José dananibukiaki, haska wa nia uĩ habe pe hãtxanameamarã.

2 Samuel 16:7

haki sinatahairakĩ yupukĩ Simeĩ Davi yuikĩ: —Miarã, mĩ huni pubẽ txakabuki. Nenu huama kawe, kawe— akĩ

2 Samuel 6:20

hawenabusri hãtxa pepawẽ hatukiri pe hãtxanũ ika hawẽ hiwe anu Davi txĩtũkaini kaya hawẽ aĩ betsa Saulũ bake Mical inũ ika kaĩkaini haki nukui kashũ dakewakĩ yuikĩ: —Israelĩ enabu mĩ hatũ shanẽ ibuhaira natiã mĩ hatu peshũkirãkĩ mĩ dayarubũ escrava aĩbuaibu bebũ haskatimabiakẽ hatu uĩmai nawai sheke sheke ikirani mĩ peshukitsa, dakeamarã— aka

1 Reis 21:4

Nabotẽ hãtxa wakĩ yuikĩ: “Ẽ ibubũ hatũ bai ea heneshũbaini ẽ mia inãtirumaki”, akĩ kemawẽ taea sinatai punu nuka hawẽ hiwe hawẽrua Samaria anu Acabe txĩtũkaini hikitã daka hawẽ keneki beti ika hawa hãtxama huĩti nishmahaira dakashũ pikatsi ikamakẽ

Salmos 14:1

Huni unaĩsma patapabũ Deuskiri shinãkĩ yuikĩ: “Deus hayamaki”, imisbuki. Haburã, parananaĩ atimapai hiweabuki. Tsua betsã hatũmebi hawa pepa wamis hayamaki!

Salmos 37:8

Mĩ sinatamis inũ mĩ pubẽmisrã, henekĩ putakubaĩwẽ. Mĩ sinatawenã, dasibi mĩ hamapai tibi mĩ ana pikukũkainaii.

Salmos 69:4

Eska tibiwẽ taearã, ẽ hawa hatu txakabuwamabia hamẽ ea danãkĩ ẽ bu itxapa binumai eki sinatakanikiki. Tsuabura eki sinataibu ana itxapahaira hayaki. Ẽ hatu hawa wamahairabia ea yamawakatsis ikanikiki. Hatũ hamapai ẽ hatu yumetsuĩsmabia hamẽmẽs ea yunutxakakĩ: “Ea ana inãwẽ”, amisbuki.

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Provérbios 18:6

Ha unaĩsmapa hiwe betsa anu kashũ txakabu hatu tueshũmisbuki, hau hawẽ taea ha iki detenamenũbunã. Hatu haskamamiswẽ taeshũ ha huni kusha kusha atirubu peki.

Daniel 3:13

haska yuiabu nĩkai sinatahairakĩ Sadraque inũ, Mesaque inũ, Abede-Nego hau iwenũbũ Nabucodonosorĩ hatu yunua hatu itãshũ shanẽ ibu bebũ hatu nitxiãbu

Daniel 3:19

haska hãtxa wakĩ yuiabu Nabucodonosorĩ nĩkatã hatuki sinata txakayamai hawẽ besu tashipe iki keyutã mai kini keru anu txi kuabu here hi hi ikai anu urẽmisbu anu hatũ beya binumakĩ ana 7ki karu itxapa napukĩ hau keti wakĩ hi a txakayamanũbũ hatu yunua keti wabu dekeĩ keyua mesea daka hi hi ikai anu

Mateus 10:17

Mã ẽ kakapekiri hatu yusĩawẽ taeshũ ikũwãbumã matu kupinũ, iwanã, hatũ mae shanẽ ibu anu matu iyushãkanikiki. Ha inũ, hatũ itxati hiwe anushũ ekiri mã hatu yusĩaĩbu betsabũ matu kuxa kuxa ashãkanikiki. Uĩrashãkãwẽ.

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

Mateus 12:24

hakia fariseubũ hatũ hãtxa nĩkakĩ yuikĩ: —Haskamaki. Na hunirã, yushĩ txakabu shanẽ ibu Belzebũ kuxipa hayaki. Haska bestiwẽ taeshũ yushĩ txakabu hatu kaĩmaikiki— hatu waibũ

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

Mateus 18:21

hawẽ hãtxa nĩkatã Pedrõ Jesus yukakĩ: —Yusĩnaã, mia ikũwaĩ betsã ea txakabuwaya hatiki hawẽ txakabu hakimawashãpa? Metutikiraka?— aka

Mateus 18:35

Matu mã haska keskariai ikũwaĩ betsã mia txakabuwa hawẽ nuikĩ hau ewẽ nuinũ, iwanã, mia yuibiakẽ miari hawẽ nuiama mĩ hakimamakẽ ha shanẽ ibu keskai ẽ Epa Deus nai anua matuwẽri nuiama ishanikiki, matũ txakabu buamarã— nuku aniki.

Mateus 23:15

Hanua maturã, Deusũ hãtxa kenenibu yusĩnanãmisbu inũ fariseubu mã beparamebuũ, maĩ bukĩ iãnẽwã pukebaini bushũ nawa betsa matu keska judeu wanũ ishũ hatũ xinã betsa wamakĩ hatu ikũwãmanũ, iwanã, matũ beya mirima mã hatu tapĩmakĩ matũ txakabu mã hatu binumaibuwẽ taeshũ Deusũ hatu kupihairakĩ txi merã hatu urẽa hiwetxakashãkanikiki.

Mateus 23:33

Hamẽ maturã, mã paranã dunu pianã keskabuwẽ taeshũ Deusũ matu kupihairakĩ txi merã matu urẽa mã hawawẽ taea pashatirubumaki.

Mateus 25:41

hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.

Mateus 26:59

hanushũ Deusbe nukunabu hãtxashunika shanẽ ibubu inũ Sinédriobu dasibi itxashũ Jesus hau tenãnũbũ hakiri txakabuhaira yuiaibuwẽ txani hãtxa ikũ keska watã hawẽ unãti watã tenãkatsi benai maniabũ

Mateus 3:17

yurabu nĩkamai nai anua hui tashnikĩ yuikĩ: “Narã, ẽ bakeki. Ẽ abuhairaii, ẽ Katuarã”, anikiaki.

Mateus 5:34

Haska yusĩbianikẽ eãnã, ẽ matu betsa yusĩaiĩ. Hawara betsa tibi datã aki yubakayamakubaĩshãkãwẽ. Eskairã, nai datã akĩ xinaĩ hawẽ yubakayamashãkãwẽ, Deusri hari hiwea inũ haki tsauriakirã.

Mateus 5:44

Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.

Marcos 14:55

hanushũ Deusbe nukunabu hãtxashunika shanẽ ibubu inũ Sinédriobu dasibi itxashũ Jesus hau tenãnũbũ hakiri txakabuhaira yuiaibuwẽ txanii hãtxa ikũ keska watã hawẽ unãti watã tenãkatsi benai maniabũ

Marcos 15:1

Ma penaya Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbu inũ mae shanẽ ibubu Sinédrio hirabi itxashũ haska wakĩ Jesus tenãtikiri yubakatã Jesus meneshshũ Romano shanẽ ibu Pilatos anushũ txitenũ ishũ iyuabu

Lucas 12:5

Hakia haki besti mesei mã datekubainũbũ matu yuinũ nĩkakãwẽ. Tsuãra matũ hiwea tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Txanima ẽ matu yuiairã, ha bestiki datei mesekubaĩkãwẽ.

Lucas 22:66

hanua bari txi pesheaya mae yununika shanẽ ibubu inũ Deusbe hawenabu hãtxashunika shanẽ ibubu inũ, Deusũ hãtxa kenenibu yusĩnanãmisbu na Sinédrio itxabu anu Jesus hatu iyushunabu

João 11:47

hanua Deusbe nukunabu hãtxashunika shanẽ ibubu inũ fariseubu Sinédrio kena hatube itxatã Jesuski datei yuinamei: —Ha huninã, hatu unãti wamakĩ dami tsuã haska watiruma itxapa waikiki. Nũ haska watirumẽ?

João 15:25

Haskakẽ Deusũ hãtxa yuishunikã yuikĩ: ‘Hawamawẽ taeshũ itxakawakĩ ea danãnibuki’, iwanã, keneni keska menekĩ ea danãkanikiki.

João 7:20

ha dapi mapushũ betsã yuikĩ: —Mĩ yushĩ txakabu hayaki. Mĩ haska xinaĩnã, tsuã mia tenãkatsis ikimẽkaĩ?— aka

João 8:48

hanushũ judeu shanẽ ibubũ Jesus yuikĩ: —Eska nũ mia yuiaii. Mĩ yushĩ txakabu haya dikabia mĩ Samarianawaki, unaĩsmaparã— akabu

Hechos 17:18

hanua huni betsa unãnepabu epicureubũ yuikĩ: “Tsuawẽ nuiama hawara mĩ abuai besti aki pe hiwekũkaĩtiki”, ikĩ xinãmisbu inũ huni betsa unãnepaburi estóicobũ yuikĩ: “Hawawẽ benimama, hawẽ yurawẽ nuiama pe hiwekũkaĩtiki”, ikĩ xinãmisbu Paulobe yuinamei kemanameriaibũ habu betsã txitekĩ yuikĩ: —Na txikix hãtxãwainã, harakiri hãtxai ikimẽkaĩ?— ikaya betsã yuikĩ: —Paulonã, eska yui ikikiaki. Deusũ Messias Jesuskiri inũ yurabu dasibi mawa ana bestẽshanaibukiri txanirã— ikaya haskakenã: —Mekenika yushĩ betsa betsapa nũ hawa unãriabumakiri hawẽ nuku benimawanũ ika ikiraka?— ikaibũ

Hechos 22:30

hanua shanẽ ibu comandantẽ ushaxini penaya haskaya Paulo txitexinabumẽkaĩ, iwanã, tapĩhairakatsis ikĩ mane dispi txiwetameyawẽ neshaxinabu comandantẽ hawẽ soldado hatu pekamatã Deusbe hawenabu hãtxashunika shanẽ ibubu inũ Sinédrio dasibi hatu itxawatã Paulo kaĩmabaĩ hatu anu iyushũ hatũ besuuri nitxiã

Hechos 23:1

Sinédrio itxabu dasibi shabakabi beiskĩ Paulõ hatu yuikĩ: —Ẽ betsabuũ, matu yuinũ nĩkakãwẽ. Ẽ hawa Deuski txakabu nima natiã Deuski dateama unãnuma ẽ hiweaki, Deusũ ea unãyanã— hatu waya

Hechos 24:20

Beabumakẽ nukũ shanẽ ibubu Sinédrio itxashũ ea unãti wakĩ hawara ẽ txakabuwamis ea tapĩxĩshũ na shanẽ ibubũ mia haska yuikeãkanaii.

Hechos 4:15

hanushũ hanu itxabu anua hatũ mekenikabu hatu nitxĩmatã habu besti yubakai yuinameakeakekĩ

Hechos 5:21

haska hatu yuia nĩkabaĩ penaya Templo hemaĩtĩ anu bushũ hatu yusĩkĩ taewaibũ habiatiãri ma kaĩbainabu unãmabia Deusbe hawenabu hãtxashunika shanẽ ibuhaira hawenabube itxatã Israelbu shanẽ ibu betsa betsapabu Sinédrio dasibi hatu itxawashũ hatũ meketi hiwe anua Jesusũ kuxipayabu hatu bitxixinabu hau itanũbũ hatũ mekenikabu yunuabu

Hechos 5:27

Sinédrio anu hatu iweshũ hatu bebũ nitxĩtuxiabu Deusbe hawenabu hãtxashunika shanẽ ibuhairatũ hatu yuikĩ:

Hechos 6:12

hatu haska wabu bushũ huni itxapabu yuikĩ mae shanẽ ibubu inũ Deusũ hãtxa kenenibu yusĩnanãmisbuki txani txakakĩ habu hatu sinatamabũ yurã kaiã ha iki berukui itimaskabaĩkĩ hanushũ Estêvão atxitãshũ shanẽ ibubu dasibi Sinédrio anu iyushũ

Hechos 6:15

hanua shanẽ ibubũs Sinédrio anu tsaushũ Estêvão nia uĩkĩ hawã ikama hawẽ besu shabakabihaira Deusũ nai tsumã besu keska beisnibukiaki.

Hechos 7:37

Hanushũ habias Moisés Israelbu hatu yuikĩ: “Hawẽ hãtxa ẽ matu yusĩnũ Deusũ ea katuni keska wakĩ habia matunabu anuari Deus yuishunika betsa kuxipa ea keska matu anu yunushanikiki”, anikiaki.

Romanos 12:10

Ha inũ, matũ betsa kayabi keska wakĩ ikũwaĩbu betsabu hawara pepa mã amis xinãma hakia ikũwaĩbu betsabube merabenamekĩ habube nuinamei duanamekubaĩkãwẽ.

1 Coríntios 6:10

Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.

1 Tesalonicenses 4:6

Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.

Tito 3:2

Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Santiago 2:20

Haskakẽ Deus ikũwaĩnã, ana unaĩsmapayamakãwẽ. Cristowẽ Deus mã hamẽ ikũwã bestiairã, hamẽki. Haskakẽ mã kanemis hamẽwãma unãtã ana hamẽama ikũ kayabi wakĩ Cristowẽ Deus dayashũkubaĩkãwẽ.

Santiago 3:6

Nukũ hãtxarã, txi keskariki. Haska keskawẽ tsukira xinãtxaka pixtakĩ nũ shetxakai hãtxairã, nũ ha hatu dabãmakĩ nuitapa watiruki. Hamapai hãtxa txakabu nũ yuiairã, paeki. Haska xinaĩ nũ hãtxamiswenã, ibubis nukũ hiwea bai menukĩ itsa wakĩ nũ benumiski. Satanás txi anu kashanaitũ hatũ matu xinãmamiski, matũ hiwea pe kainai nakumakĩ txakabu wamakinã.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

1 João 2:9

Tsuãra yuikĩ: “Cristo ikũwaĩ ma ẽ hawẽ shaba hayaki”, ibiai ikũwaĩ betsa danaĩ habe dakekenaĩnã, hawẽ hiwea sheni hene keyuriama mexu merã hiwea keskayuaki.

1 João 3:10

Deusũ bakebu inũ Satanásã bakebu mã unãti watirurã. Tsuãra pepa akubainama inũ ikũwaĩbube abunameamarã, Deusunabumaki.

1 João 5:16

Ha inũ, txakabu dabe hayaki. Ha txakabu daberã, betsa Deusũ buakatsis ikikiki. Bestitxai buakatsi ikamarã, mawa kayabi anu katiruki, Jesus mawabiashuni danãkĩ txakabu wamisrã. Haskawẽ taeshũ ikũwaĩ betsã hawara txakabu Deusũ abuama ana akai uĩtã mã merabewakatsis ikairã, hau Deusũ kupiyamashanũ xinã pewamakĩ merabewakĩ matũ betsa Deus yukashũkãwẽ. Hamẽ betsãri haska Deusũ hawẽ txakabu buashũkatsi ikama uĩbiakĩ Deusbe hãtxashũyamakãwẽ, hawẽ hiwea ma kupiti hayakirã.

Judas 1:9

Hakia Deusũ nai tsuma shanẽ ibu Miguel dasibi nai tsuma betsabu binuhaira Satanásbe hãtxai Moisés mawa hawẽ yura haratutũra hawena watiru yauxi ha irabenamekĩ Miguel hãtxa pepawẽ besti hãtxa wakĩ Satanás yuikĩ: “Yavé Deusũ hau mia txitenũwẽ”, ibianikẽ

Apocalipse 20:14

hatũ hatu mawamanika inũ hanu mawabu bumisbu anu ha iã hanu menui here hi hi ikai anu hau dabeki mawakĩ menunũbũ hatu urẽa