Mateus 4:23 - Kaxinawá Bíblia (BR) Hanua Galiléia anushũ yusĩkubaũkĩ mae tibi hatũ itxati hiwe anushũ kakape Deus shanẽ ibui ma kemaikiri hatu yusĩkĩ isĩ betsa betsapa teneaibu hatu shushawakĩ kayawakubainaya Kashinawa : Diosun Jesúswen taexun yuba bena yiniki Janua Galilea anuxun yusinkubaunkin mae tibi jatun ichati jiwe anuxun kakape Dios xanen ibui ma kemaikidi jatu yusinkin isin betsa betsapa teneaibu jatu xuxawakin kayawakubainaya |
Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.
Habias huĩrukũti sábadotiã habia baiwẽ kai mae betsa anu hikitã hatũ itxati hiwe merã hikishũ Jesusũ hatu yusĩayã
Heshekiri yuiarã, Deus shanẽ ibuaikiri yusĩti hãtxaki. Ha heshe hanu kati bai anu niri akarã, yurabũ Deuskiri hãtxa nĩkakĩ xinãbiaibũ hamakiria Satanás hushũ hawẽ hãtxa pepa hatũ huĩti anua mebĩmiski.
Jesus hanua yumeni anu kai nũ habe hikixĩkẽ ma hatu yusĩ beyamis hatũ itxati hiwe anushũ Jesusũ hatu yusĩrianũ ika hikishũ hatu yusĩ taewaya hatu yusĩa nĩkai haska yusĩnanaĩsbumawẽ e itã yuinamei: —Na hunirã, hanishũ haska tsuã hawẽ kuxipa tapĩmaxinamẽ, ha atimaska nũ atiruma aki unãnepahairairã?
Jesus keti itã butukaĩkĩ yurã kaiã uĩ hatuwẽ nuihairakĩ hatunabu isĩ teneaibu hanu iyuabu hatu shushawashũpakeaya
Ha inũ, betsarã, nawa dasibibũ hau ekiri unãnũbũ ẽ ana huriamakẽ yurabu maniakeakeabu dasibibu tsuabũra ẽ kakapekiri habũ hatu yusĩkubaũshãkanikiki. Nawa shukua tibibũ hau kakape ekiri nĩkanũbũ hatu yusĩkĩ menetanaibũs ẽ ana hushanaii.
hanua hatu haska wabaini kakĩ Galiléia anu mae ewapabu inũ mae hatiubuma anushũ hatũ itxati hiwe anushũ yusĩkĩ Deus shanẽ ibuaikiri kakape yusĩkĩ isĩ betsa betsapa teneaibu shushawakubaũkĩ
Hanushũ bitxiti hiwe anu João ma bitxixinabũ Galiléia mai pakeanu kashũ Deusũ kakapekiri Jesusũ hatu yusĩkĩ
Hatu haska wabaina Jesusbe bui mae betsa Cafarnaum anu hikixinabũ sábado huĩrukũtitiã hanu itxamisbu anu Jesus hikishũ hatu yusĩaĩ
Galiléia mai pakea dasibi anu kakũkaũkĩ hanu Deusũ hãtxa nĩkakatsis iki hanu itxamisbu hatũ hiwe tibi anushũ kakape yusĩkĩ yushĩ txakabu yurabu anua kaĩmakubaunikiaki.
sábado huĩrukũtitiã hanu judeubu itxamisbu anushũ hatu yusĩkĩ taewaya huni itxapabũ nĩkai e itã habaa! iki yuinamei: —Na hunirã, hanishũ haska tsuã hawẽ kuxipa tapĩxinamẽ, ha atimaska nũ atiruma aki unãnepahairairã?— iwanã
haska hatuwẽ nuikĩ yusĩbia habũ ikũwãbumawẽ taea huĩti nixmai e inikiaki. Mae urama hiweabu tibi besti anu kakũkaũkĩ Jesusũ hatu yusĩkubaũtani hushũ
Ha inũ, habianu hiweabu isĩ teneaibu shushawakĩ hatu yusĩkĩ: “Deus shanẽ ibui nenu ma kemaikiki”, akĩ hatu yuikubaũshãkãwẽ.
Jesusũ hatu yuikubaĩkĩ: —Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki.
Hanushũ shaba betsatiã Templo hemaĩtĩ anushũ Jesusũ yura itxapabu kakape yuikĩ hatu yusĩayã Deusbe hawenabu hãtxashunika shanẽ ibubu inũ, Deusũ hãtxa kenenibu yusĩnanãmisbu inũ mae shanẽ ibu beshmasbũ Jesus nemanũ ika haki kemashũ
hanua Galiléia anu kashũ mae tibi anu hatũ itxati hiwe anu hikiakeakekĩ Deusũ Yushĩ Pepatũ kuxipa hayawẽ taeshũ Jesusũ hatu yusĩaĩ nĩkai hakiri hãtxakĩ dasibibũ kẽwãkubaunibukiaki.
Hanua ana shaba betsatiã Galiléia inũ, Judéia mae betsa betsapa anua inũ, Jerusalém anuari bexĩshũ Jesusũ yusĩaĩ nĩkai tsauwabũ habianuri Moisés hãtxa txibãhairanika fariseubu inũ Moisés hãtxa yusĩnanãmisbu hiwe merã itxashũ Deusũ shushawati kuxipayatũ Jesusũ hatu yusĩayã
Hanushũ 12 hunibu katutã hatu iwei bututã mawa tenãmã pãpanushũ haki txiti ikabu Jesusũ yusĩnũ ika tsaukẽ habianuri habũ txibaĩbu inũ mirima yurabu Judéia anua inũ, Jerusalém anua inũ, iãnẽwã kesha betsa Tiro inũ Sidom anua hawẽ hãtxa nĩkatanũ ika bekĩ isĩ teneaibu hatu kayawamakatsi iwexinabu haki dasiabu isĩ teneaibu shushawakĩ yushĩ txakabũ hatu nuitapawai kaĩmakĩ hawẽ kuxipa hanua kaĩkĩ Jesusũ hatu kayawaya uĩ abukĩ Jesus mekatsis ikaibũ
Txipu ana sábado betsatiã mae betsa anu kashũ hatũ itxati hiwe merã hikishũ Jesusũ hatu yusĩayã habianuri huni mekẽ yusiuri meyuxkini hatube tsaukẽ
ha dabe xinãmakĩ Jesusũ yuikĩ: —Hawara uĩkĩ mã nĩkakubainairã, haska Joãoki txaniritãkãwẽ, eskaiburã. Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsani haki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu yumaĩbu hatũ pashati kakape nĩkatã benimaiburã, haska João yuitãkãwẽ.
Hanua ana betsatiã haska pepawẽ inũ txakabuwẽ kupi Deus nenu ana shanẽ ibushanaikiri mae ewapa betsa betsapa inũ mae hatiubuma anushũ Jesusũ hatu yusĩkubaunaya hawẽ 12 tsuma kuxipayabũ tapĩ habe bukubainaibũ
yurã kaiãnẽ unãtã Jesus txibaĩbu hawa hatuki sinatama hatu ikĩ pewashũ Deus shanẽ ibushanaikiri yusĩkĩ isĩ betsa betsapa teneaibu shushawabaiaya
nemakĩ Jesusũ yuikĩ: —Haskamaki. Ikũwãma mawa keskabũ mĩ epa maiwatirubuki. Hakia mianã, na habiatiã ebe kai taekĩ Deus shanẽ ibushanaikiri yusĩkubaĩshãwẽ— akaya
Jesusũ kemakĩ: —Nĩkaibũ ẽ hãtxakũkaĩmiski. Hanu itxati hiwe tibi inũ Templo hemaĩtĩ anushũ nukunabu itxamisbu anushũ shabakabi dasibibũ berubi ẽ hatu yusĩmiski, hune hatu yusĩamarã.
Hanushũ judeu shanẽ ibubũ Jesus detekatsi ikĩ benaibuwẽ taea Judéia anu ana kakatsi ikama Galiléia anu besti mae tibi anu kakũkaũkĩ hatu uĩkĩ yusĩkubaunaya
Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.
hanua sábado huĩrukũti tibitiã hanu judeu itxamisbu hiwe anushũ Jesuskiri hatu yusĩkĩ hatu tapĩmakĩ ikũwãmai judeubu inũ Gregonawabube Paulo hãtxanamekũkainaya
—Haska inũ, Deus shanẽ ibuaikiri ẽ matu yusĩkubaũyama tsuã mã ea ana uĩyama ishanai ẽ matu yuiaii.
Tsuã hawa nemama Deus shanẽ ibushanaikiri shabakabi hatu yusĩkĩ Deusũ Messias Jesus Cristo mekenãkiri Paulõ hatu yusĩpakekubainiki, tsuã hawa bika tenemamarã. Teófiloõ, hatiski, Jesuskiri hawẽ tsuma kuxipayabu dayakubainibukiri hãtxarã. Lucas
Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.