Hechos 28:31 - Kaxinawá Bíblia (BR)

³¹ Tsuã hawa nemama Deus shanẽ ibushanaikiri shabakabi hatu yusĩkĩ Deusũ Messias Jesus Cristo mekenãkiri Paulõ hatu yusĩpakekubainiki, tsuã hawa bika tenemamarã. Teófiloõ, hatiski, Jesuskiri hawẽ tsuma kuxipayabu dayakubainibukiri hãtxarã. Lucas

Kashinawa : Diosun Jesúswen taexun yuba bena yiniki

³¹ Tsuan jawa nemama Dios xanen ibuxanaikidi xabakabi jatu yusinkin Diosun Mesías Jesucristo mekenankidi Pablon jatu yusinpakekubainiki, tsuan jawa bika tenemamadan. Teófiloon, jatiski, Jesúskidi jawen tsuma kushipayabu dayakubainibukidi janchadan. Lucas

Hechos 28:31 Referencias Cruzadas

Mateus 4:23

Hanua Galiléia anushũ yusĩkubaũkĩ mae tibi hatũ itxati hiwe anushũ kakape Deus shanẽ ibui ma kemaikiri hatu yusĩkĩ isĩ betsa betsapa teneaibu hatu shushawakĩ kayawakubainaya

Marcos 1:14

Hanushũ bitxiti hiwe anu João ma bitxixinabũ Galiléia mai pakeanu kashũ Deusũ kakapekiri Jesusũ hatu yusĩkĩ

Lucas 8:1

Hanua ana betsatiã haska pepawẽ inũ txakabuwẽ kupi Deus nenu ana shanẽ ibushanaikiri mae ewapa betsa betsapa inũ mae hatiubuma anushũ Jesusũ hatu yusĩkubaunaya hawẽ 12 tsuma kuxipayabũ tapĩ habe bukubainaibũ

Hechos 1:3

Hanua ma mawabiaxina besteĩmashũ hawẽ yura kayabi ana shabakabi hatu kayatiwamakĩ hau unãtihairawanũbũ shaba 40 dia hatu uĩmakĩ haskai Deus nuku shanẽ ibushũshanaikiri hatu hãtxa wakubainikiaki.

Hechos 20:25

—Haska inũ, Deus shanẽ ibuaikiri ẽ matu yusĩkubaũyama tsuã mã ea ana uĩyama ishanai ẽ matu yuiaii.

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Hechos 28:30

hiwe inãyuimabu pakakubaĩkĩ hanushũ bari dabe nitxĩ hanu haki bai buaibu dasibi haska habe hãtxakatsis iki buaibu hatu i pewakubainiki.

Hechos 4:29

Nukũ Shanẽ Ibuũ, natianã, habũ nuku mese mesewaibu mĩ uĩaiĩ. Haskawẽ taeshũ nũ mĩ tsumabu hawa datea mĩ bakẽ kakape nũ shabakabi txanikũkaunũ nuku yunuwe.

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.

Hechos 5:42

hatu yusĩkĩ hawa heneama Templo hemaĩtĩ anushũ inũ hiwe betsa betsapa anushũ shaba betsa tukuma Messias Jesus Cristokiri kaka pepakiri hatu tapĩmakubainibukiaki.

Hechos 8:12

hakia Deus shanẽ ibuaikiri inũ Jesus Cristõ kakapekiri Filipẽ hatu yuiai nĩkatã ana Simão nĩkama huni itxapabu inũ aĩbu itxapabũri Jesus ikũwaĩbu Filipẽ hatu naximaya

Filipenses 1:14

Na ea nenu eska wayamabu ewẽ dateama itxapabũ Cristo ikũwãkĩ hawẽ kakapewẽ benimakĩ dateama huĩti kuxitã nukũ Shanẽ Ibuki txiti itã Deusũ kakape hatu yusĩkubaũkanikiki.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

2 Timóteo 4:17

Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.