Romanos 1:1 - Kaxinawá Bíblia (BR)

¹ Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

Kashinawa : Diosun Jesúswen taexun yuba bena yiniki

¹ Man Jesucristo ikunwainbu Roma anuabu en Pablo jawen tsumapan ¿man jaskadamenkain? ixun en matu kene bumai uindakanwen. Jawen kakape en chania akeakexanun jabistun jawen kushipaya ea wakin Diosun ea medibi watan ea yununiki.

Romanos 1:1 Referencias Cruzadas

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

Marcos 1:14

Hanushũ bitxiti hiwe anu João ma bitxixinabũ Galiléia mai pakeanu kashũ Deusũ kakapekiri Jesusũ hatu yusĩkĩ

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 15:15

Hamẽ betsarã, hawẽ dayakiri hawẽ dayarubu shanẽ ibũ hatu shabakabi tapĩmaismaki. Hakia dasibi ẽ Epã ea yuia ẽ matu unãmaiwẽ taeshũ yunubiakĩ ẽ dayaru wakĩ matu kenama ẽ haibuwakĩ ẽ matu kenaii.

João 15:20

Ẽ matu yuishurã, xinaĩrakãwẽ: “Dayakapã hawẽ tsuma binuismaki”, akĩ ẽ matu yuishuki. Haskakẽ ea itxakawanishũ habiabũri maturi itxakawashãkanikiki. Hakia betsabũri ẽ hãtxa nĩkanishũ matũ hãtxari nĩkakĩ ariashãkanikiki.

Hechos 13:9

hakia Saulo, hawẽ kena betsa Paulo, Deusũ Yushĩ Pepatũ kuxipayatũ beri ikama beishairakĩ

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 21:40

shanẽ ibũ hani: —Iwe— akĩ heneyua mixki tapaiti kesha nishũ hawẽ mekẽ meneshekerabea sanãtã hatu nemakĩ pes wakĩ keyua mapuabũ judeũ hãtxa Hebreowẽ Paulõ shabakabi hatu yuikĩ:

Hechos 22:21

ẽ Shanẽ Ibũ ea nemakĩ: “Txaihaira yurabu betsa betsapa judeubuma anu ẽ mia yunuaii. Hari karitãshãwẽ!” ea waniki— hatu wai

Hechos 22:7

ẽ maĩ di ika dakashũ nĩkaya hui tashnikĩ ea yuikĩ: “Sauloõ, Sauloõ, haskakĩ mĩ ea itxakawakubainai?” ea wa

Hechos 26:1

hanushũ Agripã Paulo yuikĩ: —Hani mĩ hawa txakabuismakiri nuku yuiwe— aka —Peki— iwanã, hatu mekẽ sanãshũtã Paulõ hatu yuikĩ:

Hechos 26:14

hanua dasibi maĩ nũ di ikaya nukunabũ hãtxa Hebreowẽ tsuãra ea yuikĩ: “Sauloõ, Sauloõ, haskakĩ mĩ ea itxakawakubainai? Mimebi mĩ txakabuaii, tsuki ikama ibubis mushaki iki ikasirã”, ea wa

Hechos 27:23

Mexu merã ẽ Deus ha ẽ dayashũmis ea mekemistũ hawẽ nai tsuma yunua hushũ

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 1:16

Tsuabũra Deusũ kakape nĩkatã ikũwaĩbu Deusũ habũ txakabu buakĩ ana xinãma hawẽ kuxipa paewẽ hawenabu hatu wamisshũ mekepakeshanikiki. Haskawẽ taea ha dukũ judeu hatiribũ ikũwãkĩ taewanibuki. Hanushũ ha katxu judeubuma betsabũri ikũwãriakanikiki. Haskakẽ Deusũ kakape Jesus Cristokiri yuikĩ datã akĩ hawa hawẽ dakeama ẽ hatu yusĩkubainaii.

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Romanos 1:9

Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

Romanos 11:13

Mã ebetã Jesus ikũwaĩ Israelbumaã, ẽ eskaki, matu yuinũ nĩkakãwẽ. Hau Israelbuma betsa betsapabu anu ẽ hatu yusĩkubaũshanũ Deusũ hãtxa yuishunika hawẽ kuxipaya Jesusũ ea washũ ea nitxĩniwẽ taea ẽ hawẽ daya pe haya ashuĩ ẽ benimakũkainaii. Haskakẽ matu yusĩkubaũkĩ haska Jesus Cristo mã ikũwaĩbu enabu Israelbu hatu ikũwãmakatsis ikĩ haska mã ikũwaĩ hawẽruai benimaibũ hawẽ hatu kemumakĩ hatiriburi hatũ xinã ẽ betsa wamakatsis ikũkainaii, hau Deusũ hatu mekeriashanunã.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 15:29

Txanima ẽ haska xinaĩ keska ẽ matuki nukuayarã, haska Jesus Cristõ hawẽ duapawẽ nuku duawamiswẽ ẽ matube benimakatsis ikaii.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

1 Coríntios 1:1

Jesus Cristõ kuxipayawakĩ Deusũ ea xinãkĩ ea katunikẽ Cristowẽ taea nukũ betsa Sóstenesbetã ẽ Paulõ ẽ matu kene bumakĩ taewaii.

1 Coríntios 9:1

Hamẽ enakiriri matu yuinũ nĩkakãwẽ. Damasco baiwẽ ẽ kai Jesus hanu eki nukutã ea uĩmaxĩshũ nukũ Shanẽ Ibũ hawẽ tsuma kuxipaya betsa ea wakĩ ea yununiwẽ taeshũ tsuã ea yunuamawẽ taea haska matu anu ẽ dayai kashũ nukũ Shanẽ Ibũ daya ẽ matu uĩmakĩ Deusũ kaka pepa matu yusĩkubaũkĩ mã Corinto anuabu Jesus ẽ matu ikũwãmaniwẽ taeshũ ẽ Jesusũ kuxipaya betsabu keska habias daya ẽ hayabiakẽ matũ mã ea danãtirubumaki.

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

2 Coríntios 11:5

Haska inũ, eã ẽ xinãnã, habu txipu kabiashũ hãtxa hawẽruawẽ matu yusĩkĩ ea binũkatsis ikaiburã, hawa ea binutirubumahairaki.

2 Coríntios 11:7

Matu anu kayamashũ Deusũ kakape datã akĩ matu yusĩkĩ ẽ hawara hayamabia pei inũ mabu matu yukakĩ ẽ matu txakabu wayamamẽ? Ẽ matu haska wama iyamaki.

2 Coríntios 12:11

Haska tatimai ẽ keaĩ ẽ hawaumaki. Hakia mã ea kẽwãma danaĩbuwẽ taea ibubis kẽkĩ ẽ matu haska yuiaii. Ha unãnepabu parananãkĩ bemakis matu uĩmakĩ haska ekiri hawauma matu yuimisburã, hatũ hawawẽ ea binutirubumaki.

2 Coríntios 2:12

Ha inũ, Deusũ kakape Cristokiri datã akĩ yusĩkatsis iki Trôade mae ewapa anu ẽ hikiaya yura itxapabu Deusũ ea nĩkamaya tsuabũra ea nemamabiakẽ

2 Coríntios 4:5

Haska inũ, mai damiwakĩ Deusũ yuikĩ: “Mexu anua hau shabayunũwẽ”, anishũ habiatũri nukũ huĩti anu shaba peshani keska wakĩ Deusũ Cristo nuku unãmaya hawẽ kaka pepa Cristokiri nũ shabakabi matu unãmakubainaii. Haskakẽ yusĩkĩ: “Jesus Cristo nukũ Shanẽ Ibu kayabiki”, ikĩ, “Jesus Cristo abuhairakĩ nũ matũ dayaru bestiki”, ikĩ shabakabi dasibibuki txani ibubis nũ keĩsmaki.

Gálatas 1:1

Jesusũ tsuma kuxipaya betsa earã, ẽ Pauloki. Hawa hunibũ hatũ xinãnẽ katushũ ea yunuama inibuki. Hakia katukinã, Jesus tenãbu hatũ bestẽwani hawẽ Epa Deus inũ ha kayabis Jesusũ hamebi ea katunishũ ea yunukubaĩmisbuki.

Efésios 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ tsuabura Éfeso mae ewapa anuabu Deusũ hawenabu meribi matu wani mã habũ ikũwaĩ Jesus Cristobe ketashamei mã haki dasia xinãkĩ ẽ hãtxa ẽ matu bumai uĩrakãwẽ.

Efésios 1:13

Cristowẽ taea mã judeubuma dikabitũ hawẽ hãtxa txanima Deusũ bake Jesus mekenãkiri kakape nĩkatã ikũwaĩbu hawẽ nuku tibi unãti wati yubanishũ hawẽ Yushĩ Pepa nuku inãtã ha dabe hawenabu nuku inũ matu warianiki.

Efésios 4:11

Ha haska hamebi huyamashũ betsabu hawẽ kuxipayabu hatu wakĩ betsabu hawẽ hãtxa yuishunikabu hatu wakĩ betsabu hakiri kakape txanikubaunikabu hatu wakĩ betsabu yusĩnanaĩ mekenikabu hatu watã hatu yunuakeakebainiki.

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Filipenses 2:11

dasibibũ unãkĩ: ‘Jesus Cristorã, txanima dasibibũ Shanẽ Ibu Yavéki’, ikĩ Epa Deus kuxipa kẽwãshãkanikiki”.

Colosenses 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ nukũ betsa Timóteobetã

Colosenses 1:25

Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.

1 Tesalonicenses 2:2

Ha inũ, matu anu nũ hikiriamakẽ Filipos anushũ nuku itxakawakĩ nuku nuitapawaimabu mã unãriaii. Nuku bika tenemabiaibũ Deusũ nuku kuxipa wakubaina hawẽ kakape nũ matu yusĩkubainimaki.

1 Tesalonicenses 2:8

Haska wakĩ matu abukĩ Deusũ kakape yusĩ benimai matuwẽ nuihairai kashakatsis iki haska xinaĩ ẽ matu mawashũkeanimaki. Haskawẽ taea ana habias matukiri xinãkĩ matu merabewanũ, iwanã, hamapai betsa nũ matu ashũkatsis ikaii.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Timóteo 1:1

Ea ẽ Paulorã, Deus nukũ mekenika inũ Jesus Cristo hawẽ yubakaniwẽ nũ hiweshanai nũ manaitũ Jesus Cristõ kuxipaya ea washũ ea yununibuki.

1 Timóteo 2:7

Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.

2 Timóteo 1:11

Haskawẽ taeshũ Deusũ ea katutã hawẽ bakekiri kaka pepa judeubuma ẽ hatu yusĩkubaunũ ea yunukĩ Jesusũ kuxipaya ea wanishũ ea yusĩnã waniki.

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

Hebreus 5:4

Ha inũ, tsuãra ibubis eiskaũ xinaĩ: “Deusbe enabu hãtxashunika shanẽ ibunũ”, ika hamebi katukutirubumaki. Hakia Deusũ Arão katuni keska wakĩ tsuara katukatsis ikĩ duawakĩ hatũ besti hatu kenakĩ katukubaĩmiski.

Hebreus 7:26

Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.

Santiago 1:1

Matu Israelĩ 12 huni bakebũ hatũ bababũ mã Jesus Cristo ikũwaĩbu mai hirabi anu mã sa ini manibaunabu ẽ Tiagõ, Deus inũ nukũ Shanẽ Ibu Jesus Cristõ tsumapã ẽ matu kene bumai uĩrakãwẽ.

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Apocalipse 22:6

Hanushũ nai tsumã ea ana yuikĩ: “Txanima hãtxa ẽ mia yuiai nĩkawe. Nukũ Shanẽ Ibu Deusũ hawẽ hãtxa yuishunikabu hawẽ hãtxa hatu yunumistũ haskarara samama ishanai hau hawẽ tsumabũ yusĩshanũ, iwanã, ẽ hawẽ nai tsuma hawẽ hãtxa eari yunushuki, ẽ mia tapĩmanunã. Deusũ txanima hãtxa tibi yubakatã ashanai ẽ mia uĩmashu ẽ mia yuiai nĩkatã ikũwãriwe”, ea waya

Apocalipse 22:9

ea nemakĩ yuikĩ: “Haskayamawe. Mia keska eari ẽ Deusũ tsumaki. Mĩ betsabu Deusũ hãtxa yuishunikabu betsa inũ dasibibũ na hãtxa kenekĩ mĩ una wai habũ txibãshanaibu keska eari ẽ hatu keskaki. Deus besti kẽwãwẽ”, ea watã