Mateus 24:14 - Kaxinawá Bíblia (BR)

¹⁴ Ha inũ, betsarã, nawa dasibibũ hau ekiri unãnũbũ ẽ ana huriamakẽ yurabu maniakeakeabu dasibibu tsuabũra ẽ kakapekiri habũ hatu yusĩkubaũshãkanikiki. Nawa shukua tibibũ hau kakape ekiri nĩkanũbũ hatu yusĩkĩ menetanaibũs ẽ ana hushanaii.

Kashinawa : Diosun Jesúswen taexun yuba bena yiniki

¹⁴ Ja inun, betsadan, nawa dasibibun jau ekidi unanunbun en ana judiamaken yudabu mania akeakeabu dasibibu tsuabunda en kakapekidi jabun jatu yusinkubaunxankanikiki. Nawa xukua tibibun jau kakape ekidi ninkanunbun jatu yusinkin menetanaibuns en ana juxanaii.

Mateus 24:14 Referencias Cruzadas

Mateus 10:7

hatu yuikĩ: “Deusũ Katua shanẽ ibui ma kemaikiki”, akĩ hatu yusĩkubaũtãkãwẽ.

Mateus 18:19

Ha inũ, ikũwaĩbu dabe kasmai dabe inũ besti itxabu ẽ kenawẽ hãtxakĩ yukaibu ẽ kuxipawẽ ẽ hatube naxui ika ikũkaĩshanaii. Habiaskari wakĩ matu dabetũri habias xinãkĩ hawara pepas Deus mã ea aka matu ashũshanikiki— nuku waya

Mateus 24:3

Oliveiras Mati anu mapeketã Jesus tari ka tsaukẽ nũ hawẽ tsumabũ hune yukakĩ: —Ha mixki hiwe tekekĩ purekĩ keyushanaibu mĩ nuku yuishurã, mia yukapa? Mĩ ma mai hirabi hawẽ henei keyuaitiã mĩ ana huashanai kemai taeai haskai nũ unãtirumẽkaĩ? Nuku yuiwe— nũ wa

Mateus 4:23

Hanua Galiléia anushũ yusĩkubaũkĩ mae tibi hatũ itxati hiwe anushũ kakape Deus shanẽ ibui ma kemaikiri hatu yusĩkĩ isĩ betsa betsapa teneaibu hatu shushawakĩ kayawakubainaya

Mateus 9:35

hanua hatu haska wabaini kakĩ Galiléia anu mae ewapabu inũ mae hatiubuma anushũ hatũ itxati hiwe anushũ yusĩkĩ Deus shanẽ ibuaikiri kakape yusĩkĩ isĩ betsa betsapa teneaibu shushawakubaũkĩ

Lucas 2:1

Hanua ha haskaitiã Romano shanẽ ibuhaira César Augustõ hawẽ mai pakea kesua hirabi anushũ huni tibitũ kena netãkĩ hau tanashanũbũ hawẽ tsuma betsa betsapabu yununikiaki.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Lucas 4:5

haska nĩkatã hanushũ mati keyatapahaira anu yushĩ txakabu diabõ Jesus iyushũ mai hirabi anu mai pakea hawẽrua tibi inũ hawẽ damiwati kuxipawẽ hawaira shabakabi uĩmakĩ

Hechos 1:2

Nai anu kariama Yushĩ Pepaki dasia nishũ hawẽ tsumabu kuxipayabu yusĩkĩ hau haska katushũ txanima akubaĩshanũbũ hatu yunuyabis shaba betsatiã nai anu inakainikiaki.

Hechos 11:28

betsa hawẽ kena Ágabo ikũwaĩbu itxabu anu hatu yuinũ ika benishũ Deusũ Yushĩ Pepatũ merabewakĩ hãtxamaya bebũkiri haskashanai hatu yuikĩ: “Mai hirabi anu piti hayama dasibibu bunihairashãkanikiki”, hatu wayama Roma maiwã anua Cláudio César shanẽ ibuhairaya haska Ágabõ hatu bebũkiri yuiyama haskanibuki.

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

Hechos 17:6

hatu betxiama Jasom inũ ikũwaĩ betsabu besti atxibaĩ mae shanẽ ibubu anu sharabaĩkĩ hatu iyushũ hãtxa kuxipawẽ ha akĩ txitekĩ: Ha huni Paulo inũ Silasinã, Romano mai hirabi anu buaketãkĩ hatũ yusĩawẽ hatu itimaska wakubaũkĩ nenuri bexĩshũ habiaskari wai

Hechos 19:27

Haskarã, meseki. Nũ damiwai dayakĩ nũ hawẽ pei bimisbu nuku meshteabu nũ ana hawa hayatirumaki, danaĩbuwẽ taearã. Haska bestimarã, nuku merabewamis yushĩ dami aĩbu nai anua kawani Diana inũ hawẽ kẽwãti templorã, habu Ásia anu hiweabu inũ mai hirabi anuri hiweabũri ikis abukĩ kẽwãmisbuki. Hakia Paulõ hãtxa nĩkakĩ Diana ana kẽwãma hawẽ kẽwãti hiwe benukĩ danãshãkanikiki, Paulõ yusĩa besti nĩkakinã— hatu wa

Hechos 20:25

—Haska inũ, Deus shanẽ ibuaikiri ẽ matu yusĩkubaũyama tsuã mã ea ana uĩyama ishanai ẽ matu yuiaii.

Romanos 10:18

Hawara Deusũ hãtxa yuishunika Davĩ kenekĩ yusĩni matu ana yusĩnũ nĩkakãwẽ. “Yurabu mai hirabi anu manibaunabu Deusũ hãtxa yusĩmisbũ habũ hatu yusĩa ma habũ nĩka keyuabuki”, iniwẽ taeshũ Israelbũ dasibi ma nĩkakĩ keyunibu nũ unaiĩ.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:6

Haska inũ, mai hirabi anushũ Deusũ kakape hawẽ bakekiri nĩkatã ikũwãbauni pakĩ yurabũ hatu uĩmabaunaibu keskai mã ikairã, txanima habias habiaskari matu anuri tashniai mã hayaniki, haska Deus duapakiri hãtxaibu nĩkai: “Txanimaki”, itã mã ikũwãniburã.

Hebreus 1:6

Kene betsa anushũ hawẽ bake bestitxai nukũ Hutxi Kayabi Iuwa yurabube hiwemashanaikiri hatuki txanikĩ yuikĩ: “Hau dasibi ẽ nai tsumabũ ẽ bake duawakĩ kẽwãriashanũbũwẽ”, arianiki.

Hebreus 2:5

Bawaitiã na mai anu Deusũ damiwani anu yurabu hiwebaũshanaibu anushũ hau Deusũ nai tsumabũ yunuyamashanũbũ Deusũ hanu hatu yunuama iniki, na haskakiri nũ hãtxairã.

Apocalipse 14:6

Hanua ana betsa tashniai ẽ uĩayã nai tsuma betsa nai natukanu nayakaũkĩ Deusũ hãtxa kakape bunikatũ mai anu hiwebaunabu nawã mai pakea tibi anu inũ, yurabu shukuabu tibi anu inũ, hãtxa tibiyabu anu inũ, mae tibi anu hiwebaunabu hãtxa ikibi ika hatu yuinũ ika

Apocalipse 16:14

Ha yushĩ tibirã, hawẽ yushĩ txakabuwẽ dayakĩ dami atimaska betsa betsapa hatu washũkĩ shanẽ ibubu dasibi mai hirabi anua hatu tashnibirã hatũ soldadobuya detenamemanũ, iwanã, hatu itxa wakẽ hanushũ Deus kuxipa binuatũ hanu akaitiã hatu maemakĩ yamawashanikiki.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.