Hechos 2:24 - Kaxinawá Bíblia (BR) Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã. Kashinawa : Diosun Jesúswen taexun yuba bena yiniki Jakia mawabiaken Jesús Diosun ana bestenwainmaki, mawamamistun isin tenemakin bashitidubia jawen jiwea yabutiduma binumakinan. |
Senhor Deusũ hawẽ tsuma bika betsa betsapa hawena wamashanikiki. Nukũ txakabuwẽ taeshũ hawẽ hiwea yaushiama inãshanaiwẽ taea hiwea txaipa bitã bababu mirima uĩ hatuki nukushanikiki. Senhor Deusũ haska betxipai yubakani hawẽ tsumawẽ taeshũ haska tibi meneshanikiki.
yuikĩ: —Shanẽ ibuũ, ha huni txani txakakĩ mawariama hãtxai nũ nĩkamisrã: “Mawa shaba dabe inũ besti kaya ẽ ana bestẽshanaii”, ixiã nuku yuixinabu nũ xinaiĩ.
Haskakẽ tsuã ea debu watirumaki. Hakia ikatsis iki ibubis ẽ xinãnẽ ẽ debutiruki. Mawakĩ ẽ hiwea ẽ henexina ẽ ana bitiruki, ha kuxipa ẽ Epã ea yununiwẽ taearã— hatu waya
Haskawẽ taeshũ mã danãtirubumaki. Haskakẽ hawẽ hãtxa hatu yunukĩ: “Mã deusbuki”, aki nishũ
Haska inũ, Isaíasĩ yuikĩ: “Hau uĩ pewayamanũbũ inũ hau xinã pewayamanũbũ Deusũ hatũ beru bekũ keska wakĩ hatũ huĩti kuxi waikiki. Haskawẽ taeshũ Deusũ yuikĩ: ‘Hatũ xinã betsa watã ea ikũwaĩbu ẽ hatu shushawakeanaii’ ”, akĩ Deusũ hãtxa ikũwãtirubumakiri Isaíasĩ keneniki.
—Ẽ betsabu inũ ẽ puibuũ, haska bebũkiri Judaskiri Deusũ Yushĩ Pepatũ Davi yuia kenenirã, habias Judasĩ akĩ meneimaki. Haska wanikiri akĩ txanima hatũ hatu iyushũ Jesus hatu atximaimaki.
Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa
Hamẽ Deusũ haskakiri hãtxamanirã, ha Jesus mawa bestẽwãxina txanima ibubis dasibibũ nũ uĩkubaĩxina nũ unãkanaii.
Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.
Haskawẽ taeshũ Deusũ hawẽ bake bestẽwaĩmashũ mã hawenabu dukũ matukiri pe xinãkĩ matu duawakĩ taewaikiki, matũ txakabu henetã mã xinã betsa wanũbunã— hatu wai
Haskakenã, matu inũ dasibi Israelbũ mã nĩkaya matu xinãmanũ nĩkakãwẽ. Habias Jesus Cristo Nazaré anua haki sinatakĩ hiki mã hatu mastama mawa Deusũ ana bestẽwaĩma ikũwãkĩ hawẽ kuxipa bestiwẽ na huni dasibibũ mã uĩaĩ nũ shushawaxinaki.
ana hãtxa txitxibaĩkĩ yuikĩ: —Jesus cruzki mã hatu mastamashũ hatu tenãmabia ha habias Deus nukũ shenipabũ kẽwãpaunibu habiatũri tenãbu nuku bestẽwãshuĩmaki.
Haskakẽ hawara hawẽ bakekiri hawẽ hãtxa yuishunika Deusũ nuku kenemashuni haratubũra txibãkĩ shabakabi dateama yuikĩ: “Jesus Cristo ẽ Shanẽ Ibuki”, iwanã, haska Jesus mawa Deusũ ana bestẽwani ikũ kayabi waibu hawenabu watã niti akama Deusũ habu matu mekekubaĩshanikiki, hiwekuĩmakinã.
Haskawẽ taea Cristo mawatã ana bestenirã, txanima dasibitũ shanẽ ibunũ ika iniki, natiã nũ hiweabuna inũ habu mawabunarã.
inũ nukukiriri xinãkĩ ashuniki, hatu kenemakinã. Habiatũri nukũ Shanẽ Ibu Jesus bestẽwani ha xinãwẽ nũ ikũwãyã Deusũ hawenabu nuku wamiski.
Ha inũ, nuku naximaburã, Cristobe nũ mawa keska nuku habe maiwanibu keskakẽ nukũ xinã txakabu putai nũ hiwei benashanũ hawẽ Epa kuxipatũ Jesus Cristo bestẽwani keska wakĩ hiwea bena betsahairawakĩ nuku bestẽwã keska wamiski.
Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.
Haska inũ, Jesus Cristo debutã haska bestiama ana hiwei bestẽkaĩ nai anu Deusũ yusiuri tsaunishũ Jesus Cristo habe shanẽ ibukĩ Deus nuku ea ashũbiaya tsua betsa kuxipatũ Cristõ nuku pewashuni nematirumaki.
Hamẽ betsarã, Cristo mawaxina Deusũ bestẽwanikiri nũ matu yusĩbiamiskẽ haskakĩ: “Mawabũ yura ana besteãma ishanikiki”, iwanã, hatiritũ xinãkĩ Corinto anushũ yuimisbumẽ? Mã haska xinaĩbu matu ana yusĩnũ nĩkairakãwẽ.
Ha inũ, Deusũ Cristõ yura bestẽwani nũ hawẽ kuxipayabũ matu yusĩkĩ mawabu hatũ yura ana besteãbuma ibiashanaya hamẽ matuki txani nukũ hãtxawẽ matu paraĩ nũ txanitxaka bestikũkaĩkeanaii, Deus haska yubakabianikẽ nukũmebi hawẽ hãtxa betsa wakĩ Deus danãmairã.
Hãtxa txanima matu yuinũ nĩkairakãwẽ. Cristo mawaxina ha dukũ Deusũ bestẽwaniwẽ taea yuraburi mawakubainaibu hawẽ taeari besteĩ keyushãkanikiki.
Ha inũ, Jesus mawa maiwabu shaba dabe inũ besti kaya Deusũ bestẽwanikiaki, haska bebũkiri Deusũ hãtxa yuishunikabũ hakiri kenenibu keskariairã.
Ha inũ, nũ mawa nukũ yura txaputima bestima hakia haska nukũ Shanẽ Ibu mawa Deusũ bestẽwanishũ hawẽ kuxipawẽri nuku bestẽwãriashanikiki.
Ha inũ, Jesus mawa Deusũ bestẽwanishũ nukuri bestẽwãkĩ maturi bestẽwãriatã Deusũ ibubis nuku habis beismakĩ nuku iyushanai unãkĩ hawẽ hãtxa nukũri nũ yusĩkubainaii, hawa dateamarã.
Jesusũ tsuma kuxipaya betsa earã, ẽ Pauloki. Hawa hunibũ hatũ xinãnẽ katushũ ea yunuama inibuki. Hakia katukinã, Jesus tenãbu hatũ bestẽwani hawẽ Epa Deus inũ ha kayabis Jesusũ hamebi ea katunishũ ea yunukubaĩmisbuki.
Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.
Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.
Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.
Hatũ ibubũ hatu bake bikĩ habias nami inũ himi haya wamiski. Haska keskariai Jesus damiriatã tashninũ ika yurabũ nami inũ himi keska biniki. Haska bitã hawẽ hatu tenãmis kuxipa diabo Satanás haya maemakĩ binũtã hatu meshpamanũ ika hawẽ yurawẽ Jesus yurabu mawashuniki.
Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.
Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.