Efésios 1:20 - Kaxinawá Bíblia (BR)

²⁰ Cristo mawabiakẽ Deus kuxipahairatũ ana bestẽwãtã nai anu hawẽ yusiuri tsaumaniki.

Kashinawa : Diosun Jesúswen taexun yuba bena yiniki

²⁰ Cristo mawabiaken Dios kushipajaidatun ana bestenwantan nai anu jawen yusiudi tsaumaniki.

Efésios 1:20 Referencias Cruzadas

Salmos 110:1

Deus kushipa dasibi binuatũ ẽ shanẽ ibu yuikĩ: “Miki sinataibu ẽ hatu maemariama manai ẽ yusiuri tsauyuwe, mĩ tae hanakĩ hatuki kẽyãtanã.”

Mateus 26:64

Jesusũ yuikĩ: —Habiari mĩ yuiaii. Hamẽ eã ẽ mia yuiairã, ẽ Epa Deus kuxipahairatũ yusiuri ẽ tsauwa matũ Hutxi Kayabi Iuwa nai kuĩwẽ ẽ huai mã ea uĩshanaii— akaya

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

Marcos 14:62

—Haa. Haska mĩ ekiri yuiairã, ẽ haki. Epa Deus kuxipahairatũ hawẽ yusiuri ẽ tsauwa matũ Hutxi Kayabi Iuwa nai kuĩwẽ ẽ huai mã ea uĩshanaii— ikaya

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

João 10:18

Haskakẽ tsuã ea debu watirumaki. Hakia ikatsis iki ibubis ẽ xinãnẽ ẽ debutiruki. Mawakĩ ẽ hiwea ẽ henexina ẽ ana bitiruki, ha kuxipa ẽ Epã ea yununiwẽ taearã— hatu waya

João 10:30

Ea inũ ẽ Epa Deus ha dabe nũ bestitxai keskaki, dapashkanaismarã— hatu wa

Hechos 10:40

Hanua shaba dabe inũ bestitiã Deusũ ana bestẽwãxina hanua Jesus nuku ana uĩmakĩ

Hechos 26:8

—Haskakĩ mã ikũwãbumamẽ, matubunã, mawabu Deusũ ana hatu bestẽwãshanairã?— iwanã

Hechos 4:10

Haskakenã, matu inũ dasibi Israelbũ mã nĩkaya matu xinãmanũ nĩkakãwẽ. Habias Jesus Cristo Nazaré anua haki sinatakĩ hiki mã hatu mastama mawa Deusũ ana bestẽwaĩma ikũwãkĩ hawẽ kuxipa bestiwẽ na huni dasibibũ mã uĩaĩ nũ shushawaxinaki.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Romanos 8:34

Haska inũ, Jesus Cristo debutã haska bestiama ana hiwei bestẽkaĩ nai anu Deusũ yusiuri tsaunishũ Jesus Cristo habe shanẽ ibukĩ Deus nuku ea ashũbiaya tsua betsa kuxipatũ Cristõ nuku pewashuni nematirumaki.

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Filipenses 3:10

Haskakĩ Cristo ana ẽ unãhairakatsis ikaii. Haska inũ, hawẽ Epa Deusũ mawabu ana bestẽwãti kuxipa ẽ hayakatsis iriaii. Haska inũ, ana haki dasihairanũ ika ha nuitapawanibu keska eari dateama mei mawakĩ ẽ txibãkatsis ikaii.

Colosenses 1:16

Cristowenã, Deusũ dasibi nai anua inũ mai anua nũ uĩtiru inũ nũ uĩtiruma yushĩ betsa betsapa kuxipayabu inũ paepabu Cristowẽ damiwanikiaki. Haska damiwakinã, Cristowẽ taeshũ atã Deusũ Cristo hawena wamaniki.

Colosenses 3:1

Cristo mawa bestẽwãtã Deusũ hawẽ yusiuri tsaumanishũ habe shanẽ ibu waiwẽ taeshũ matũ xinã betsa watã mã ma ikũwaĩbu mã ma habe besteni keskawẽ taea hawara naiuria Cristowẽ Deusũ pepa benakubaĩkãwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 10:12

Hamẽ Jesus Cristo ikirã, habũ nũ ikũwãshanaibu nukũ txakabu nuku buashunũ ika besti ha bestiwai cruzkia nuku mawashũtã ana ipatimai bestẽtã hawẽ Ibu Deusũ yusiuri hanushũ betsabu binũa besti natiã ma tsauwaki, hanua nuku hãtxashũkũkainirã.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 2:9

Nai tsumabu kuxipa keskama Jesus kuxipa beshmas keska wayutã Deusũ hawẽ nui nuku uĩmakĩ Jesus tashnimatã hau dasibibuwẽ taea mawatã bestẽnũ Deusũ yunua haska txibaĩ nuitapatã mawatã binuniwẽ taea natiã Jesus kuxipahaira dasibibu binua hawẽ ibu dapi ma tsauwa nũ unaiĩ.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

Apocalipse 1:17

Haska uĩ hawẽ tae namã mawa keskai tsistikaĩ ẽ tĩ ika daka hawẽ mekẽ yusiuri ea mekĩ yuikĩ: “Dateyamawe. Earã, ea dukũ ẽ hiweni inũ ẽ hawẽ henea debesekeaki.