1 Coríntios 15:20 - Kaxinawá Bíblia (BR)

²⁰ Hãtxa txanima matu yuinũ nĩkairakãwẽ. Cristo mawaxina ha dukũ Deusũ bestẽwaniwẽ taea yuraburi mawakubainaibu hawẽ taeari besteĩ keyushãkanikiki.

Kashinawa : Diosun Jesúswen taexun yuba bena yiniki

²⁰ Jancha chanima matu yuinun ninkaidakanwen. Cristo mawashina ja dukun Diosun bestenwaniwen taea yudabudi mawakubainaibu jawen taeadi bestein keyuxankanikiki.

1 Coríntios 15:20 Referencias Cruzadas

Hechos 2:24

Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã.

Hechos 26:23

yuikĩ: “Messiasrã, nuitapatã mawai kaikiki. Hanua ha dukũ mawa bestẽkaina ha dukũ nuku bebushuni kaikiki. Haskaxĩshũ nũ judeubu inũ judeubuma hawẽ pashati bai shaba kayabi ibubis Messias txani kaikiki”, inibu habiaskari haskakiri ẽ hatu yusĩkubaĩmiski— akaya

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

1 Coríntios 15:23

Hanua Cristo hawẽ yura Deusũ bestẽwanikẽ ha habũ ikũwaĩbu hawenabu mawabu haska Cristo ini keskai ana Cristo huaya dasibi hatũ yura Deusũ bestẽwãkĩri keyushanikiki.

1 Coríntios 15:6

Hanuari hawẽ betsa Tiago hakiri nukutã Jesusũ kuxipaya betsaburi habukiri nukutã hatu uĩmaxĩkẽ hanua habũ txibãkĩ ikũwãmisbu mirimahaira 500 binuabutikiri Jesus hatuki nukutã uĩmarianikiaki. Hatiri ma debua inũ itxapa hiweriayuabuki.

Colosenses 1:18

Ha dikabi Cristo hawẽ hiweawẽ nukũ Shanẽ Ibushanũ ika kuxipai hawẽ bushkai nuku ishuniki, nũ ikũwaĩbũ hawẽ yura nũ ishanũbunã. Ha dukũ hiweniwẽ taea mawamisbu kuxipa binui ha dukũ mawabu anua besteĩ taekĩ dasibi hatũ dukũ binu keyuniki.

1 Tesalonicenses 4:16

Hakia Deus nai anua sai ikĩ hawẽ nai tsuma shanẽ ibu yunua hatũ dasibibu itxawaya Deusũ trombeta hawẽ nai tsumã txã txã akaya nai anua nukũ mekenã Cristo butui shaba putxinĩ nikẽ Cristo ikũwaĩ mawanibu habu dukũ Deusũ ana bestẽwãtã

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 14:13

Hanushũ nai anushũ hui betsa tashnikĩ ea yunukĩ: “Na hãtxa keneriwe. Na habia unuri pakea nukũ Shanẽ Ibuki dasitã mawakubaĩshanaiburã, Deusũ hatu benimahairawashanikiki”, ikaya hanushũ Yushĩ Pepatũri ea yuikĩ: “Habiaskaki. Haburã, hatũ daya henetã huĩrukũ bestishãkanikiki. Ha inũ, hamapai xarabu Jesus Cristo ashũkubaĩmisbuwẽ Deusũ hatu manaku bestishanikiki”, ea wai nĩkakĩ haskashanaibu ẽ uĩshuki.