1 Pedro 1:21 - Kaxinawá Bíblia (BR)

²¹ Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

Kashinawa : Diosun Jesúswen taexun yuba bena yiniki

²¹ Jaskakidan Criston jawen Epan jancha matu unanmaiwen taexun man Dios ikunwanibuki. Jaska matu wabiaya tenanbu Diosun ana bestenwankin Xanen Ibu wani na jabiatian matun shinanwen jakidi ikunwankin Diosun jiwekuian matu inanxanai man jaki chiti ixun manakakubainaii.

1 Pedro 1:21 Referencias Cruzadas

Salmos 42:5

Deus ikũwaĩ haki txiti itã hawa heneama Senhor Deus ẽ mekenã kẽwãkĩ ẽ akubainaii. Ana punu nukai ẽ hawa beshteketirumaki. Haskawẽ taea ẽ hamapai tibiwẽ ẽ ana nuiamaki. Habia bestihaira ẽ Deus inũ ẽ mekenikaki!

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

João 12:44

Hanushũ hãtxa kuxipawẽ Jesusũ nuku yuikĩ: —Tsuabũra ea ikũwãkĩ ea besti ikũwãma hakia ẽ Epa hatũ ea yununiri ikũwãkanikiki.

João 14:1

nukuri Jesusũ yuikĩ: —Na haska ẽ txaniayarã, huĩti meteshei dateyamakãwẽ. Deus ikũwãkĩ eari ikũwãkãwẽ.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 17:1

hanua naiuri teskãshũ uĩkĩ nuku nĩkamakĩ yuikĩ: —Epaã, hanu mĩ ea yubanirã, hanuki. Ẽ mĩ bake mawai merabewakĩ ewẽ mĩ kuxipa hatu uĩmawe, hatu ẽ mia kẽwãmashanunã.

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

Hechos 2:24

Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã.

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

Hechos 3:15

Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.

Hechos 4:10

Haskakenã, matu inũ dasibi Israelbũ mã nĩkaya matu xinãmanũ nĩkakãwẽ. Habias Jesus Cristo Nazaré anua haki sinatakĩ hiki mã hatu mastama mawa Deusũ ana bestẽwaĩma ikũwãkĩ hawẽ kuxipa bestiwẽ na huni dasibibũ mã uĩaĩ nũ shushawaxinaki.

Romanos 10:9

Haskakẽ hawara hawẽ bakekiri hawẽ hãtxa yuishunika Deusũ nuku kenemashuni haratubũra txibãkĩ shabakabi dateama yuikĩ: “Jesus Cristo ẽ Shanẽ Ibuki”, iwanã, haska Jesus mawa Deusũ ana bestẽwani ikũ kayabi waibu hawenabu watã niti akama Deusũ habu matu mekekubaĩshanikiki, hiwekuĩmakinã.

Romanos 4:24

inũ nukukiriri xinãkĩ ashuniki, hatu kenemakinã. Habiatũri nukũ Shanẽ Ibu Jesus bestẽwani ha xinãwẽ nũ ikũwãyã Deusũ hawenabu nuku wamiski.

2 Coríntios 6:15

Habiaskariai Cristo Satanásbe haibunaĩ pepatirumaki. Ikũwaĩbu betsari ikũwãbumari hatube haibunaĩ pepatirumaki.

Efésios 1:15

Haskakẽ nukũ Shanẽ Ibu Jesus mã ikũwaĩ inũ mã dasibi Jesusunabu meribibu mã hawenabu mã nuinameaibu eã haska ẽ matukiri xinaiĩ.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Timóteo 1:1

Ea ẽ Paulorã, Deus nukũ mekenika inũ Jesus Cristo hawẽ yubakaniwẽ nũ hiweshanai nũ manaitũ Jesus Cristõ kuxipaya ea washũ ea yununibuki.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Hebreus 2:9

Nai tsumabu kuxipa keskama Jesus kuxipa beshmas keska wayutã Deusũ hawẽ nui nuku uĩmakĩ Jesus tashnimatã hau dasibibuwẽ taea mawatã bestẽnũ Deusũ yunua haska txibaĩ nuitapatã mawatã binuniwẽ taea natiã Jesus kuxipahaira dasibibu binua hawẽ ibu dapi ma tsauwa nũ unaiĩ.

Hebreus 6:1

Haska tapĩkubaini ewairã, nũ yura ewa keska itirubukiaki. Haska bebũkiri Cristokiri matu yusĩkĩ taewanibu haskakiri nũ ana hawẽtxaĩs txĩtuãbirãbirãkĩ nũ matu yusĩtirumaki. Eska tibikirirã, ikũwãriabuma hatu ikũwãmatikirirã, hawara txakabu betsa betsapa aki hawẽ taea mawa kayabi anu bumisbu hatu putamakĩ yusĩakirirã, haska wakĩ Deus txibãkĩ ikũwãtikirirã,

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.