Efésios 5:18 - Kaxinawá Bíblia (BR) Haska inũ, mã nushuti pae xarabu beya wanirã, hawẽ kemui xinã txãkaĩ pe mekeama mã txakabumisrã, ha henetã natiã Deusũ Yushĩ Pepa bestiwẽ kemukĩ nushukĩ akawakĩ mata wakĩ matũ huĩti benimai xinã txãkãkubaĩkãwẽ. Kashinawa : Diosun Jesúswen taexun yuba bena yiniki Jaska inun, man nuxuti pae shadabu beya wanidan, jawen kemui shinan chankain pe mekeama man chakabumisdan, ja jenetan natian Diosun Yushin Pepa bestiwen kemukin nuxukin akawakin mata wakin matun juinti benimai shinan chankankubainkanwen. |
Nukũ maewã beputi kesha itxa mania tsaubauna ea txitei hãtxamisbuki. Ha inũ, habu paẽtã ekiri kashei kãtamisbuki.
Vinho itxapa atã hawẽ taea patapai huni betsabuki kashemisbuki. Shia paepa atãri detenamei itimaskai txakabumisbuki. Ha dabe aki tsuãra hatũ shinã benutã ana unanepatirubumaki.
“Tsuabũra mã ũpash manuaiburã, ea anu beshũ akãwẽ. Tsuabura mã pei hayamabia bekãwẽ, hawa pakama shekiwã trigo inũ, uva vinho inũ, awa txutxu bi beirã.
Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Matũ beya txibãkĩ matũ kẽtxa tibi bemakis besti datxukĩ mã napã pewamisbuki. Hakia beparamekĩ yumetsui yauxikĩ hamapai txakabu tibi wai matũ xinã mã pewaisbumaki. Fariseubu bekũ keskabuũ, ha dukũ matũ xinã txakabu uke meranua pewakĩ taewakãwẽ, matũ kẽtxa tibi mã bemakisa datxukĩ mã amis keska wakinã. Haskatã mã hiwei pekũkaĩshanaii.
Haskakẽ mã pepamabia matũ bakebu mã duawamis mã unaiĩ. Hamẽ haska binumakĩ Epa Deus nai anuatũ mã tsuabũra yukai nĩkatã hawẽ Yushĩ Pepa matu inãmiski— hatu wanikiaki.
Hakia hawẽ tsuma xinã pema yunubainima xinã txakakĩ yuikĩ: “Ẽ shanẽ ibu yane huamaki. Hatiara hushanikiki”, iki dayanika betsabu huni inũ aĩbu itxakawai nawatxakayamai pãekĩ
Haska tibi kaĩshanaiwẽ taea matũ huĩtinĩ kemu betsa betsapa mekĩ kaneama uĩrashãkãwẽ. Hawara txakabu aki huĩti kuxiyamashãkãwẽ. Eskairã, paẽawẽ inũ hawara matũmebi mã haska xinaĩwẽs besti dabanã iki huĩti nixmayamakubaĩshãkãwẽ. Mã haskai hiweabũ yurabu mai hirabi anu ẽ hatu unãti watanũ ika huaya birũ merã hikitã kebẽmana keskama Deusunabu mã pashashanaii.
yuikĩ: —Nawai taekĩ habu dukũ vinho pepa hatu ama netsui betxãtu bestia benimaibũ ana pe beshmas hatu amamisbuki. Hakia mianã, pepahaira arushũ ikis mĩ hatu tashnimashunaii— aka hatu inãbaunaibũ
Barnabé huni pepa duapa Jesus ikũhairawamis Deusũ Yushĩ Pepatũ kuxipa hayakẽ hawẽ yusĩa nĩkai itxapabu nukũ Shanẽ Ibuki dasikubainibukiaki.
Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.
Hakia hatiri mã eska hayabuwẽ taeshũ ẽ matu yui ikai nĩkakãwẽ. Tsuabura hãtxai: “Ẽ Jesus ikũwaĩ ẽ matũ betsaki”, ibiai haska hiweama txakabui txutanamebauni inũ, mabu tibiwẽ kemui inũ, yushĩ dami betsa bitã kẽwaĩbu inũ, yupukunaĩbu inũ paeĩ heneisbuma inũ, betsa parãtã yumetsumisbu ha haskai beparamemisburã, ana hatubetã piama daĩkubaĩkãwẽ, ana hatube mapuamarã.
Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.
Hamẽ, ha mexu merã keska hiweaburã, ushabu inũ paẽmisbu keskabuki, hawara ishanai unãbuma inũ hatiãri Cristo ana hushanai xinãbumarã.
Mekenika katukinã, eska hiweabu hatu unãkĩ uĩtã akubaĩwẽ. Tsuã hatukiri txakabu yuisma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ bakebu habetã Jesus Cristo ikũwaĩbu hawẽ bakebu hawa metimakĩ hatu uĩmai hatuki ha imaisbuma ha hawẽ bakebu huĩti kuxi sinatapaisbumakẽ mĩ hatu katushũtiruki.