Provérbios 20:1 - Kaxinawá Bíblia (BR)

¹ Vinho itxapa atã hawẽ taea patapai huni betsabuki kashemisbuki. Shia paepa atãri detenamei itimaskai txakabumisbuki. Ha dabe aki tsuãra hatũ shinã benutã ana unanepatirubumaki.

Provérbios 20:1 Referencias Cruzadas

2 Samuel 11:13

habias shabatiã hau habetã piyunũ itã Davĩ pimakĩ Urias paẽhairawa hanua meshu merã Urias Davĩ hiwe anua kaĩkaina hawẽ hiwe anu ana kama hakia Davĩ hiwe hikiti shui dapi shanẽ ibu mekemisbube Urias niti ika ana ushashinaya

Provérbios 31:4

Kukaã, mia yuinũ ea nĩkawe. Uva vinho inũ shia paepa itxapa shanẽ ibubu inũ yununikabũ akubainaiburã, haska pemaki.

Isaías 28:7

Betsabu ikirã, vinhowẽ paeã ni peama keshka keshka iki hanua shia paepa aki hawẽri paẽhairai berame berame iki di imisbuki. Habu hawenabu Deusbe hãtxashunikabu inũ Deusũ hãtxa yuishunikabũ ha shia paepa akawẽ taea ni peama keshka keshka iki inũ vinho aki paeãwẽ taea shinã pe watirubumaki. Nama keskakĩ habũ Deusũ yusiã uĩkĩ nĩkabiatã pe shinãtirubumaki. Paẽtã hatu unãti wakĩ haratu pe inũ haratu txakabumẽ, ishũ hatu unãtirubumaki.

Habacuque 2:5

Huni kenikaburã, hawẽ hatu yunuti kushipa ana hayakatsis ikĩ benamisbuki. Haska kushipawẽ parananãbiai hawa huĩrukuãma benabauni hawẽ yunuti kushipa ana itxapa hayakatsis imisbuki. Mawabu hatu maiwamisbu keska wakĩ ha kẽmisbu hashpashũ hatu shea keska wakĩ yura betsa betsapabu tibi hatu atxitã ibuwanũ ishũ shinãkĩ hawa hatu henetirubumaki.

1 Coríntios 6:10

Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.

Gálatas 5:21

Haska inũ, hawara tsuara betsa haya binũ, iwanã, hawẽ kemuirã, beyuskĩ nushuti paepa aki paeinã, pikehaira bestinũ ika yushĩ betsa kẽwaĩ nawakĩ hamapai txakabu betsa betsapa wamisbu hanu Jesus huaitiã ha yura haskabu habe buama ishãkanikiki. Haskakẽ bebũkiri bari betsatiã ẽ matu yusĩkĩ yuima: “Hamapai txakabu betsa betsapa akaibu dũkekubaĩkãwẽ”, iwanã, habiaskari ẽ ana matu yunuaii.

Efésios 5:18

Haska inũ, mã nushuti pae xarabu beya wanirã, hawẽ kemui xinã txãkaĩ pe mekeama mã txakabumisrã, ha henetã natiã Deusũ Yushĩ Pepa bestiwẽ kemukĩ nushukĩ akawakĩ mata wakĩ matũ huĩti benimai xinã txãkãkubaĩkãwẽ.