Isaías 55:1 - Kaxinawá Bíblia (BR)

¹ “Tsuabũra mã ũpash manuaiburã, ea anu beshũ akãwẽ. Tsuabura mã pei hayamabia bekãwẽ, hawa pakama shekiwã trigo inũ, uva vinho inũ, awa txutxu bi beirã.

Isaías 55:1 Referencias Cruzadas

Salmos 63:1

Ẽ Deusuũ, mĩ ẽ Deuski! Mia ũpash manuai keska wakĩ miki nukunũ ika ẽ mia bena txakayamaii. Ha mai metu ũpash hayama anua nia keskashũ ũpash manutxakayamai keskakĩ ẽ hiwea hirabiwẽ mia betxipaikĩ ẽ mia benakubainaii.

Provérbios 8:4

“Hunibuũ, matu inũ matũ bakebu anu ẽ matu hãtxa waii.

Provérbios 9:1

Unanepã hawẽ hiwe wakĩ 7 txibu hawẽrua nitxĩkĩ kushipa watã

Provérbios 9:5

Piti ẽ matu pewashũshu inũ vinho pepa ẽ matu pewashũshu pikĩ neshui bekãwẽ.

Isaías 1:19

Shinã betsatã mã ea nĩkakubainaibunã, ha mai anua mibã pepahaira beneai haya mã pikubaĩshanaii.

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Isaías 52:3

ana Senhor Deusũ hatu yuikĩ: “Matu escravo tsuma wakubaĩkĩ hawa pei hesheishta matuwẽ taeshũ ẽ biama iniki. Hanua natiã eã matu pekakinã, haburi ẽ hawa pei hesheishta ẽ hatu inãmari inãshanaii.

Joel 3:18

Ha shaba haskaitianã, ui ikaya mati anua hene hababirãmis keskai uva vinho inũ ina awa txutxu itxapa hamẽ ikai mã hayashanaii. Judá enabũ mai pakea anua pashku tibi ũpash mirimahaira hayariashanikiki. Ha inũ, ẽ kẽwãti Templo anua txatxa ũpash tuetã pashku Sitim napaku anu habapakeshanikiki, mai dasibi pepa metxa wakinã.

Mateus 10:8

Haska wakĩ isĩ teneaibu shushawakĩ mawabu bestẽwãkĩ yuraki txaminibu kayawakĩ yushĩ txakabu hayabu kaĩmakĩ akubaũtãkãwẽ. Na kuxipa hawa pakama mã bishuwẽ taea habiaskari wakĩ habias kuxipawẽ hatu merabewakĩ hawẽ hatũ hamapai hatu yukayamakubaũtãkãwẽ.

Mateus 13:44

ana miyui betsawẽ nuku yuikĩ: —Tsuãra huni betsã bai anu pei mirima arukĩ maiwani hune benamabia huni betsã pukĩshũ betxitã ibu wakatsi ikĩ hawaira ana habianuri atximatã benimahairakĩ pei hune bikatsis ikĩ hawẽ mabu dasibi peiwẽ taeshũ hatu inã keyutã hune yumetsukatsi ikama hawaira bai ibu anu kashũ hawẽ peiwẽ bai ibu watã ha pei maiwanibu bitiruki. Deus shanẽ ibuirã, pei mirima arunibu hunea keskaki.

Mateus 26:29

—Ikũ ẽ matu yuiaii. Ẽ Epa Deusbe shanẽ ibui ẽ ana huriama na uva vinho ẽ ana matubetã ayuama ishanaii. Abaũkãwẽ— nuku waya

Mateus 5:6

—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

Hechos 8:20

hanushũ Pedrõ kemakĩ: —Deusũ kuxipa inãkuĩki. Peiwẽ taeshũ mĩ bikatsis ikaiwẽ taea mĩ peiya hanu txiwẽ ikũwãbuma Deusũ hatu kupishanai anu mĩ katiruki.

Romanos 3:24

Deus nũ hawa washũkĩ daewatirumabiakẽ Deus duapatũ hawẽ pepa hatu uĩmakĩ hawẽ bake hawa yauxiama hamẽ inãkuĩkĩ Deusũ Cristo hatu nuku tenãmashũkĩ hawẽ himi habawanirã, Jesus Cristõ nukũ kupiti biniwẽ taeshũ tsuabũra mã Cristo ikũwaĩ hawẽ nukũ txakabu buati waniki. Haska xinãkĩ tsuabũra nukũ txakabu nũ buamakatsis iki haki txaniaya txanima Deus pepa kaneismatũ nuku unãmakĩ nũ hawẽ bake ikũwaĩwẽ taeshũ besti nukũ txakabu buashũtiruki. Cristo mawakĩ nukũ txakabu besti nukuna buashunama hakia uatiã hiweshũ ikũwãniburi hatũ txakabu hatu buashũrianiki.

1 Coríntios 3:2

Bakeixta pimakĩ piti kuxi memayuama txutxu dukũ hatu beyawamamisbu keska wakĩ matu tapĩmakĩ unãshubira nũ matu yusĩkubainiki. Haska wakinã, haskarawẽ taeshũ nũ matu animẽ? Mã hawa nami kuxi pia unãriama keskabuki. Na habiatianã, mã habiaskaski, hawa piti kuxi pitirubuma keskaburã.

1 Pedro 2:2

Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.

Apocalipse 22:1

Hanushũ shanẽ ibu haki tsauti Deus inũ txashuwã bake haki tsauwabu anua hene hiwekuĩa haya kawana beshnã pehaira bishtu keska nai tsumã ea uĩmashuki.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.

Apocalipse 3:18

Hamẽ tsuabura mã pepakatsis ikaibu matu yusĩnũ nĩkakãwẽ. Dasibi pepa has mã hayakatsis ikairã, ouro txiwẽ kuakĩ has wa mã bikatsis imis keskakĩ ẽ yusĩa kayatapia ea anua bikãwẽ, hawẽ kemutapatirã. Ha inũ, matũ yura mã hawẽ dakeai hunenũ ishũ tari sawea keskakĩ matũ txakabu ea buamanũ ishũ tari hushupa ea anua bia keska wakĩ matũ txakabu henetã ea txibãkubaĩkãwẽ. Ha inũ, uĩ pewanũ ika beru daũwẽ ika keskakĩ ẽ yusĩawẽ matu kaya watiru ea anua biriakãwẽ.

Rute 4:1

haskashini txipu Boaz Belém kenekĩ kebẽbaunibu anu hawẽ hikiti shui dapi hanu hunibu itxamisbu anu hikitã tsaua ha hunikiri Rute Boazĩ yuishinai Rutẽ benẽ enabi kayabi hikikiranai Boazĩ betxitã kenakĩ: —Haibũ, huyuwe. Ẽ mibe hãtxa hayaki. Nenu tsauyunuwe— aka hui habe tsauaya