Isaías 55:2 - Kaxinawá Bíblia (BR)

² Haskai mã hamẽ pei inananãmismẽ, pitimabiakẽ hamẽ putakinã? Haskakĩ matũ daya pei mã hatu inãmismẽ, hawa matu merabewakĩ shinã txãkãwatirumabiakenã? Ea nĩka pewakubaĩkĩ mã piti pepa pishanaii, hawara piti kemutapa mã betxipaiai pikinã.

Isaías 55:2 Referencias Cruzadas

Salmos 22:26

Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.

Salmos 34:11

Senhor Deus duawatikiri matu yusinũ, ẽ bakebuũ, nenu beshũ ea nĩkai bekãwẽ.

Salmos 63:5

Piti itxapa hawẽrua watã pi benimai shinã txãkaĩ pepemisbu keskakĩ ẽ huiwẽ benimakĩ ẽ mia kẽwãkubainaii.

Êxodo 15:26

Hanushũ Senhor Deusũ hatu yubakĩ yuikĩ: “Haska ẽ matu yunuai besti ea benimawakĩ ẽ yunuti akubaĩkĩ ẽ nemati nĩka pewakubaĩkĩ ẽ hãtxa dasibi mã nĩkakubainaibũ Egito nawabu ẽ hatu yumãwãshina keska wakĩ ẽ matu kupiama ishanaii. Hamẽ mã ea nĩkamahairakẽ ẽ matu kupishanaii. Earã, ẽ Senhor Deuski, matũ shusha wanikarã, ẽ ea bestiki.”

Provérbios 1:33

Hakia habũ ẽ yusiã nĩka pewakubainaibu unanuma hiwekubaĩshãkanikiki, hawara txakabu mese huaya dateamarã”, anikiaki.

Provérbios 7:23

pia kuĩwẽ tsakakĩ pishtxakash amisbu keska inũ peiyabu hui hisĩ txaipa biruãbuki hikimisbu keskairã, ha berunãtũ aĩbu hininipa txibaĩ mawai kaikiki, hawa unãmarã.

Provérbios 8:32

Ea unanepa ẽ matũ epa keskaki. Natiã ea nĩkairakãwẽ. Ẽ akubaĩmis ea txibaĩ mã benimakũkaĩshanaii.

Provérbios 9:5

Piti ẽ matu pewashũshu inũ vinho pepa ẽ matu pewashũshu pikĩ neshui bekãwẽ.

Isaías 1:19

Shinã betsatã mã ea nĩkakubainaibunã, ha mai anua mibã pepahaira beneai haya mã pikubaĩshanaii.

Isaías 44:20

Txanimahaira txi mapu pia keska wamisbuki, hatũ shinã txakabũ hatu parãhaira pepa haska henetã txibainã. Ha huniburã hatũ txakabuwẽ taea haskatã pashatirumahairaki. Hawara hunĩ dami watã hawẽ mekẽnẽ tsumatã hawẽ shinã pemawẽ taea hawa shinã pewama ha dami hatu uĩmairã, ha huni txanitxaka bestikanikiki.

Isaías 46:6

Huni betsabũ hatũ ouro pei inũ hatũ prata pei itxapa itxawatã tanakĩ hawẽ shakama balançaki unãtã hatũ yushĩ deus wakatsi tsuãra mane mabu wamistũ hau dami washunũ yunutã pakamisbuki, ha yushĩ dami bitã ha bebũ beti ishũ duawakatsirã.

Isaías 65:23

Ana hamẽmẽs besti dayama ishãkanikiki. Hatũ bakebu mesteburiama inũ yushaburiama ana mawama ishãkanikiki. Hatũ ibubu inũ, hatũ bakebu inũ, hatũ bababu inũ, dasibi hatunabu pakubainaibu habiaskasri hiwepakeshãkanikiki, eã ẽ hatu duawakubainaiwẽ taearã.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

Jeremias 31:14

Hawenabu Deusbe hãtxashunikabũ piti pepa pikubaĩshãkanikiki. Ẽ hatu duawaya piti hamẽ ikai enabũ yaniwakubaĩshãkanikiki. Ea ẽ Senhor Deusũ ẽ hãtxawẽ ẽ matu mestẽwaiĩ”, iwanã,

Habacuque 2:13

Hamẽ daya txakayamai hĩ hĩ ikĩ matũ maewã mã beninirã, Senhor Deus kushipahaira dasibi binu keyuatũ txiwẽ menu keyukĩ matu yamawãshanikiki.

Mateus 15:9

Ha inũ, itxatã hawa ea kẽwãkĩ pewaisbumaki. Hakia hunibũ yunuawẽ besti hatu yusĩkubaĩmisbuki’, aka hawẽ hãtxa yuishunika Isaíasĩ nĩkatã nuku keneshuniki— hatu atã

Mateus 22:4

ana hawẽ tsuma betsabu yunukĩ: “Ẽ hatu ikatsis ikairã, eska ea yuishũtãkãwẽ: ‘Nukũ tsumapã ina awa inũ hawẽ yuinaka ina tibi shuarãwã deteshũ ma matu bawakĩ shui pewashunabuki. Haskakẽ hawẽ bakebe nawai bekãwẽ’, ea hatu washũtãkãwẽ”, hatu wa bui hatuki txanikubaũbiabu

Mateus 5:6

—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

Marcos 7:14

ana Jesusũ yurã kaiã kenashũ hatu yuikĩ: —Mã pabĩkiyabuki. Matu yusĩnũ nĩkakĩ peirawakãwẽ. Piti tibi yurabũ piabu hawa hatu hawẽ txakabuwaismaki. Hakia yurabũ huĩti meranua besti hawara txakabu tashnikĩ Deus hatu danãmamiski, yurabuki sinatamakinã— hatu watã

Lucas 15:23

“Na ẽ bake mawaima keska ma ana besteã keskaki. Benuima nũ ma haki nukuawẽ taeshũ ina awa bake shuahaira bitãshũ teshteshũ ha naiti piti itxapari bawakãwẽ, pi nũ habe benimanũbunã”, hatu wa hawẽ hãtxa nĩkai habe benimahairai nawai taeaibũ

João 6:27

Haskai piti txapumiswẽ besti kemui mã mapua ikanai? Hakia ẽ Epa Deusũ ea kuxipa waniwẽ taeshũ hawẽ kuxipa ẽ matu inãshanai ha bestiwẽ kemui mapukãwẽ, hawẽ hiwekuĩ ikibi itirã. Haskawẽ taeshũ habia hawẽ unãmati wakĩ Epa Deusũ ea matũ Hutxi Kayabi Iuwa ea waniki, yunukinã— hatu wa

Romanos 10:17

Haskakiri Deusũ hãtxa yusĩmisbũ Jesus Cristokiri kakape yusĩkubainaibu besti hãtxa pepa hawẽrua nĩka pewatã yurabũ Cristo txibãkĩ ikũwãtirubuki, hatũ hãtxawenã.

Romanos 9:31

Hamẽ Israelbu ikirã, habu Deusũ yunuti inũ hawẽ nemati Moisés hawenabu yununiwẽ hatũ txakabu hatu buashũtã pewatirubu dabanẽ haska xinãkĩ Jesus Cristo ikũwãbumawẽ taeshũ Deusũ hatũ txakabu buashũtirumaki.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.