Isaías 55:3 - Kaxinawá Bíblia (BR)

³ Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Isaías 55:3 Referencias Cruzadas

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

2 Samuel 7:29

Mĩ tsuma mĩ duawashanai hakiri shinaĩrawe. Miki txiti ikaibu mĩ hatu kesheshũ duawaya hau hiwepakeshanũbũwẽ. Senhor Deusuũ, mĩ ma ea yubashuki, mĩ hatu pepa waya enabu shanẽ ibui hau benimai pepakubaĩshanũbũwẽ, heneamarã”, anikiaki.

Êxodo 15:26

Hanushũ Senhor Deusũ hatu yubakĩ yuikĩ: “Haska ẽ matu yunuai besti ea benimawakĩ ẽ yunuti akubaĩkĩ ẽ nemati nĩka pewakubaĩkĩ ẽ hãtxa dasibi mã nĩkakubainaibũ Egito nawabu ẽ hatu yumãwãshina keska wakĩ ẽ matu kupiama ishanaii. Hamẽ mã ea nĩkamahairakẽ ẽ matu kupishanaii. Earã, ẽ Senhor Deuski, matũ shusha wanikarã, ẽ ea bestiki.”

Provérbios 4:20

Epaã, mĩ ẽ bakewẽ taeshũ pes shũ ẽ yusiã ana nĩkakĩ pehaira wawe.

Provérbios 7:2

Haska mĩ beru yaushikĩ mĩ pe mekemis keska wakĩ ẽ yunuti hãtxa inũ ẽ yusĩti hãtxa mĩ mekẽ anu dispiwẽ nea keska wakĩ mĩ shinã uke merã netã pewatã shinãkubaini mĩ pe hiwetiruki.

Isaías 54:10

Mati matipa ibubis maebiai inũ mawa matekei niri ibiaya hakia ẽ nui ikibi ika miwẽ taearã, hawa betsai maetiruma inũ ẽ yubakani hawẽ unanuma hiwemati hawa betsa wakĩ ẽ maewatirumariki’ ”, iki Senhor Deus miwẽ nui hãtxaikiki.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Jeremias 38:20

Jeremiasĩ kemakĩ yuikĩ: —Haskamaki. Caldéia nawabũ mia hatu yunuabumaki. Senhor Deusũ hãtxa ẽ dama mia banabimashu ha besti nĩkakĩ txibãwẽ. Haskatã pe hiwekaini mĩ hawa mawama ishanaii.

Amós 5:4

Senhor Deusũ Israelĩ enabu ana yuikĩ: “Betelrã, txakabuwakĩ yamawakĩ di ashiãbu manishanikiki. Gilgal anu hiweabu tsuã hatu merabewama txaihaira hatu iyushãkanikiki. Haskawẽ taea Betel anu matũ yushibu kẽwaĩ buama inũ Gilgal anu ana hari buamari inũ, Berseba anu ana hari mapuyamashãkãwẽ. Hakia ea benakĩ ẽ hãtxa nĩkai eki dasitã haskai ebe hiwekubaĩshãkanikiki”, akĩ ea yuishinaki.

Amós 5:6

Mã hiwekũkaĩkatsis ikairã, Senhor Deus anu txĩtũtã hawẽ hãtxa txibãkĩ ea akubaĩkãwẽ. Hakia mã haska wamakẽ betsatiã txi kushipahaira keska Senhor Deusũ matu anu yunushanikiki, mã Israel hiwebaunabu anurã. Ha inũ, Betel anua ha txi ketikainai tsuã nuka watiruma ishanikiki.

Mateus 11:28

Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Mateus 13:16

—Na haska yuinirã, mã matũ akaii, matũ beruwẽ uĩkĩ inũ matũ pabĩkiwẽ nĩkai natiã mã benimairã. Txanima nukũ shenipabu Deusũ hãtxa yuishunikabu inũ yurabu pepabũ ea uĩpaibiakĩ ea uĩyama inibuki. Ha inũ, na mã ea uĩyaĩnã, ea uĩkatsi ibiakĩ ea uĩyama inibuki. Ha inũ, habias mã nĩkairã, ea nĩkapaibiakĩ ea nĩkamari inibuki— akĩ

Mateus 17:5

akaya hanushũ nai kuĩ hushu mayabirãkĩ hatu atxiaya nai kuĩ anushũ hui tashnikĩ hatu yuikĩ: —Na ẽ bake ẽ Katunirã, ẽ abuhairaii. Hawẽ ẽ benimahairaii. Nĩkairakubaĩkãwẽ— hatu wa

João 10:27

Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

João 6:37

Hakia ea yununitũ xinãnẽ aki ẽ huniki, emebi ẽ xinãnẽ aki huamarã. Haskakẽ tsuabura katushũ Epa Deusũ ea anu hatu peshukĩ ekiri yunua ikũwãkĩ ea haibuwakubaĩshãkanikiki. Ha inũ, ea ikũwaĩbu ẽ hatu danãtaskama ishanaii.

João 7:37

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

João 8:47

Haska inũ, Deusunabũ Deusũ hãtxa nĩkamisbuki. Hakia mã Deusunabumawẽ taeshũ mã nĩkakatsi ikabumaki— hatu waya

Hechos 13:34

Deusũ ma bebũkiri yui txaniniwẽ taeshũ hawẽ yura txaputimawakĩ ana bestẽwaniki. Haska bebũkiri hawẽ hãtxawẽ pewakĩ yuikĩ: “Hawa kaneama Davi ẽ yubani keska txanima ẽ matu washanaii”.

Romanos 10:5

Hakia haska Deusũ yunuti inũ hawẽ nemati txibaĩ pepawẽ hiwetirubukiri Moisés yusĩkĩ: “Tsuabũra hawara Deusũ yusĩni txibãkubaĩkĩ kaneama Deus benimawai hawẽ yusĩawẽ taea hiweshãkanikiki”, iwanã, hatu keneshuniki.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.