1 Coríntios 5:11 - Kaxinawá Bíblia (BR)

¹¹ Hakia hatiri mã eska hayabuwẽ taeshũ ẽ matu yui ikai nĩkakãwẽ. Tsuabura hãtxai: “Ẽ Jesus ikũwaĩ ẽ matũ betsaki”, ibiai haska hiweama txakabui txutanamebauni inũ, mabu tibiwẽ kemui inũ, yushĩ dami betsa bitã kẽwaĩbu inũ, yupukunaĩbu inũ paeĩ heneisbuma inũ, betsa parãtã yumetsumisbu ha haskai beparamemisburã, ana hatubetã piama daĩkubaĩkãwẽ, ana hatube mapuamarã.

Kashinawa : Diosun Jesúswen taexun yuba bena yiniki

¹¹ Jakia jatidi man eska jayabuwen taexun en matu yui ikai ninkakanwen. Tsuabuda janchai: “En Jesús ikunwain en matun betsaki”, ibiai jaska jiweama chakabui chutanamebauni inun mabu tibiwen kemui inun yushin dami betsa bitan kenwainbu inun yupukunainbu inun paein jeneisbuma inun betsa padantan yumetsumisbu ja jaskai bepadamemisbudan, ana jatubetan piama dainkubainkanwen, ana jatube mapuamadan.

1 Coríntios 5:11 Referencias Cruzadas

Mateus 18:17

Hanushũ hatũ hãtxari nĩkamakẽ matũ itxati hiwe anu iyushũ haturi banabimariawe. Hanushũ habũ pewakĩ yusĩaburi binu keyukĩ nĩkamakẽ haskawẽ taeshũ ikũwãbuma inũ governo pei bishunika txakabuwẽ meseisma keska wakĩ hatu danãkubaĩshãkãwẽ.

Mateus 23:25

Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Matũ beya txibãkĩ matũ kẽtxa tibi bemakis besti datxukĩ mã napã pewamisbuki. Hakia beparamekĩ yumetsui yauxikĩ hamapai txakabu tibi wai matũ xinã mã pewaisbumaki. Fariseubu bekũ keskabuũ, ha dukũ matũ xinã txakabu uke meranua pewakĩ taewakãwẽ, matũ kẽtxa tibi mã bemakisa datxukĩ mã amis keska wakinã. Haskatã mã hiwei pekũkaĩshanaii.

Lucas 18:11

Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.

Lucas 21:34

Haska tibi kaĩshanaiwẽ taea matũ huĩtinĩ kemu betsa betsapa mekĩ kaneama uĩrashãkãwẽ. Hawara txakabu aki huĩti kuxiyamashãkãwẽ. Eskairã, paẽawẽ inũ hawara matũmebi mã haska xinaĩwẽs besti dabanã iki huĩti nixmayamakubaĩshãkãwẽ. Mã haskai hiweabũ yurabu mai hirabi anu ẽ hatu unãti watanũ ika huaya birũ merã hikitã kebẽmana keskama Deusunabu mã pashashanaii.

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 9:17

nĩkabaini Ananias kai hanu Saulo ika anu hikikaĩ mamepitã yuikĩ: —Sauloõ, Jesus ikũwaĩ ma mĩ nukũ betsaki. Mĩ bai tanabiranai habias Shanẽ Ibu Jesus miki nukuxinatũ hau mĩ beru mĩ ana uĩ pewanũ inũ hawẽ Yushĩ Pepatũ hau mia atxitã kuxipa wanũ mia anu Jesusũ ea yunushuki— akaya

Romanos 13:13

Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.

Romanos 16:17

Ẽ betsabu inũ ẽ puibuũ, haskaibu mã uĩnũbũ ẽ matu yunuaii. Yusĩnã betsabũ habũ matu parãkĩ nũ haska matu yusĩmis betsa wakĩ matu xinã betsamakĩ matu pashkatirubuki. Uĩrakãwẽ. Haska nũ matu yusĩa mã nĩkamis keskamakẽ hatu danãkĩ hatũ yusĩa ana nĩkama ana hatube itxayamakubaĩkãwẽ.

1 Coríntios 10:14

Ẽ betsabu inũ ẽ puibuũ, Deusũ haskawẽ matu mekekatsis ikaiwẽ taea yushĩ dami betsa txakabukẽ kẽwaĩ ana hari buyamakãwẽ, mã ma Cristo hayarã.

1 Coríntios 6:10

Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

1 Coríntios 7:12

Haska tibi mã aĩyã inũ beneya mã hiweabu matu xinãkĩ haska nukũ Shanẽ Ibũ yunuama ibianikẽ haska matu tibikiri eã xinãkĩ ẽ matu yunuai ea nĩkakãwẽ. Jesus ikũwãriama betsa aĩyãbu inũ betsa beneyabukiri eska hiwekãwẽ. Mĩ aĩnẽ ikũwãmabia mibe hiweshũ mia merabewakatsi ikairã, nitxĩkĩ heneyamakãwẽ.

1 Coríntios 7:15

Aĩbuaibuũ, mĩ benewẽ mĩ nuibiaya mia henekatsis ikairã, haska watã mĩ pashamatirurã, tsuã unãmaki. Hunibuũ, mĩ aĩnẽ mia henebaĩkatsis ikaya mĩ hawẽ nuikĩ haska watã mĩ pashamatirurã, tsuã unãmariki. Haskawẽ taeshũ hunĩ ikũwãyã hawẽ aĩnẽ habetã ikũwãkatsi ikama hamapai xaranũ ika kayarã, hunĩ hawa yuiamakẽ hau aĩbu kanũwẽ. Habiaskariai aĩbũ ikũwãyã hawẽ benẽri habetã ikũwãkatsi ikama hamapai xaranũ ika kayarã, aĩbũ hawa yuiamakẽ hau huni kanũwẽ. Ikũwãma ma haskakaĩkẽ Deusũ matu nemamabia ha mã ikũwaĩwẽ taeshũ matu unãnuma hiwemakatsis ikikiki.

1 Coríntios 8:11

Haskakẽ matunã, matũ xinãwẽ besti unãnepabiakĩ yushĩ dami betsa hawẽ kẽwãti nami pikĩ ikũwaĩ huĩti shubu haburi Jesus Cristo hatu mawashũbianikẽ mã hatu benutiruki.

Gálatas 2:12

Ha dukũ Pedro kashũ judeubũ beya unãbiakĩ Tiagõ haibuaibu beriabumakẽ Jesus ikũwaĩbu judeubumabetã pikubainaya habũ judeubũ beya txibãkĩ henekatsi isbuma Jerusalém anua bei ma hikiabũ hatuki mesekĩ hau hakiri txakabu xinãyamanũbũ hatu beparani ana ikũwaĩbu judeubumabetã Pedrõ piama hatu heneyuniki.

Efésios 5:18

Haska inũ, mã nushuti pae xarabu beya wanirã, hawẽ kemui xinã txãkaĩ pe mekeama mã txakabumisrã, ha henetã natiã Deusũ Yushĩ Pepa bestiwẽ kemukĩ nushukĩ akawakĩ mata wakĩ matũ huĩti benimai xinã txãkãkubaĩkãwẽ.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

2 Tesalonicenses 3:14

Ha inũ, nukũ hãtxa nũ matu bumai hatiribũ nĩkakĩ tapĩkatsi ikama hatũ txakabu unaĩ hau dakenũbũ ana hatube mapuyamakubaĩkãwẽ.

2 Tesalonicenses 3:6

Ẽ betsabu inũ ẽ puibuũ, nukũ Shanẽ Ibu Jesus Cristõ nuku yunumiswẽ taeshũ nũ maturi yunuai, nĩkakãwẽ. “Nukubetã Jesus ikũwãkatsi ibiai tsuara nũ yusĩaĩ txibãma inũ beya bena nũ matu yusĩma danãkĩ akabumarã, ana hatukiri xinãyamakubaĩkãwẽ”, hatu dakewakinã.

1 Timóteo 3:3

Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

1 Timóteo 6:5

yura betsa betsapabube hatũ yusĩa hãtxa kayabi unãbumabe kemanamei heneisma inũ haska ikũwãkĩ yusĩaĩwẽ taeshũ pei itxapa bitikiri xinãkanikiki. Hatu uĩrakubaĩwẽ.

2 João 1:10

Ẽ matu yuiai keskabu Jesusũ hãtxa kayabi matu pe yusĩabuma habũ matu yusĩnũ ika buaiburã, habe hãtxanameama inũ matũ hiwe anu hatu ikĩ mapemayamashãkãwẽ.

Apocalipse 2:14

Mã haskabia kanei eska tibi matu anu hayabu matu yuinũ nĩkakãwẽ. Ha mã habube itxabiamis hatiribũ Balaãonẽ yusĩni putabumaki. Israelbu hau Deuskiri txakabushanũbũ Balaãonẽ nawa shanẽ ibu Balaque yusĩtxakakĩ yuikĩ: Hatu beyusmakĩ yushĩ dami kẽwãti betsa nami inãxinabu hatu pimashãwẽ, ani inũ matũ bake txipaxbe hatu txutanamemati hatu xinãmashãwẽ, ani haska heneabumaki.

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.