Apocalipse 5:6 - Kaxinawá Bíblia (BR) hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki. Kashinawa : Diosun Jesúswen taexun yuba bena yiniki januxun Dios tsaua nashui ika namakis ja jiweabu dabe inun dabe mapubaunabu inun jabianudi ja 24 mekenikabu tsaubaunabu anu ja namakis nashui ika chaxuwan bake jawen yuda chachinibu mawa keska nia 7 maxunyan inun 7 beduya en uinxuki. Chaxuwan bake jawen 7 bedudan, ja jawen yushinwen mai jidabi anu Diosun jatu yusinmakubainaidan, jaska en uinxuki. |
“Yura shukuabu itxapa teke teke akĩ shemekĩ mã hatu akawashanũbũ ina awa bene kushipa mane ferro mashũ inũ mane bronze hũtsisya keska wakĩ pubẽ wãkĩ eã ẽ matu mesewashanaii”, akĩ “Senhor Deusũ matu yuiaiwẽ taeshũ Sião anu hiweabuũ, benitã hatuki pai pai ishãkãwẽ. Hatu itxakawakĩ hatu detetã mane ouro inũ mane prata inũ mabu pepa itxawanibu hatu anua mebĩkĩ keyutã, ẽ ea mai hirabi shanẽ ibu mã ea meribi wakubaĩshanaii”, itã
Hawẽ mekẽ anua bĩ txasha txasha wabirani dasibi hawẽ yura txashai keyukirani nukũ Deus huikiki, hawẽ kushipahaira ibubis hunemis shabakabi hatu uĩmabiranirã.
Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.
Jesus kawanai uĩkĩ nuku yuikĩ: —Uĩkãwẽ. Hatũ Deus sinatai daewanikaki, txashuwã bake menumisbu keskarã— nuku wa
habias kene yuishu Etíopianawã ana Filipe yuishũkĩ yuikĩ: ‘Txashuwã detenikatũ detenũ, iwanã, iyumis keska wakĩ tsuã nemama iniki. Ha inũ, txashuwã bake dani dameshteabu txashuwã hawã ikama pesmis keskai hawa yuiama iniki.
Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.
Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.
ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.
Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.
txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã
Ha inũ, Deusũ maewã bena hirabi anushũ Epa Deus Shanẽ Ibu binu keyua inũ hawẽ bake txashuwã habu kẽwãkubaĩmisbuwẽ taea hawẽ kẽwãti hiwe hayama ẽ uĩshuki.
Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.
Hanushũ shanẽ ibu haki tsauti Deus inũ txashuwã bake haki tsauwabu anua hene hiwekuĩa haya kawana beshnã pehaira bishtu keska nai tsumã ea uĩmashuki.
Ha inũ, Deusũ mae anu hawa yupukunãti hayamaki. Ha inũ, shanẽ ibu haki tsauti anua Deus inũ hawẽ bake txashuwã bake tsauwabũ ha mae merãshũ Deusunabũ habũ hatu kẽwãkubaĩshãkanikiki.
hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ
hanushũ ana uĩkĩ ẽ nĩkaya ha hiweabu inũ ha mekenikabu inũ nai tsuma mirimahaira Deus shanẽ ibu haki tsauti dapi manibaunabũ
hãtxa kuxipawẽ habũ yuikĩ: “Txashuwã bake deteabu ana bestẽni pepa kayabirã, hatũ besti bitiruki, kuxiparã, pepa tibirã, unãnepahairarã, shanẽ ibu kuxiparã. Duawai xinã txãkaĩ benimawakĩ nũ ha kẽwaiĩ”, ikaibũ
hanushũ ana ẽ nĩkaya ha dasibi Deusũ damiwakĩ hatu hiwemani nai anushũ inũ, mai anushũ, inũ mawabu yushĩ bumisbu anushũ, inũ iãnẽwã anushũri habũ kẽwãriakĩ yuikĩ: “Ha Shanẽ Ibu haki tsauti anu tsauwa inũ txashuwã bake hatu duawakĩ xinã txãkãwãkĩ hawẽ benimawatiwẽ hau shanẽ ibuhaira wakubainũbũwẽ, niti ikamarã”, ikaibũ
ha hiweabu dabe inũ dabebũ habiaskari xinãkĩ kemakĩ: “Habiaskaki”, iriaibũ ha 24 mekenikabu dãti iki beti itã kẽwãriaibũ
haki hunenũ ishũ mati inũ mixkipãwãbu yuikĩ: “Hanu kupi ma hua tsuã nematirumaki. Epa Deus hawẽ shanẽ ibũ tsautiki tsauwa inũ hawẽ bake txashuwã bake nukuki sinataiwẽ taea nuku hunei nukuki di irikãwẽ.
Naiuria kana tũ ikaĩkainai hatuki yunua tsuabura haki sinataibu Senhor Deusũ hatu yamawakubaĩmiski, mishki ture ture aka keska wakinã. Shanẽ ibu katushũ kushipa inãni ana hawẽ kushipa binumatã Senhor Deusũ mai hirabi anu hiwebaunabu hawẽ unãti watã kupikĩ keyushanikiki”, ishĩkẽ