Apocalipse 4:8 - Kaxinawá Bíblia (BR)

⁸ hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ

Kashinawa : Diosun Jesúswen taexun yuba bena yiniki

⁸ jatibu 6 punyan peiya jabun yuda jidabi jawen bedunati chaxa dakabun badidi inun meshu medan Dios kenwankin jabun jeneisbuman yuikin: “Min pepajaidaki. Min dasibi kushipa binuaki. Mai jayadiama nukun Xanen Ibu Dios dasibi kushipajaida jiwea jaya inun, natian jiwekunkainai inun, ana min butuxanai nun unaiin”, ikin

Apocalipse 4:8 Referencias Cruzadas

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Salmos 91:1

Tsuara Deus dasibi kushipa binuatũ hatu meke pewashũ utawa pe hiwemisbũ

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Êxodo 3:14

Deusũ ana yuikĩ: —Earã, Ẽmebi Ẽ Hiwearã, Ẽ Eaki. Hari Israelbu mĩ hatu yuitiruki: “Hamebi Hiweatũ matu anu ea yunushinaki”, akinã— iwanã,

Ezequiel 1:5

ha namakis uke meranua huni kuĩ itsa dabe inũ dabe hiweabu ẽ uĩyamaki.

Ezequiel 1:6

Habu tibirã, hatũ bushka anu dabe inũ dabe besuya inũ dabe inũ dabe pei hayabuki.

Joel 1:15

Ma pemahaira huaya nũ peirakãwã! Senhor Deusũ hanu kupishanai ma kemaikiki. Shaba mesehairatiã nuku dasibibu unãti wakĩ kushipa dasibi binu keyuatũ hawẽ kupitiwẽ yamawabaũshanikiki.

Hechos 20:31

Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.

2 Coríntios 6:18

matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Timóteo 4:16

Mimebi pe mekekĩ uĩrawe, haska betsabu mĩ hatu yusĩakirirã. Dasibi xinã pe bestiwai txĩtũyamakũkaĩwẽ. Mĩ haskakũkainaya mia inũ mĩ hãtxa habũ nĩkaibu hatube Deusũ pewẽ mia manakushanikiki, hiwe kayabimakinã.

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Apocalipse 11:17

yuikĩ: “Yavé Deusuũ, mĩ pehairaki. Mai hayariama mĩ hiwenirã, natiã betsama habias mĩ hiweaki. Shanẽ ibu betsa yamawatã mĩ kuxipa mĩ hayakũkaĩmiswẽ yura dasibibu mekei mia besti mĩ ma shanẽ ibui taeaii. Mia besti kuxipa dasibi binu keyua mĩ pepa nũ mia kẽwaiĩ.

Apocalipse 14:11

Ha inũ, tsuabũra yuinaka mese atimapa kẽwãkĩ hawẽ dami kẽwãriaibu hawenabu wakĩ hawẽ hatu unãti wai hatu nemama hatũ kena hatu netãmamisbu bariri inũ mexu merã heneama ha kuĩwẽ txi nukaismawẽ dunua nuyai bari tibi hawa huĩrukuãma isĩ tenetxakayamakubaĩshãkanikiki”, ikainaya

Apocalipse 14:3

nawati bena nawaibu ẽ nĩkashuki. Deus shanẽ ibu haki tsauti besuuri inũ ha hiweabu dabe inũ dabebũ besuuri inũ, ha 24 mekenikabũ besuuri hawẽ nawati benawẽ ha 144.000 habu ha yurabu anua katukĩ Deusũ hawenabu hatu wani nawaibu uĩkĩ ẽ nĩkashurã, habũ besti ha nawati bena unãkanikiki, tsua betsã ha tapĩtirubumarã.

Apocalipse 15:3

Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

Apocalipse 15:7

ha hiweabu dabe inũ dabe betsã ha sete nai tsumabu tibi ouro kẽtxaki Deus hiwei ikibi ini hiweatũ hawẽ yurabu kupiti mata hatu inãkeakeaya

Apocalipse 16:14

Ha yushĩ tibirã, hawẽ yushĩ txakabuwẽ dayakĩ dami atimaska betsa betsapa hatu washũkĩ shanẽ ibubu dasibi mai hirabi anua hatu tashnibirã hatũ soldadobuya detenamemanũ, iwanã, hatu itxa wakẽ hanushũ Deus kuxipa binuatũ hanu akaitiã hatu maemakĩ yamawashanikiki.

Apocalipse 16:7

hanushũ Deus kẽwãkĩ tapu hanu hawẽ inãkuĩti hanamisbu anushũ tsuãra yuikĩ: “Shanẽ Ibu Epa Deus dasibi binuatuũ, hanuki. Dasibi kuxipayakĩ kaneisma yurabu unãti watã txanima mĩ xinã kayatapiawẽ miã besti mĩ hatu kupiaii. Mĩ pehairaki”, akaya

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Apocalipse 19:4

haskaibũ ha 24 mekenikabu inũ ha hiweabu dabe inũ dabetũ Deus haki tsautiki tsauwa namã dãti iki maiki beti ishũ kẽwãkĩ yuikĩ: “Hau haskanũwẽ. Aleluya! Txanima Epa Deus pepahairaki”, ikaibũ

Apocalipse 21:22

Ha inũ, Deusũ maewã bena hirabi anushũ Epa Deus Shanẽ Ibu binu keyua inũ hawẽ bake txashuwã habu kẽwãkubaĩmisbuwẽ taea hawẽ kẽwãti hiwe hayama ẽ uĩshuki.

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.

Apocalipse 4:4

Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã

Apocalipse 4:6

Haska inũ, tsauti besuuri iãnẽwã beshnãhaira bakamanaya ha dapi hiweabu dabe inũ dabe ha tsauti anu mapubauna habũ besuuri beru sãkã daka inũ hatũ petxiuri beru pesãkã dakabu

Apocalipse 4:9

Deus niti ikama hiwea ha dabe inũ dabe hiweabũ hamapai pepa hakiri xinãkĩ hawẽ pepakiri yuikĩ kẽwaĩbũ

Apocalipse 5:6

hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.

Apocalipse 6:1

hanushũ Deusũ txashuwã bakẽ hawẽ unãti ha dukũ tsamia dashnuaya ha hiweabu dabe inũ dabe betsã hawẽ hui tĩ ikaĩkainai keskai uĩkĩ ẽ nĩkaya hatũ yuikĩ: “Huwe”, akai

Apocalipse 6:6

ha hiweabu dabe inũ dabe anua ha hãtxa kaĩmakĩ yuiai ẽ nĩkaya: “Piti yama tukãtiã shekiwã ha misi wati kilo bestitxai hawẽ karu shekamakĩ shaba bestitxai daya pei wakubaĩwẽ. Ha inũ, misi wati betsa cevada pe beshmas kilo dabe inũ besti hawẽ karu shekamakĩ shaba bestitxai daya pei wakubaĩwẽ. Hakia piti sheni inũ uva vinho ana karu wayamakubaĩwẽ”, aka kaya

Apocalipse 7:11

dasibi Deusũ nai tsumabu inũ, habu hiwea dabe inũ dabe inũ, ha 24 mekenikabu hatibu shanẽ ibũ tsauti anu mapubaunabu Deusũ besuuri maĩ beti ishũ kẽwãkĩ

Apocalipse 7:15

“Jesusũ haska wakĩ na mapubaunabu hatu pepawa Deus shanẽ ibu haki tsauti anu manishũ mexu merã inũ bariri Deus hanu hiwea anushũ duawakubainaibu Deusũ habu mekekubaĩshanikiki, xinã txãkaĩburã.