Apocalipse 13:8 - Kaxinawá Bíblia (BR)

⁸ ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Kashinawa : Diosun Jesúswen taexun yuba bena yiniki

⁸ ja yuinaka mese atimapa kenwankinan, jabu mai jidabi anu jiweabu tsuabuda bebunkidi Diosun mai dami wadiama jabun kena chaxuwan bake nuku mawaxunitun unaki keneama ini jabun besti duawakin kenwanxankanikiki.

Apocalipse 13:8 Referencias Cruzadas

Gênesis 22:7

hanushũ hawẽ bake Isaque hawẽ epa Abraão yukakĩ: —Epã— aka nĩkatã: —Hawamẽ, epaã?— aka —Uĩwẽ. Txi inũ karu nũ ma hayaki. Hakia txashuwã bake ha menuti nũ hayamaki. Hania?— aka

Salmos 69:28

Habu hiweabu hatũ kena mĩ hatu kenemis ha una meranua tere awe! Huni pepabu mĩ hatu tanakĩ kenemis anu ha huni txakabũ kena kenekĩ netãyamawe!

Êxodo 32:32

Habiaskabiakẽ eanã, ẽ mia hatu ea ashuaiĩ. Mĩ hatũ txakabu buakĩ ana shinãma mĩ hatu kupiamarã, haska peki. Hamẽ hatũ txakabu shinãkubaĩkĩ mĩ hatu kupikatsi ikairã, minabu hawẽ tanati una anua ẽ kena mĩ eki kenenirã, ẽ kena ea tere ariawe— aka

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Lucas 10:20

Haska mã waxina peki. Haskabia yushĩ mã kaĩmaxinawẽ besti benimayamakãwẽ. Hakia nai anu Deusbe mã hiweshanaibu Deusũ matũ kena tibi ma keneniwẽ taea haska bestiwẽ benimakubaĩkãwẽ— hatu waya

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Filipenses 4:3

Haska inũ, miarã, mĩ txĩtuĩsmawẽ taeshũ mia yununũ nĩkawe. Nukũ pui dabe Evódia inũ Síntique ea hatu merabewashũshãwẽ, hau daenamenũbunã. Clemente inũ merabenanika betsabu ha aĩbu dabebetã Cristokiri kakape ẽ yusĩayã habũ ea putama ea merabewai bika teneriakubainibuki, haburã, hatũ kena tibi ha hiwekuĩti unaki ma hatũ kena Deusũ hatu kenekĩ netãnikirã.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Apocalipse 12:15

yuxibu sheanã haki sinatahairakĩ hawẽ hashpakã ũpash tuea txara txara ikĩ hene ewabaĩkĩ hau aĩbu nũtãbainũ, iwanã, aka

Apocalipse 13:12

ha yuinaka mese atimapa betsarã, ha ha dukũ tenãnibubia ma hawẽ dete bunitũ hawẽ kuxipa dasibi hayatũ ha bebũshũ mai hirabi anu hiweabu ha ha dukũ yuinaka mese atimapa hatu kẽwãmakubaĩkĩ

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.

Apocalipse 3:20

Uĩa. Matu tibi haibuwakatsis ikĩ matũ beputi keska matũ huĩti anushũ eã ẽ matu kenakĩ akawaii. Tsuãra ẽ hui nĩkatã ebe haibunamekatsis ikĩ beputi keska matũ huĩti mã ea bepẽshuna matũ hiwe anu hikitã ẽ matubetã pikatsis ikaii.

Apocalipse 3:5

Tsuabũra ea danãma habũ maemakĩ binumisburã, tari hushupa saweshãkanikiki. Ha dikabi hatũ kena Deusũ hiwemati una anua ẽ tere akama ishanaii. Hanushũ ẽ Epa inũ hawẽ nai tsumabu bebũ hatu nitxĩtã ẽ habu hatu unãmashanaii.

Apocalipse 5:12

hãtxa kuxipawẽ habũ yuikĩ: “Txashuwã bake deteabu ana bestẽni pepa kayabirã, hatũ besti bitiruki, kuxiparã, pepa tibirã, unãnepahairarã, shanẽ ibu kuxiparã. Duawai xinã txãkaĩ benimawakĩ nũ ha kẽwaiĩ”, ikaibũ

Apocalipse 5:13

hanushũ ana ẽ nĩkaya ha dasibi Deusũ damiwakĩ hatu hiwemani nai anushũ inũ, mai anushũ, inũ mawabu yushĩ bumisbu anushũ, inũ iãnẽwã anushũri habũ kẽwãriakĩ yuikĩ: “Ha Shanẽ Ibu haki tsauti anu tsauwa inũ txashuwã bake hatu duawakĩ xinã txãkãwãkĩ hawẽ benimawatiwẽ hau shanẽ ibuhaira wakubainũbũwẽ, niti ikamarã”, ikaibũ

Apocalipse 6:1

hanushũ Deusũ txashuwã bakẽ hawẽ unãti ha dukũ tsamia dashnuaya ha hiweabu dabe inũ dabe betsã hawẽ hui tĩ ikaĩkainai keskai uĩkĩ ẽ nĩkaya hatũ yuikĩ: “Huwe”, akai