Apocalipse 5:5 - Kaxinawá Bíblia (BR)

⁵ mekenika betsã ea yuikĩ: “Kashayamawe. Shanẽ ibu Davĩ baba betsa ha Judã baba yuinaka dasibibũ shanẽ ibu inu betsa hawẽ kena leão nũ dabimis pepa kuxipahairakĩ haki sinataibu maemanitũ ha unãti tsamia tibi hatũ dashnu dashnu akĩ keyutã ha una txuretiruki. Manayuwe”, ea waya

Kashinawa : Diosun Jesúswen taexun yuba bena yiniki

⁵ mekenika betsan ea yuikin: “Kaxayamawe. Xanen ibu Davidin baba betsa ja Judán baba yuinaka dasibibun xanen ibu inu betsa jawen kena león nun dabimis pepa kushipajaidakin jaki sinataibu maemanitun ja unanti tsamia tibi jatun daxnu daxnu akin keyutan ja una chudetiduki. Manayuwe”, ea waya

Apocalipse 5:5 Referencias Cruzadas

Jó 41:15

Hawẽ yura shaka tsami keku dakabaina kushihaira mishki keskaki.

Isaías 11:1

Jessé enabu Assíria nawabũ hatu itxakawakinã, hi derakĩ hatu hawẽ buru keska besti wanibuki. Hakia ha hi buru anua ana takushanikiki. Hawẽ tatxa anua hawẽ tapũ betsa hukũmis keskai huni betsa ana kaĩshanikiki.

Isaías 11:10

Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.

Jeremias 31:16

hanushũ Senhor Deusũ ana yuikĩ: “Raquelĩ enabu aĩbuaibuũ, ana hamẽ kashayamakãwẽ, matũ beũ hene hamẽ txakawairã. Matuki sinataibũ hatũ mai pakea anua matũ bakebu ana txĩtũshanaiwẽ taeshũ hatuwẽ nuihairai inũ mã hatuwẽ isĩ tenehairabiakũkainairã, txipu matũ manakuti mã hayakũkaĩshanaii. Haska ea ẽ Senhor Deusũ ẽ hãtxawẽ ẽ matu mestẽwaiĩ.

Números 24:9

Israelĩ enabu huĩrukuĩ maniabũ inu betsa leão huĩrukuĩ daka keskakẽ datekĩ tsuã bestẽwãkatsi ikamaki. Tsuabũra matu pepawaibu Senhor Deusũ haturi pepawashanikiki. Tsuabũra matu yupuaibu Senhor Deusũ hatu kupikĩ yupuriashanikiki” ikaya

Lucas 23:28

Jesusũ hatu uĩkĩ yuikĩ: —Jerusalém anua aĩbuaibuũ, ewẽ nui kashayamakãwẽ. Hakia hanu nuitapaibutiã nenuabũ yuikĩ: “Aĩbũ habũ bake bisbuma besti benimashãkanikiki”, ikaibũ hanushũ yura itxapabũ habũ txakabuwẽ datekĩ mawa yuikĩ: “Nukuki matekei di ikĩ nuku hunewe”, ashãkanikiki. Haska inũ, ea ẽ hawa wama nibiakẽ ea itxakawakanikiki. Hamẽ habũ ea itxakawaibu Deusũ haburi itxakawatxakayamariakĩ hatu kupihairashanikiki. Haskawẽ taea ana ewẽ nui kashama matũmebi inũ matũ bakebuwẽ taea nui kashakãwẽ— hatu wabainaya

Lucas 7:13

Jesus haki nukutã hawẽ ewa nuitapaiwẽ nuikĩ yuikĩ: —Kashama nesewe— atã

Lucas 8:52

hunĩ kaiã kashai saĩ iki bau bau ikaibu hatu yuikĩ: —Haskai e iskaũ kashai mã biski ikanai? Hawẽ bakerã mawa kayabiamaki. Usha bestia ikikiki— hatu waya

João 20:13

hanushũ nai tsuma dabetã yukakĩ: —Aĩbuũ, haskai mĩ kashai?— akabu —Ẽ Shanẽ Ibũ yura haniraki ea buãbuki. Hanira datãbu ẽ unãma benai ẽ kashai ikaii— hatu watã

Romanos 1:3

Haska nukũ Shanẽ Ibu kuxipahaira, Deusũ bake Jesus Cristorã, huni kayabi judeubũ shenipabu Davĩ baba kaĩshanaikiri Deusũ hãtxa yuishunikabũ kenenibu hayaki.

Romanos 15:12

haskakiriri Isaíasĩ yuikĩ: “Davĩ epa Jessẽ baba kaĩtã nawa shukua tibibu mekei hatũ shanẽ ibuaya hawẽ taea haburi Deusunabui haki txiti ikĩ manashãkanikiki”, iniki.

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Apocalipse 22:16

Hanushũ Jesusũ ana ea yuikĩ: “Earã, Davĩ baba inũ pena bixi txashahairamis keskatũ ẽ Jesusũ ẽ mia yuiai nĩkawe. Deusunabu itxamisbu betsa betsapa anu haska ẽ uĩaĩ mĩ hatu pewakĩ e imashanũ, iwanã, ẽ nai tsuma ẽ mia anu yunua haska dasibi mia uĩmashuki, hau ẽ hãtxa mĩ hatu bumashanunã”, ea waya

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.

Apocalipse 4:10

ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:

Apocalipse 4:4

Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã

Apocalipse 5:4

txanima tsua pepa kuxipa hushũ txureshũ uĩtirumawẽ taea nui ẽ kashahairaya

Apocalipse 6:1

hanushũ Deusũ txashuwã bakẽ hawẽ unãti ha dukũ tsamia dashnuaya ha hiweabu dabe inũ dabe betsã hawẽ hui tĩ ikaĩkainai keskai uĩkĩ ẽ nĩkaya hatũ yuikĩ: “Huwe”, akai

Apocalipse 7:13

hanushũ mekenika betsã ea yukakĩ: “Na tari hushupa saweaburã, tsuabumẽ? Hania beabumẽ?” ea wa