Ñemohenda
94 Versíkulo oñeʼẽva Jesús Pyʼaguapýre ikorasõme
Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei.
Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.
Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã.
Peñemoĩ che cangálla guýpe (yúgo guýpe) ha peheja Che tapohekombo’e porã, chepy’a porãgui ha che añemomirĩgui, péichamante pejohúta pe pytu’u añeteguáva pene ángape g̃uarã.
Ndépa ha’ehína pe Crísto ouva’erãva térãpa roha’ãrõta gueteri ambuépe.
Che cangálla ningo hu’ũ asy ha ivevúi pe cárga aguerahaukáva peẽme.
Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.
Hesu Crísto py’aguapy toisãmbyhy pende py’apýpe, upevarã avei peẽ peñehenói peiko hag̃ua peteĩ tete añóme, ha peagradece ichupe.
Ñanderuete ome’ẽ ipu’aka hetãme g̃uarã, Ñanderuete ohovasa hetãme ipy’aguapy reheve.
Hesu Crísto, pe py’aguapy Jára, tome’ẽ peẽme ipy’aguapy peiko porã hag̃ua oñondive opaite árape ha opaite hendápe ipy’aguapýpe.
Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.
Ñande py’apy rembipota vai ogueru pe ñemano, umi oikóva pe Pytu Porãmbáva poguýpe katu oikovéta tapia g̃uarã py’aguapy añeteguápe g̃uarã.
Peñeha’ãke peiko hag̃ua py’aguapýpe opavave ndive ha peñemboheko porã, ko’ãva’ỹre avave ndohechamo’ãi Hesu Crístope,
Hesu Crísto ñanembopy’aguapy oñondive, pe tápia (barréra) oĩva’ekue ñane pa’ũme Ha’e oitýma, upévare Israel retãygua ha tetã ambueygua oñombopy’apeteĩma avei Hesu Crísto rupi, Ha’e omboykégui pe ñorãirõ oĩva’ekue ñande apytépe.
Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.
Ajapysakáta ore Ruete he’ítava rehe, Ha’émante ombopy’aguapy hetãme ha umi heko potĩvape, anive hag̃ua ojavy jevy hikuái.
Pe Pytu Porãmbáva katu hi’a: Mborayhu añeteguáva, tory, py’aguapy, paciéncia, oporombohorýva, py’aporã, jerovia,
Ko’ág̃a ñande jajerereko heko potĩva ramo jajeroviágui Hesu Crísto rehe, ha ñande py’aguapýma Ñanderuete ndive Ñandejára Hesu Crísto rupi.
Hesu he’i jevy ichupekuéra: Tapendepy’aguapy, Che Ruete chembou haguéicha, Che pomondo avei.
Umi cerrorusu oku’epa ramojepe, ha umi cérro oryryipa ramojepe che poriahuvereko katu noñemboykemo’ãi ndehegui, ha che ñembopy’apeteĩ nendive ndopamo’ãi, he’i nde Ruete, ndeporiahuverekóva avei.
Ipahápe, che hermanokuéra, che ha’ese peẽme: Pevy’aite, peheja ambuekuéra tapenemboheko ha tapenepytyvõ peiko porã jevy hag̃ua Ñanderuete renondépe, upévare peñembopy’apeteĩ jevy ha peiko py’aguapýpe oñondivepa, ha Ñanderuete, pe mborayhu ha py’aguapy Jára, penemoirũta.
Ejei tembiapo vaígui ha ejapo tembiapo porã, eheka pe py’aguapy, upéi eñeha’ãmbaite rejoko hag̃ua ha eiko ipoguýpe.
Ha’e ombopy’aguapy jevýta che ángape, hetaiterei cherayhu’ỹva oñemoag̃ui ramojepe cherehe.
ha peñeha’ã pende py’aite guive peñemopeteĩ hag̃ua Pytu Porãmbavapype ha py’aguapy añeteguáva rupi.
Hesu Crísto rupínte oĩ perdon opaite tetãyguakuérape g̃uarã, Ha’e oguerúgui pe py’aguapy yvága pegua huguy rupínte, oñeñohẽva’ekue ikurusúre.
Ha pehechakuaa mba’eguasúrõ hembiapokuéra ha pehayhu ichupekuéra. Peiko py’aguapýpe oñondive.
Ipy’a rory umi ombopy’aguapýva umi oñorãirõvape, ha’ekuéra oñemboherava’erã Ñanderuete ra’ykuéra.
Oñembyai ramojepe che ro’o ha che py’a, Nde, che Ruete repytava’erã che mba’erepyetéva.
Ha pejapo opaite mba’e che pohekombo’eva’ekue ha pehenduva’ekue chehegui, ha pejapo opaite mba’e pehechava’ekue che ajapova’aína. Ha pe py’aguapy Jára (Hesu Crísto) oĩhína katuete penendive.
Nde rejapysaka porã rire che rembiapoukapy rehe, nde py’aguapy okakuaava’erãmo’ã ysyryguasúicha, ha nde justícia (tekojoja) ojehupiva’erãmo’ã y pu’ã yguasu peguáicha,
Upévare ñañeha’ãmba jaiko hag̃ua oñondive py’aguapýpe ha ñañopytyvõ jakakuaa hag̃ua ko py’aguapy reheguáva.
Iporãite umi ñe’ẽ rerahahára omyasãi ko ñe’ẽ kóva: Py’aguapy, salvacion; ha he’i Siónpe: Nde Jára oikóma mburuvicha guasuete ramo ko yvy apére.
Péicha he’i ángel atykuéra Jára: Pe karu’ỹ pe jasy irundy, 5, 7 ha 10-hápe, oguerúta Juda rógape g̃uarã vy’a tuicha, upévare pehayhúke pe añetegua ha pe py’aguapy.
Ñanderuete ningo pe py’aguapy Jára, Ha’e tapenemboheko porã pehóvo opaite mba’épe: Pende pytu porãme, pene ángape ha pende retépe, ha peñangareko pende rekove rehe, Hesu Crísto oúrõ g̃uarã, upévare anítei peñemongy’a.
Anítei peku’e, ha peikuaa Che ha’eha pende Ruete, tetãnguéra chemomba’eguasúta ha che poguýpe opytapa ko yvy ha opaite tetãnguéra.
Ojekutu ichupe ñane rembiapo vai rupi ha oñenupã vaipa ichupe Ha’e oñemoangaipa haguére ñane rendaguépe, Ñanderuete ohavira ichupe ñande jahupity hag̃ua ipy’aguapy, ijekutukue rupi ñande jakuera hag̃ua avei umi mba’e rupi.
Ani pejepy’apy ni peñemondýi pende py’apýpe, pejerovia uvei Ñanderuete rehe ha pejerovia avei cherehe.
Péicha he’i pende Ruete: Pema’ẽ porãke, che amyasãi py’aguapy hi’ári ysyrýicha, ha umi tetã mba’erepy ku ysyry hatãváicha ojeguerúta pene rendápe; upéramo Che añangarekóta penderehe pe sy ojapo háicha imemby okambúvare, Che pogueraháta che jyva ári ha Che pomokunu’ũta che renypy’ã ári.
Che aikuaa porã pe pensamiénto aguerekóva che py’apýpe penderehe, he’i pende Ruete, che akãme aguereko py’aguapy, ha ndaha’éi py’aro, ame’ẽ jevy hag̃ua peẽme umi mba’e peha’ãrõva ha peiko hag̃ua py’aguapýpe pene retãteépe.
Upévare Che ha’e peẽme: Ani pejepy’apy pene rembi’urã rehe térã pemboy’uva’erã rehe, térã peẽ pemondeva’erã rehe; ndaituichavéi mba’e piko ñande rekove, tembi’úgui; térã ñande rete aógui.
Nde remombytu’úta ichupe jepy’apy vai árape, ojejo’o aja tekove iñañáva tyvyrã (sepulturarã).
Ko’ã Ñanderuete promésa rupi ñane ánga ojohu pytu’u añeteguáva ku barcoguasu oñeñapytĩ háicha sã mbaretépe ty’ãiguasúpe (áncla), upéicha ñande jajejoko hatãva’erã avei isã rehe (ipromésa rehe) oñeñapytĩvahína pe óga jojohuha aosãingo kupépe, oĩva yvágape.
Péicha he’i Ñanderuete, Israel Jára Heko Porãitéva: Peñembyasy ramo pejapo vai haguére ha pejevy che rendápe, pejesalva hag̃ua, peñemomirĩ ha pejerovia ramo cherehe peẽ penembarete jevýta, peẽ katu ndapeipotáikuri,
Brónce rendaguépe oguerukáta óro, hiérro rendaguépe óro morotĩ; yvyra rendaguépe brónce; ita rendaguépe hiérro. Pe py’aguapy nesãmbyhýta ha pe justícia oikóta ne mburuvichaguasu ramo.
Chemboguata hekoitépe ne ñe’ẽ rupive, ani hag̃ua mba’eveichagua tembiapo vai oñembojára cherehe.
Eñembyasy reja’yvere haguére Ñanderuete renondépe ha emombe’u ne rembiapo vai ha ndepy’aguapy jevýta.
Pema’ẽ porãke, upéi katu Che aguerúta ichupekuéra ipohã, aipohãno ha amonguera jevy hag̃ua ichupekuéra, ha amyenyhẽta ichupekuéra py’aguapýgui ha amokyre’ỹ jevýta ichupekuéra.
Jaikuaa porã ningo opaite mba’e ojehúva guive Ñanderuete ra’y ha itajyrakuéra rekovépe, oipytyvõ porãtaha ichupekuéra (oñemboheko porãmive hag̃ua ohóvo), umi Ha’e ohenóimavape yma guive ita’ýra ha itajýra ramo.
Nde, embopy’aguapy ichupekuéra ha py’aguapy porã rupi ha’ekuéra ojeroviáta nderehe.
Pejerovia Ñanderuete rehe opaite árape, Ñanderuete, pe Jaraitéva ndivénte jajohu ñemo’ãha ijapyra’ỹva.
ha pe esperánza Ñanderuete rehe nombotavymo’ãi avavépe, Ñanderuete mborayhu omyhenyhẽgui ñande py’apy imborayhúgui, ha opaite ko’ã mba’e oñeme’ẽ ñandéve Pytu Porãmbáva rupi.
Toñemomba’eguasu Ñandejára ha pe Jára Hesu Cristo Ru, Ha’e ningo pe Túva oiporiahuverekóva ha pe Jára oporomoangapyhýva.
Ha’e voi oremoangapyhy opaite ore jehasa asýpe, ore roporomoangapyhy jevy hag̃ua Ha’e oremoangapyhy haguéicha.
Ñanderuete voi ningo omoheñoihína pendepype hembipota porã ha Ha’e omongakuaa hembipota pende rekovépe pejapopa peve Ha’e oipotáva guive.
Peteĩ tapicha reko ombovy’a ramo Ñanderuetépe, umi hesekuéra ija’e’ỹvape jepeve Ñanderuete omoingo porã jevy hendive.
ni yvategua térã yvy guypegua, ni ambue pu’aka ndaikatúi ñandepe’a Ñanderuete mborayhúgui, ojehechaukámava Ñandejára Hesu Crísto rupi.
Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.
Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,
Tapeñemombarete opaite Ñanderuete reko jajái pu’akápe, peropu’akapa hag̃ua paciéncia ha vy’a reheve.
Pemonde pende py rehegua, kóva he’ise pemombe’uva’erãha Ñanderuete ñe’ẽ porãite (evangélio),
Ñandejára Ñanderuete ha Ñandejára Hesu Crísto poriahuvereko ha ipy’aguapy tomyenyhẽ pende rekove.
Ahundipáta umi Efrain cárro ñorãirõ megua, ha umi Jerusalen pegua kavaju, ha umi guyrapa ojeporúva ñorãirõme Che amopẽmbáta, ha oñe’ẽta ñe’ẽ py’apy peguáva rehe tetãnguérape, ha Ha’e oisãmbyhýta peteĩ yguasu guive ambue yguasu peve, ha pe ysyry guive pe yvy apýra paha peve.
Pemomba’eguasu Ñanderuetépe, Ha’e omombytu’u haguére hetã Israélpe; opaite mba’e ojehúma Ha’e he’i hagueichaite, opaite iñe’ẽme’ẽ he’imava’ekue Móises rupi ojehúma avei.
Pe Pytu Porãmbáva oikuaauka ñande pytu porãme ñande ha’eha Ñanderuete ra’y ha itajyraha.
Upévare anive pejepy’apy ko’ẽ ramo g̃uarã rehe, pe ko’ẽ ramogua ára ogueru jevýtama ijehe ijepy’apyrã, péva iporãma (ovaléma) jaisu’u hag̃ua ko ára pegua jepy’apy.
Pevy’a pe mborayhu ha pe py’aguapy rehe Ñandejára Ñanderuete ha Ñandejára Hesu Crísto ome’ẽva’ekue ñandéve.
Ha aporombopurahéita: Py’aguapy, py’aguapy ame’ẽse umi mombyry ha ag̃ui oikóvape, he’i pende Ruete; ha amonguera jevýta che retãme.
Ha mba’éicha piko ikatúta ojekuaauka Hesu Crístope ichupekuéra, noñemondói ramo avavépe hendapekuéra. Ojehaíma Ñanderuete kuatiañe’ẽme: Iporãite ningo umi py omyasãiva mba’e iporãva, (Isaías 52,7).
Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.
Ñanderuete ombouva’ekue iñe’ẽ porã Israelguakuérape Hesu Crísto rupi, Ha’e ningo opavave Jára voi.
Péicha he’i pende Ruete: Tapeho umi tape rupi, pema’ẽ porã ha peporandu pe tape porã ymaguare rehe, moõitépa oĩ pe tape iporãitéva, ha peguata hi’ári, pejohu hag̃ua pytu’u pene ángape g̃uarã. He’i katu hikuái: Ndoroguatamo’ãi.
Umi ojeroviáva Ñanderuete rehe ojoguaite Jerusalen cérrope, ndoku’éiva, opyta hatã uvei opaite ára oĩháme.