Ñemohenda
VERSOS MITÃKUMBA'E HA KUÑAKUÉRAPE GUARÃ
Mitãnguéra ningo Tupã jehovasa rupi ñande jaguereko, ñamombareteva’erã chupekuéra Tupã Ñandejára ñe’ẽme, ñamoheñóiva’erã chupekuéra Tupãgui kyhyje imichĩvéva guive, ikatu hag̃uáicha ombohovái umi mba’e ojehúva hekove pukukue jave imandu’ápe oĩ opa mba’e oñembo’eva’ekue chupekuéra ha oheka Tupãme. Ñandejára Jesucristo ohayhu mitãnguérape ha ñane mbo’e ñande kakuaávape jaiko ha’ekuéraicha ikatu hag̃uáicha jaiko ypy arapytúpe. “Ha Jesús he’i: Peheja mitãnguérape ou che rendápe, ani pejoko chupekuéra, umívaichaguavévante oiketa yvágapegua rréinope” (Mateo 19:14). Mitã ipy’aporã, hekomirĩ ha iperdona’ỹva, umíva ha’e umi mba’eporã oguerekóva ñane mitãnguéra ha umíva rupi iporãiterei Tupã Ñandejárape g̃uarã, ñakuaave’erã upéva Tupã Ñandejára ñe’ẽ rupive ñambo’évo pyhare ha ára. “Embo’e ne mitãme tape porãre, ha itujápe jepe ndohejamo’ãi” (Proverbios 22:6).
Hesu katu ohenói ichupekuéra ha he’i: Peheja mitãkuéra tou che rendápe ha ani pejoko ichupekuéra, Ñanderuete retãguasúpe ningo oike ha’ekueraichagua voínte.
ha he’i: Añetehápe Che ha’e peẽme, napeñemomitãi jevy ramo, mba’evéicharamo ndapeikemo’ãi Ñanderuete retãguasúpe.
Ha oporandu ichupe: Rehendúpa ko’ã he’íva. Ha Hesu he’i ichupekuéra: Ahendu. Ndapejohúi piko Ñanderuete kuatiañe’ẽme: Umi mitãmi ha umi okambúva juru omomba’eguasu ichupe (Salmokuéra 8,2).
Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.
Umi mitãmimi ha umi okambúva jurúgui remopu’ã nde róga yvate oñemombaretéva umi nderehe ija’e’ỹva rehehápe, remokirirĩ hag̃ua upe oporohayhu’ỹvape ha oñemoĩvape nderehe.
Hesu katu he’i: Peheja mitãkuérape tou che rendápe, ha ani pejokótei ichupekuéra, umi upéicha oikóvape oñeme’ẽ Ñanderuete retãguasu (réino).
Pédro he’i ichupekuéra: Peñembyasy peiko vai haguére, pejevy Ñanderuete rendápe ha peteĩteĩva tojebautizauka Hesu Crísto rérape, Ha’erupínte ojepe’akuaa pene rembiapo vaikue (angaipa) ha oñeme’ẽva’erã peẽme pe Pytu Porãmbáva oporosãmbyhýtava. Peẽme g̃uarã, pene ñemoñarenguérape g̃uarã ha tetã ambueyguakuérape g̃uarã oñeme’ẽ avei ko promésa Pytu Porãmbáva rehegua, opaite umi ohenóiva guive Ñanderuetépe.
Ha ha’e ojebautizauka rire hogayguakuéra ndive ojerure asy oréve roiko hag̃ua hógape imbohupaharakuéra ramo, he’ívo: Hi’ã ramo peẽme che ajerovia hekópe Hesu Crísto rehe, peike ha pepyta che rógape.
Upéi ha’e voi oñangareko hesekuéra pe hóra guive ha ojohéi pe yvyra po’i rapykuere, upérõ ha’e ha hogayguakuéra ojebautizaukapa.
Críspo katu, pe oñangarekóva Ñanderuete róga rehe, ojerovia Hesu Crísto rehe opaite hogayguakuéra ndive. Heta Corintoygua ojapysaka porã Páblo ñe’ẽ rehe, upéi ojerovia ha ojebautizauka avei.
Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.
Opaite peẽ pejebautizaukáma Hesu Cristopype, peñemondéma Hesu Crístogui (oñembohekóma Crísto rekógui).
ha péva ojehu peẽ peñeñotỹgui hendive, pe bautísmo rupi. Ha’érupi peẽ penace jevy pejeroviágui Ñanderuete pu’aka tuichaitéva rehe ha Ha’e omoingoveva’ekue Hesu Crístope omanómava apytégui.
Upévare tapeho ha peñemohemimbo’e opaite tetãnguérape, ha pebautiza ichupekuéra Túva, Ta’ýra ha Pytu Porãmbáva rérape.
Ojegueru Hesu rendápe umi mitã michĩva Hesu opoko hag̃ua hesekuéra, ha hemimbo’ekuéra ohechávo péva ipochy hikuái umi mitã rerekua ndive. Hesu katu ohenói ichupekuéra ha he’i: Peheja mitãkuéra tou che rendápe ha ani pejoko ichupekuéra, Ñanderuete retãguasúpe ningo oike ha’ekueraichagua voínte. Añetehápe Che ha’e peẽme, upe oñemomba’e’ỹva mitãicha Ñanderuete retãguasúre, ndoikemo’ãi ipype.
Hesu katu ohechávo péva ipochy ha he’i ichupekuéra. Peheja mitãkuéra tou che rendápe, ani pejoko ichupekuéra, peichagua oikeva’erã Ñanderuete retãguasúpe.
Ha umi iñe’ẽrendu ha ogueroviáva iñe’ẽ ojebautizauka ha péicha oike Hesu Crísto Iglésiape 3.000 hermanokuéra rupi.
Ikatúnepa rombotove (ronega) pe bautísmo ichupekuéra. Ichupekuéra oñeme’ẽma pe Pytu Porãmbáva, oñeme’ẽ haguéicha ñandéve (Israelguakuérape). Ha Pédro obautizauka ichupekuéra Hesu Crísto rérape. Upéi ha’ekuéra ojerure asy ichupe opytave hag̃ua hendivekuéra, mbovymi ára jepe.
Ha’e omombe’úta ndéve pe tekove rape ñe’ẽ, nde ha nde rogayguakuéra ojesalva hag̃ua.
Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).
Pe Pytu Porãmbáva añómente ningo ñande jajebautizava’ekue jaiko hag̃ua peteĩ tete ramo, taha’e Judaygua, térã tetã ambueygua; taha’e tembiguái térã patron; opavave ñande jajebautizava’ekue pe Pytu Porãmbáva rupínte.
Opavave peẽ ningo Ñanderuete ra’y ha itajýra pejerovia guive Hesu Crísto rehe. Opaite peẽ pejebautizaukáma Hesu Cristopype, peñemondéma Hesu Crístogui (oñembohekóma Crísto rekógui).
Nde remombe’u ramo nde juru rupi Hesu Crísto nde Jaraha, ha nde rejerovia ramo nde py’aite guive Hesu Crísto rehe, ha Ñanderuete omoingove jevy hague ichupe omanova’ekue apytégui, upéicharamo rejesalváta.
Peikove jevy ramo (penace jevy ramo) Hesu Crísto ndive, peheka umi mba’e yvateguáva, Hesu Crísto oguapyhápe Ñanderuete akatúape. pemonde haguére pe tekove pyahu, kóva ningo oñembopyahuve ohóvo ha oñembojojave ohóvo ñande apohare reko rehe ha peikuaa porãve pehóvo ichupe, peikove hag̃ua avei Hesu Crísto rekópe. Oĩháme ko tekove reko pyahu ndojuavýi ojuehegui Greciaygua ha Judaygua, ipire’i oñekytĩ’óva (oñecircuncidáva) ha noñekytĩ’óiva, tetã ambueygua ha ka’aguygua (escítas), tembiguái ha jára; Hesu Crísto oĩ hag̃ua opaite mba’épe ha opavave rekovépe. Ñanderuete pendeporavo, penemboheko potĩ ha penderayhúgui peñemonde jeporiahuvereko mborayhu reheve, py’a porã, ñemomirĩ, pochykuaa’ỹ, paciéncia. Pejogueropu’aka ha peñoperdona, oime ramo oñemohembiapo vaíva; Hesu Crísto peneperdona haguéicha upéicha peperdona avei pende rapichápe. Opaite ko’ã mba’e ári pemonde mborayhu, péva ningo ombojoaju porã añetetehápe. Hesu Crísto py’aguapy toisãmbyhy pende py’apýpe, upevarã avei peẽ peñehenói peiko hag̃ua peteĩ tete añóme, ha peagradece ichupe. Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive. Ha opaite mba’e pejapóva guive pene ñe’ẽ térã pene rembiapo rupi, pejapo Ñandejára Hesu Crísto rérape ichuperõguáicha ha peagradece Ñandejára Ñanderuetépe Hesu Crísto rupi. Pe tembireko iñe’ẽrenduva’erã iménape, ija háicha Hesu Crísto reheguávape. Peẽ ména pehayhu añetehápe pene rembirekópe, ha anítei pembopy’aro ichupekuéra. Peheka umi mba’e yvága peguáva, ani yvy ariguáva. Peẽ mitãkuéra peneñe’ẽrendu pende ru ha pende sýpe, upéva ningo ombovy’a Ñanderuetépe. Peẽ tuvakuéra anítei pemoñeko’õi pende ra’y ha pende rajykuérape, ani hag̃ua naikyre’ỹvéi. Peẽ tembiguaikuéra (esclávo) peneñe’ẽrendu opaite mba’épe pende jára yvy ariguápe (patrónpe), anítei pemba’apo porãnte pende jára yvy arigua resa renondépente, pembovy’a hag̃ua ichupe, tapiákena pemba’apo porã uvei pende py’aite guive, pekyhyjégui Ñanderuetégui. Opaite pejapóva guive, pejapo pende py’aite guive pejapórõ guáicha Ñanderuetépe g̃uarã, ha ani yvyariguápente. Peikuaa porã voi Ñanderuete ome’ẽtaha peẽme pe yvága remime’ẽ (tekove opa’ỹva) pene rembiapo porã repykue ramo, upévare pemba’apo tembiguái porãva ramo Ñanderuetépe g̃uarã. Upe hembiapo vaívape ningo oñeme’ẽta hembiapo vai repy, Ñanderuete ombojovakégui hekoitépe, ha jaikuaa Ha’e noporombojuavyiha yvyariguakuéra apytégui. Pemanova’ekue, ko’ág̃a katu pende rekove oñemihína Hesu Crísto ndive Ñanderuetepype.
Upévare ñañemboja Ñanderuete rendápe py’a porã ha jerovia mbaretépe, Ha’e omopotĩ hag̃ua ñane ñe’ã ñande py’apyñe’e vaígui ha ojohéi rire ñande rete y potĩetépe.
Upe y upéva ko’ág̃a ku ta’ãngáicha ñandesalva bautísmo rupi. Pe bautísmo voi ndaikatúi ñanemopotĩ ñande rete rembiapo vaígui, upévare jajerureva’erã Ñanderuetépe tome’ẽ ñandéve pe py’apyñe’ẽ porãva Hesu Crísto ñemano rupi.
Ha upe ojeroviáva ha ojebautizaukáva ojesalváta ha upe ojerovia’ỹva cherehe oñehundiva’erã.
Upéva mboyve ningo Juan obautizava’ekue heta hetãyguakuérape, ha obautiza avei Hesúpe, ha oñembo’e jave hína ojepe’a pe yvága,
Ha Felípe omombe’u rire ichupekuéra Hesu Crísto evangélio ha Ñanderuete retãguasu rehegua, kuimba’e ha kuñakuéra ojebautizauka.
Ha upevove ho’a pe pytũ heságui pira pirekuéicha, ha ohecha jevy. Ha opu’ã ha ojebautizauka.
Ha ko’ág̃a piko mba’e reha’arõve: Epu’ã ejebautizauka ha ejerovia Hesu Crísto rehe, Ha’e nemopotĩ hag̃ua opaite ne rembiapo vaígui rehenóivo Hesu Crísto réra.
ndaha’éi yvyarigua rembiapo porã rupi, iporiahuvereko rupi uvei Ha’e ñandesalva pe ára ñande jajebautiza ha ñanemonace pyahu jevy ramoguare pe Pytu Porãmbáva rupi,
Hesu ombohovái ichupe: Añetehápe, añetehápe, ha’e ndéve upe onace’ỹva y ha Pytu Porãmbávagui ndaikatúi oike Ñanderuete retãguasúpe.
Hesu Crísto ningo ouva’ekue y ha tuguy rupi, nda’y añói rupi, y ha tuguy rupi uvei. Ha pe Pytu Porãmbáva ningo oikuaauka péva, pe Pytu Porãmbáva ha’égui pe añetegua.
Che ndaikuaái ichupe, upe chembouva’ekue aporobautiza hag̃ua ýpe, katu he’i chéve: Nde rehecha ramo peteĩ kuimba’e ári oguejy ramo pe Pytu Porãmbáva ha opytáva hi’ári, péva ningo pe oporobautizátava Pytu Porãmbávape.
Ha ojebautizauka hikuái Jordan ysyrýpe ha pépe omombe’u hikuái iñangaipakuéra (hembiapo vaikuéra).
Fariseokuéra ha umi ombo’éva Moises rembiapoukapykuéra omboyke katu Ñanderuete rape pyahu hekoveteépe g̃uarã, upévare ndojebautizaukái Juan bautísmope.
Térã piko ndapeikuaái opaite ñande jajebautizava’ekue Hesu Crísto rérape, jajebautiza hague avei iñemanóme.
pemonde haguére pe tekove pyahu, kóva ningo oñembopyahuve ohóvo ha oñembojojave ohóvo ñande apohare reko rehe ha peikuaa porãve pehóvo ichupe, peikove hag̃ua avei Hesu Crísto rekópe.
Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).
Aiko guive ko yvy apére aikotevẽ nderehe, che sy rye guive Nde voi ningo che Jarateetéva.
Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.
Pende Ruete katu péicha he’i: Añetehápe pe ipy’aguasuetévagui ojepe’apava’erã imba’erepyeta, ha pe mburuvicha oporojopy asývagui ojepe’apava’erã umi tetãygua oguerekóva ipoguýpe; nde ra’ykuéra ojegueruva’erã ñorãirõgui, Che voi amosãsóta ha ambopoguýta umi oñemoĩmava’ekue nderehe.
Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.
Ha Hesu oñembojávo ha oñe’ẽvo ichupekuéra he’i: Oñeme’ẽmba chéve opaichagua pu’aka, yvága ha yvy apére.
Hesu Crísto ningo nachemondoiva’ekue aporobautiza hag̃ua, amyasãi hag̃ua iñe’ẽnte uvei, ani hag̃ua Hesu Crísto ñemano kurusúre opyta mba’e reípe.
Pe ñekytĩ’o ndaha’éi mba’eve, ha pe ñekytĩ’o’ỹ ndaha’éi avei mba’eve, pe tekove pyahu Hesu Crísto rupínte ovale.
umi karia’y ha kuñataĩ, umi itujáva ha ig̃uaig̃uiva imitãkuéra ndive, pemomba’eguasu Ñanderuete réra, héra añoiténte ituichaite. Heko porãitéva oĩma yvy ári ha yvágape.
Ha ñande ramo Ñanderuete ra’y ha itajyrakuéra, Ñanderuete ome’ẽta ko yvy kóva ñandéve g̃uarã ñane mba’erã ramo, Hesu Crísto poguýpe katu. Ñande jahasa asy ramo Hesu Crísto rehehápe, uperire jaikóta avei hendive Ñanderuete reko jajaipápe.
Ñanderuete oñangareko umi tetã ambueygua rehe, umi ityre’ỹva ha imenave’ỹva rehe avei, umi iñañáva rape katu Ha’e ombyai.