AGUYJE VERSIÓN

Ñandejára ningo hetaiterei mbaʼe porã omeʼẽ ñandéve, ára ha ára jareko heta mbaʼe jaagradese vaʼerã. Haʼe ningo iporãiterei ha ára ha ára ñanemyanyhẽ imbaʼeporãnguérare. Haʼe rupive jahecha ha jaikuaa umi mbaʼe porãite, tahaʼe ñande róga, ñande tesãi, ñande rogaygua, ñande rembiapo… Hetaiterei mbaʼe porã jahupytýva haʼe rupi, upévare akóinte jareko vaʼerã mbaʼe jaagradese vaʼerã chupe. Sapyʼánte ñapensave ñane provlémare térã umi mbaʼe ñanemfaltávarente, ha ndajahechakuaái umi mbaʼe porã jahupytýva ha jaikuaa vaʼerã jaagradese Ñandejárape opa mbaʼe porã jahupytývare ñande rekovépe. ¡Ñandejára ningo omeʼẽ ñandéve opa mbaʼe porã!

Emoñepyrũ emohenda eagradese meme chupe ára ha ára opa mbaʼe porã haʼe ojapóvare ñanderehehápe. Jaikuaágui jahupytýtaha peteĩ rréino ndopytaʼymoʼãiva, jaagradese vaʼerã chupe. Péicha jaagradesévo chupe, jaadora vaʼerã chupe haʼe oipotaháicha, pyʼaporãme ha ñemombaʼeguasúpe (Hebreos 12:28). Koʼápe rehecháta hetave versíkulo ikatúva nepytyvõ reagradese haĝua Ñandejárape.

Pemomba’eguasu Ñanderuetépe, Ha’e ipy’a porã ha imborayhu ndopamo’ãi araka’eve.

Peagradece opaite mba’e rehe, kóva ningo Ñanderuete rembipota ojeroviáva guivépe g̃uarã Hesu Crístore.

Pemomba’eguasu Ñanderuetépe, Ha’e ipy’a porã, ha imborayhu opyta tapia g̃uarã.

Hesu Crísto py’aguapy toisãmbyhy pende py’apýpe, upevarã avei peẽ peñehenói peiko hag̃ua peteĩ tete añóme, ha peagradece ichupe.

Ñañemboja ijypýpe japurahéi ha ñamomba’eguasu hag̃ua ichupe, ha purahéipe ñamboete ichupe.

Peike hokẽnguéra rupi pemomba’eguasu hag̃ua ichupe, peg̃uahẽ pepurahéivo ichupe hogaguasu korapýpe, pehechakuaa hembiapokue ha pemboete héra porãite.

Ha peagradece opaite árape Ñandejára Hesu Crísto ha Ñandejára Ñanderuetépe opaite mba’e rehe.

Pemomba’eguasúke Ñanderuetépe, py’aporã ha imborayhu ndopái araka’eve.

Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve.

Opaite ára amomba’eguasúta Ñanderuetépe, che juru tomboete ichupe tapiaite.

Emomba’eguasu nde, che ánga, che Ruetépe, ha ani nderesarái imba’e porãitégui.

Oikuaa ramojepe hikuái Ñanderuetépe, nomomba’eguasúi ni ndohechakuaái ichupe Ijaratee ramo, upévare oñehundi ipensamiénto heko pegua’ỹva rupi ha ipy’apy iñypytũmba mba’e výro rei reheve.

Upévarehe che ánga opurahéita ndéve rombotuicha hag̃ua, nakirirĩmo’ãi, Ñanderuete, che Jaratee, che romomba’eguasuháve opaite árape.

Puraheipópe amomba’eguasu ore Ruete réra, ha ambotuichase ichupe che ñe’ẽ porã rupi,

Pemomba’eguasúke Ñanderuetépe, Ha’e ipy’a porãitégui ha iporiahuvereko oikóta opaite árape.

Peagradece Ñanderuetépe penembokatupyrýgui pehupity hag̃ua avei Ñanderuete resape peteĩ jopói ramo.

Pemomba’eguasu Ñanderuetépe, Ha’e heko porãgui; Ha’e ipy’a porãgui ha iporiahuvereko oĩ tapia g̃uarã.

Opaite ne rembiapo omomba’eguasu che Ruetépe, ha umi heko potĩva omboete ndéve año.

Mba’eporãite ningo romomba’eguasu ramo ndéve, ore Ruete, ha rogueropurahéi nde réra, Nde, ningo pe Jára Ijyvatetéva.

Ha ojapyhy ipópe umi 7 pan ha umi pira’i, ha oagradece rire Ñanderuetépe, oipehẽ’ã ha ome’ẽ hemimbo’ekuérape, ha’ekuéra ome’ẽ hag̃ua hetãyguakuérape.

Che py’aite guive romomba’eguasúta, Nde, che Ruete, che Jaratee, ha amboetéta nde réra opa peve che arakuéra.

Pemomba’eguasu Ñanderuetépe yvága pegua, ha imborayhu ndopamo’ãi araka’eve.

Nde, che Ruete, che py’aite guive romomba’eguasu ha amombe’úta opaite ne milagrokuéra.

Jagradece Ñanderuetépe opaichagua ime’ẽmby rehe.

Eikuave’ẽ nde Ruetépe nde agradecimiénto, ha ejapo añetehápe nde promésa reme’ẽva’ekue pe Ipu’akaitévape.

Che amomba’eguasu ichupe, cherendu ha chepytyvõ porãgui.

Vy’apópe pepurahéi joa Ñanderuetépe, mayma yvy ape ári peikóva guive.

Añetehápe tuichaite mba’e Ñanderuete ojapo ñanderehe, upévare ñande javy’aiteva’ekue.

Apurahéita Ñanderuetépe, chepytyvõ porã haguérehe.

Che jurúpe amboete ichupe, ha che kũ rupi amomba’eguasu ichupe.

Che katu tapiaite ajerovia nderehe, ha ko’ýte ko’yteve romomba’eguasuve ahávo.

Pyhare pytépe apu’ã amomba’eguasu hag̃ua ne ñembojovake hekoite peguáva.

Ore roagradece Ñanderuetépe, oremandu’ávo penderehe, ore ñembo’épe.

Puraheipópe pemomba’eguasu Ñanderuetépe, árpa púpe pepurahéi Ñanderuetépe.

Mba’érehe piko nde che ánga nekangy, ha mba’érehe piko rekyhyjereína chepype. Ejerovia Ñanderuete rehe. Amomba’eguasu jevýta ichupe, Nde ningo che pytyvõhára ha che Jarateetéva.

Upéichakena Hesu Crísto rupi jaikuave’ẽ ñane kuave’ẽmby ñemomba’eguasu reheguáva ñande juru rupi Ñanderuetépe g̃uarã.

Pemomba’eguasu Ñanderuetépe mbaraka púpe, pepurahéi avei ichupe árpa púpe.

Nde, che Ruete, ore Jaratee, mba’eichaitépa ojajái nde réra opaite yvy apére. Ñemomba’eguasu ojupihína yvága rehe.

Ñanderuete chemombarete ha upévare aropurahéita ichupe, Ha’émante cheguenohẽ che jejopy vaígui.

Pepurahéi Ñanderuetépe sálmo pyahu reheve, pemomba’eguasu ichupe, peẽ heko potĩva aty.

toñemombe’u ndepy’a porãha, ha nde justícia togueropurahéi joa.

Pevy’aitéke ha penderoryetéke Ñanderuete ndive peẽ, heko potĩva, ha pepurahéike vy’apópe py’a potĩ reheve.

Upéicha che ánga hyg̃uatãta ku ha’u ramoguáicha karaku ha so’o kyra, ha torypápe che juru nemomba’eguasúta.

Ko’ág̃a, ore Jaratee, ore rombotuicha ha roguerohory nde réra jajaipáva.

Nde, che Ruete, chembojurupe’amína romomba’eguasu jevy hag̃ua.

Che aikove aja agueropurahéita Ñanderuetépe, amomba’eguasúta che Járape chepytuhẽ aja pukukue.

Pevy’a tapia Hesu Cristopype, ha ha’e jevy: Pevy’ákena.

Pemomba’eguasu Ñanderuetépe, peẽ angelkuéra imba’éva guive, peẽ pendepy’aguasu mbaretéva ha pejapóva guive iñe’ẽ, peẽ peneñe’ẽrendu porã hembiapoukapy he’ívape. Pemboete Ñanderuetépe, mayma peẽ ángel atykuéra, peẽ mburuvichakuéra ha peẽ pejapóva guive hekoitépe hembipota.

Avy’aite ha torypópe agueropurahéi nde reraguasuete.

Ore roagradece ndéve, Nde, ore Ruete, ndéve romomba’eguasu, ag̃uiete oĩ nde réra, ne rembiapo techapyrãva (milágro) omombe’u porã nde réra tuichaitéva.

Añesũ nde róga gotýo ha amomba’eguasu nde réra nde poriahuvereko ha nde reko añete rehe, nde réra ha ne ñe’ẽ rembotuichave opaite ambue mba’ekuéragui.

Pevy’aitéke peẽ heko potĩva Ñanderuete ndive ha pemomba’eguasu ichupe pende purahéi rupi.

Pemomba’eguasu Ñanderuetépe, iporãitégui Ha’e, japurahéi sálmo Ñanderuetépe, ipy’a porãgui Ha’e ñamomba’eguasu ichupe.

Aikuave’ẽta ndéve kuave’ẽmby ñemomba’eguasu reheguáva, ha ahenóita nde réra, ore Ruete.

Amomba’eguasúta Ñanderuetépe che py’aite guive, umi heko potĩva ha hogaguasuguakuéra apytépe.

Che katu añemboja ramo Ñanderuete ypýpe avy’aitéta, che ajeroviágui Ñanderuete rehe, amombe’u hag̃ua hembiapo tuichaitéva.

Amomba’eguasúta Ñanderuetépe hekoitepeguágui Ha’e, ha agueropurahéita Ñanderuete yvatetegua réra.

Pe tetãrã Ñanderuete ome’ẽtava ñandéve noñemomyiriva’erã, upévare jaagradece, ha ñaneñe’ẽrendu ichupe, ñambohorývo ichupe py’a ñemomirĩ ha kyhyjepópe.

Tetãnguéra pemomba’eguasu ore Járape, ha pemombe’úke herakuã porã opa rupiete.

Pemomba’eguasu Ñanderuetépe, hembiapokue guive, opaite tenda rupi Ha’e oisãmbyhýva. Emboete, che ánga, Ñanderuetépe.

Pehechakuaa Ñanderuetépe, pemomba’eguasu héra opaite tetãme, peikuaauka hembiapo techapyrãva.

Pepurahéi Ñanderuetépe, opaite peikóva guive Siónpe, ha pemombe’u tetãnguérape Ñanderuete rembiapo porãita.

Alelúia, pemomba’eguasu Ñanderuetépe, imborayhu opytágui tapia g̃uarã.

Upéi Ñanderuete omopu’ãta che akã umi cherehe ija’e’ỹva ári, chembojerepa ramojepe, upéi che aikuave’ẽta vy’apópe hogaguasúpe che kuave’ẽmby, apurahéita ha amomba’eguasúta ichupe.

Ñanderuete voi ningo chemombaretéva ha Ha’e oñangareko porã cherehe, che py’apýpe ajerovia hese, upévagui ahupity iñepytyvõ, ha vy’apópe che ñe’ã opurahéi, omomba’eguasu hag̃ua ichupe.

Ne mborayhu iporãve jeikovégui, che juru nemomba’eguasu manteva’erã.

Ha pejeva’erã upe ára upévape: Pegueropurahéi Ñanderuetépe, peguerohory héra porãite, pemombe’u hembiapo porã ambue tetãnguérape, pegueromandu’a Héra mba’eguasuha.

Ñanderuete rembiapokue tuichaite mba’e, ha upe ohayhúva hembiapokuéra iporã ojepy’amongeta avei hesekuéra.

Ejeroviáke nde py’aite guive Ñanderuete rehe, ha ani rejejoko ne arandu rehe.

Siéte jevy, ára pukukue aja, che romomba’eguasu Nde reporombojovake porã haguére.

Amombe’úta nde réra opaite ne ñemoñarenguérape, ha upévare tetãnguéra nemomba’eguasúta opaite árape.

Mayma yvy ape arigua ho’ava’erã ne renondépe nemomba’eguasu hag̃ua, ha opuraheiva’erã ndéve, nde réra ogueropuraheiva’erã hikuái. Selah

Mba’éichapa amyengoviáne Ñanderuetépe opaite mba’eporã cherehe ojapova’ekue.

Romomba’eguasúta che py’apy potĩ porã reheve, Nde cherekombo’e porã haguére.

Upérõ tetã ruvicha David omomba’eguasu Ñanderuetépe opaite Israelgua ijatýva renondépe, ha he’i: Toñemomba’eguasu Ñanderuetépe, Israel Jára, ára atyguasu guive ára aty guasukuérape g̃uarã.

Che py’aite guive romomba’eguasu, apurahéi ndéve salmokuéra umi jarakuéra renondépe.

Ore Ruete, Nde, che Jára: Che amomba’eguasúta ha amboetéta nde réra, rejapo haguére tembiapo ndetuicháva; ymaite guive Nde rehekombo’e hekoitépe ha añetehápe.

Che ánga omomba’eguasu Ñanderuetépe, che py’aite guive amboete héra porãite.

Che romomba’eguasúta ndéve, Che Ruete, Nde ningo che retã ruvichaguasu, amboetese nde réra opaite árape g̃uarã.

Pyharevekuépe omombe’u nde poriahuvereko, ha pyharekuépe nde reko añeteguáva.

Peikuaa porãke Ñanderuete ha’eha pe oikóva tapia g̃uarã, Ha’e ñande apohare ha ñande, imba’eha. Ha’e oñangareko hetã rehe ha ijovecha aty rehe.

Pevy’a tapiákena. Ani pepoi pene ñembo’égui ni peẽ pendekangy, peñembo’e pehóvo uvei (Ñanderuete ome’ẽ meve pejeruréva térã Ha’e ombotove peve), (Lúcas 18,1-7; 2 Corintoyguakuérape 2,7-10).

Pepurahéi Ñanderuetépe, opaite peẽ hekopotĩva, pemomba’eguasu Ñanderuete réra porãite.

Tanemomba’eguasu, Nde, ore Ruete, mayma tetã ruvicha ko yvy apére, ohendúgui umi mba’e nde juru he’íva.

Ñanderuete róga korapýpe, Jerusalen mbytépe aikuave’ẽta. Alelúia, pemomba’eguasu Ñanderuetépe.

Oikovéva guive imandu’a joáta ha oupa jevýta Ñanderuete rendápe ha opaite tetãnguéra yvy paha guive oúta omomba’eguasu hag̃ua ichupe.

Ituichaitereirasa Ñanderuete, upévagui toñemomba’eguasu ichupe itáva guasúpe ha icérro porãitépe.

Umi tetã tanemomba’eguasuete, Nde, ore Ruete, opaite tetãnguéra tanemomba’eguasu joa.

Torypápe pepurahéi joa Ñanderuetépe, mayma yvyarigua pemomba’eguasu, pepurahéi ha pembopu joa ichupe mba’epu rorýpe.

Peẽ tetã ambueyguakuéra pemomba’eguasu Ñanderuetépe, opaite tetãnguéra pemomba’eguasuva’erã ichupe (Salmokuéra 117,1).

Avy’a, Ñanderuete ohendu ramo che ñe’ẽ ha che mba’ejerure asy.

Pemomba’eguasu Ñanderuetépe, pehenói héra ha pemoherakuã hembiapo porã tetãnguéra apytépe.

Toñemomba’eguasu ore Ruete, Israel Járape, ára atyguasu guive ára atyguasu peve, amen (taupéicha).

Ñanderuete ipy’a porãite, opaite árape oiporiahuvereko, ha iñe’ẽ añeteguáva oiko tapia ñande tuvakuéra ára guive iñemoñarenguéra jevy jey peve.

Mayma yvy ape arigua peguerosapukái torypápe Ñanderuetépe.

Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.

Opaite peẽ tetãnguéra pejepopete joáke ha vy’apópe peguerosapukái Ñanderuetépe.

Anítei peiporuka pende rete reheguáva angaipápe, teko vai rembiporurã ramo, upéva rãngue peñeme’ẽmba Ñanderuete pópe, Ha’e oiporu hag̃ua pende rete reheguáva tembiapo porãme, teko porã rembiporu ramo; peikuaágui pesẽma hague pe ñemano pu’akakuégui, peiko hag̃ua tekove pyahu pu’aka poguýpe.

Peju, ñañesũ ha ñañembo’e ichupe, ñamomba’eguasu joaite Ñanderuete, ñande apoharépe.

Heko potĩva tovy’aite ipy’apýpe, ha hupápe jepeve topurahéi joa hikuái.

Peju ha pehecha Ñanderuete rembiapokue, Ha’e ningo oisãmbyhy porã yvyariguakuérape.

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Ko’ág̃a omomba’eguasu hikuái Ñanderuetépe, oiporiahuvereko ha ohechauka haguére mba’e techapyrãva ko’ẽ yvyariguakuérape g̃uarã.

Jaikuaa porã ningo opaite mba’e ojehúva guive Ñanderuete ra’y ha itajyrakuéra rekovépe, oipytyvõ porãtaha ichupekuéra (oñemboheko porãmive hag̃ua ohóvo), umi Ha’e ohenóimavape yma guive ita’ýra ha itajýra ramo.

Torypápe che juru ndegueropurahéita, ha romomba’eguasúta reguenohẽ haguére che ánga jejopy vaígui.

Che romomba’eguasu opaite árape ha nde réra amboetese tapia g̃uarã.

Che jurúpe che romboetéta, nde rérape añembo’éta ahupívo che pokuéra (yvága gotýo).

Ha’e oñakãity omoĩgui ijapysa cherendu hag̃ua, che ahenói guive héra.

Jaiko mbaretépe ñande jeroviápe ñamyi’ỹre, Ñanderuete katuete ojapopava’erã he’imava’ekue guive,

Ñembo’e Ñandejárape