Ñemohenda
VERSOS PARA FUNERAL - VELÓRIOS
Ikatuete ningo ñane ánga ohasa asy jave ko yvy árigui. Ñane korasõ japysakapa, jahechaga’u ñande py’apy, ha upéva normaliterei. Péro ani rejapo heta tiémpo upe ñembyasýpe. Ñanemandu’ákena ñande pytyvõhára Espíritu Santo rehe, ha’e ñanekonsoláta ha ñanemombarete jey ñane akãrague ha ñane korasõme. Ha’e ome’ẽta ñandéve py’aguapy.
Jeroviáramo, jaikuaa ko yvy ape ári ñande rekove opa vove, jaha peteĩ tenda iporãvehápe, ñande Ruvicha Jesucristo ypýpe. Haimete opavavévante ñandehegua oho raẽ ñandehegui upe tendápe. Upévare, ñane korasõme jajerovia va’erã ha’ekuéra oĩha peteĩ tenda iporãvehápe, ha ja’agradese va’erã Ñandejárape heko resape’a haguére.
Ñandejára ñandeapo rire, jaikuaa ñande rekove Ha’e mba’eha. Ñandejára Ñe’ẽ he’i: Jaikóramo, Ñandejárape g̃uarã jaikove, ha ñamanóramo, Ñandejárape g̃uarã ñamano. Jaikove térã ñamanóramo jepe, Ñandejára mba’e ñande. Upévare, eñemoĩ Ñandejára pópe ha eheka py’aguapy Ipytyvõ rupive. Ejerovia Ñandejára oĩha nde ykére opa árape, ha Ha’e oipota nembopy’aguapy ha nembotuicha jey ne ãngame. Eme’ẽnte chupe nde rekove ha eheja Ha’e omba’apo nde py’a’eve rehe.
Jesús he’i va’ekue (Juan 11:25): “Che hína pe ñemoñepyrũ ha pe tekove; upe ojeroviáva cherehe oikovéta, omano’ỹre jepe”.
Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.
Ko’ã ñe’ẽ ore ro’e Ñanderuete oipotágui: Ñande jaikovéva gueteri yvy apére Hesu Crísto ouha ára peve, nañanetenondemo’ãiha umi omanomava’ekuégui.
Ipy’a rory umi imba’embyasýva, Ñanderuete voi omoangapyhyva’erã ichupekuéra (Apocalípsis 21,4).
Hesu Crísto chéve g̃uarã che rekove, ha che amanóta ramojepe hetave ahupitýta. Che rekove rembiapo ko yvy ári hi’avéta ramojepe, che ndaikuaái mba’épa aiporavótava. Mokõive mba’e chejopy, hi’ãnte katu chéve aha apyta hag̃ua Hesu Crísto oĩháme, chéve g̃uarã iporãve;
Ñande jarovia ramo Hesu Crísto omano hague ha oikove jevyha, péicha jaroviava’erã avei Ñanderuete oguerutaha umi omanova’ekue Hesu Crísto ndive upe ára Ha’e ou jevýrõ g̃uarã. Ko’ã ñe’ẽ ore ro’e Ñanderuete oipotágui: Ñande jaikovéva gueteri yvy apére Hesu Crísto ouha ára peve, nañanetenondemo’ãiha umi omanomava’ekuégui. Hesu Crísto ouha árape oñemombáy raẽva’erã hikuái, yvága rembiguaiguasu ñe’ẽ hatã ha pe turupu (trompéta pu) rupi umi Hesu Cristopype omanova’ekuépe, oikove jevy hag̃ua, ha uperire ñande jaikovéva ha japytáva gueteri, jajehupíta avei hendivekuéra araipýpe, jajojohu hag̃ua Hesu Crísto ndive (yvate yvytúpe), arai apytépe, japyta hag̃ua tapia g̃uarã hendive.
Ani pejepy’apy ni peñemondýi pende py’apýpe, pejerovia uvei Ñanderuete rehe ha pejerovia avei cherehe. Nderegueroviái piko, Che aĩha che Ruetepype, ha che Ruete oĩha chepype, ko’ã ñe’ẽ ko’ãva Che ha’éva guive, nañe’ẽi chejehegui reínte, pe che Ru chepype, oĩva uvei, Ha’e voi ningo pe ojapóva pe tembiapo Che ajapóva. Peguerovia Che aikoha Tuvapype, ha che Ru oikoha chepype, kóva ndapegueroviái ramo peguerovia che rembiapo porã rehe. Añetehápe, añetehápe, Che ha’e peẽme: Pe ojeroviáva cherehe, ojapova’erã avei umi tembiapo Che ajapóva, ha tembiapo tuichavéva ko’ãvagui ojapova’erã, Che ahátagui che Ruete rendápe. Ha opaite mba’e peẽ pejeruréva che rérape, upéva Che ajapóta avei. Che Ruete oñembotuicha hag̃ua chérupi. Peẽ pejerure ramo che rérape, Che ajapova’erã. Peẽ cherayhu ramo, pejapóta avei che rembipota. Ha Che ajeruréta che Ruetépe, Ha’e ombou hag̃ua ambue Pytyvõhára (Pytu Porãmbáva) pene rendápe, Ha’e opyta hag̃ua tapia g̃uarã penendive. Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype. Che ndapohejamo’ãi tyre’ỹ peẽme, aju jevýta pene rendápe. Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei. Che Ruete rekohápe oĩ heta óga, upeicha’ỹ rire ha’eva’erãmo’ã peẽme, ko’ág̃a katu aháta ambosako’i hag̃ua pene rogarã. Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype. Upe oikuaáva che rembipota ha ojapóva avei, upéva ningo cherayhu añetehápe, ha upe cherayhúva, Ñanderuete ohayhuva’erã avei ichupe. Ha Che ahayhúvape ahechaukáta avei che mborayhu. Upérõ Júdas he’i Hesúpe, ndaha’éi pe Iscarióte: Ore Jára, mba’érehe piko rejekuaaukáta orévente ha ambue yvyariguakuérape nahániri. Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype. Upe cherayhu’ỹva katu ndojapói che rembipota. Ha pe ñe’ẽ peẽ pehendúva guive che jurúgui, ndaha’éi che ñe’ẽ pe chembouva’ekue ñe’ẽ uvei. Ko’ã mba’e ko’ãva ha’epáma peẽme aĩ aja gueteri penendive ko yvy ári. Pe Pytyvõhára, pe Pytu Porãmbáva, Ñanderuete omboútava pene rendápe che rérape, Ha’e penembo’éta opaite mba’e, ha penemomandu’áta opaite umi mba’e Che ha’emava’ekue peẽme. Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei. Pehendu ningo Che ha’éma hague peẽme: Aháta, aju jevy hag̃ua avei pene rendápe. Peẽ cherayhúrõ ningo pevy’aitéta ha’e haguére ahataha che Ruete rendápe, pe Túva ningo mba’eguasuve chehegui. Che amombe’u ko mba’e kóva peẽme ojehu mboyve, peguerovia hag̃ua ojehu ramog̃uarã umi mba’e ha’éva peẽme. Ha Che aha rire ha ambosako’ipa rire avei, aju jevýta pene rendápe pogueraha hag̃ua chendive, peẽ peiko hag̃ua avei che aikohápe. Nañe’ẽ hetamo’ãvéima penendive, oúmagui ko yvy jára, Satana, chemoĩvai hag̃ua, ndojohumo’ãi katu mba’evete jejavy che rekovépe. Opaite ko’ã mba’e ojehútava guive che renonderãme, ojehu tetãyguakuéra oikuaa porã hag̃ua Che ahayhuha che Ruetépe, ha ajapopataha Ha’e he’iva’ekue guive chéve. Pepu’ã katu, ha jaha ko’águi. Peẽ ningo peikuaa voi moõpa Che aháta, ha peikuaa avei pe tape.
Che katu aikuaa porã che Salvador (Pytyvõharaite) oikoveha ha ipahápe opu’ãtaha chepytyvõ jevy hag̃ua ko yvy apére, ha oñembyaipa rire che pire che ro’o reheve ahecháta che Járape.
Hesu Crísto ouha árape oñemombáy raẽva’erã hikuái, yvága rembiguaiguasu ñe’ẽ hatã ha pe turupu (trompéta pu) rupi umi Hesu Cristopype omanova’ekuépe, oikove jevy hag̃ua,
Peikuaa porãke peteĩ mba’e ñemi Hesu Crísto oikuaaukámava chéve: Nañamanombamo’ãi ningo, ñañemoambuepava’erã katu, sapy’aitépe, peteĩ tesa pirĩme, pe turu ipu (trompéta) pahápe; oñembopúvo pe trompéta Ñanderuete ñanemoingove jevýta, ha ome’ẽta ñandéve peteĩ tete ipyahúva oñembyaive’ỹva araka’eve. Ñande rete oñembyaivahína oñemondeva’erã peteĩ tete oñembyai’ỹvape, ha ñande rete omanóva oñemondeva’erã peteĩ tete omanove’ỹvape.
Ko ñande rete oñembyaíva oñemonde ramo tete oñembyaive’ỹvape, ha ko tete kóva omanova’erãva oñemondéma ramo tete omanove’ỹvape, upéicha ramo oikóta pe ñe’ẽ ojehaíva Ñanderuete kuatiañe’ẽme: Hesu Crísto ombopoguýma pe ñemano, pe ñemano’ỹ omokõma pe ñemano, (Isaías 25,8; Oséas 13,14). Ñemano moõpa oime nde pu’aka. Ñemano, moõpa oime ne popía. Ñemano popía ningo tembiapo vai (angaipa), ha pe tembiapo vai pu’aka katu ojekuaa porã Ñanderuete rembiapoukapy rupi. Upévare jagradece Ñanderuetépe, Ha’e ñanembopu’aka haguére ñemano rehe, Ñandejára Hesu Crísto rupi.
Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo. Ñanderuete voi omokãta tetãyguakuéra resay. Ha pe ñemano ndaiporimo’ãvéi, pe jejahe’o soro omanóva rehe ha mba’asykuéra opava’erã; umi mba’e tenondeguare ndaiporivéima, (ohasapáguima).
Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.
Anítei pehecharamo ko mba’e, katuete oúta pe hóra opaite umi omanova’ekue ohendúvo Hesu Crísto ñe’ẽ oporohenoimbávo iñeñotỹha rendágui, osẽva’erã opaite umi hembiapo porãva oikove jevy hag̃ua, ha umi hembiapo vaíva oñemoingoveva’erã avei, oñecondena hag̃ua.
Ñanderuete che rerekua, Ha’e ome’ẽmba chéve aikotevẽva guive. Umi kapi’ipe kyrỹiha rupi chegueraha, umi y sakã rembe’ýpe chemombytu’u. Ha’e chemoangapyhy, Ha’e chesãmbyhy ijustícia rape rehe, héra rayhupápe. Aguata ramojepe ka’aguy iñypytũha rupi ndakyhyjemo’ãi mba’eveichagua mba’evaígui, Nde repytágui chendive ha nde yvyra po’i ha nde yvyra puku chemoangapyhy.
Avave ñande apytégui ndoikovéi ojupe g̃uarã, ha avave ñande apytégui nomanói ojupe g̃uarã. Jaikovérõ, jaikove Ñanderuetépe g̃uarã; ha ñamanórõ, ñamano avei Ñanderuetépe g̃uarã. Upéicha ningo jaikovérõ térã ñamanórõ, ñande ningo Ñanderuete mba’e voi. Upevarã voi ningo Hesu Crísto omano ha oikove jevy, oiko hag̃ua oikovéva ha omanómava Jára ramo.
Upéramo pe kuñataĩ ojerokýta vy’apópe, ha ovy’áta umi mitãrusu ha karaietéva hendive; ha tesay rekovia ame’ẽta ichupekuéra vy’aguasu, Che amoangapyhýta ichupekuéra, ha ame’ẽta ichupekuéra py’a rory ipy’a ñembyasy rekovia.
Ñande jarovia ramo Hesu Crísto omano hague ha oikove jevyha, péicha jaroviava’erã avei Ñanderuete oguerutaha umi omanova’ekue Hesu Crísto ndive upe ára Ha’e ou jevýrõ g̃uarã.
Ñanderuete pe Jaraitéva ombopoguýta pe ñemano, Ha’e omokãta opaite tesay yvyarigua rovágui, Ha’e oipe’áta Israel ñemotĩ oñandúva ko yvy tuichakue, péicha he’i pende Ruete.
ha uperire ñande jaikovéva ha japytáva gueteri, jajehupíta avei hendivekuéra araipýpe, jajojohu hag̃ua Hesu Crísto ndive (yvate yvytúpe), arai apytépe, japyta hag̃ua tapia g̃uarã hendive.
Opaite mba’e hi’ára, ha opaite mba’e ojejapótava guive yvy apére hi’óra avei. Che ahechákuri pe tembiapo Ñanderuete ome’ẽmava’ekue yvyariguakuérape ojapo hag̃ua. Ha’e ojapo porãmbaitékuri hi’árape; ha omoĩkuri apyre’ỹ reko yvyarigua py’apýpe; yvyariguakuéra ndoikuaái katu Ñanderuete ojapovahína iñepyrũ guive ipaha peve. Che katu aikuaa, pe iporãvéva yvyariguakuérape g̃uarã ovy’a hag̃ua ha ojapo hag̃ua mba’e porã oikove aja. Ha Ñanderuete me’ẽmby ningo yvyariguakuérape g̃uarã: Umi mba’e ñande ja’uva, ñande jay’úva ha jahecháva guive ñane rembiapo (rekove) rupi, Ha’e ome’ẽ ñandéve javy’a hag̃ua. Ahechakuaa opaite mba’e Ñanderuete ojapóva guive ndopaiva’erãha; ha umía ári noñembojoajuveimava’erã, ni ndojepe’aveimava’erã ichugui mba’eve; ha upéva Ñanderuete ojapo yvyariguakuérape okyhyje hag̃ua ichugui. Umi mba’e ohasamava’ekue oikopáma; ha umi mba’e oikótava, oikóma avei; ha umi mba’e ohasamava’ekue oiko jevyva’erã. Ha ahecha avei ko yvy apére: Pe ñembojovake hekoite pegua rãngue oĩ ñaña reko; ha pe tembiapoukapy rãngue oĩ tembiapoukapy’ỹre. Ha che ha’e che py’apýpe: Pe heko potĩva ha pe heko ñañávape Ñanderuete ombojovakéta; Ha’e omoĩgui peteĩ ára opaite mba’e ojaposévape g̃uarã ha opaite mba’e ojapóvape g̃uarã. Upéi ha’éma che py’apýpe: Péva ojehu Ñanderuete oipotágui ha yvyariguakuéra oikuaa hag̃ua ojoguaha mymbakuérape. Upe ojehúva kuimba’e ha kuñakuérape ojehu avei mymbakuérape, peteĩ mba’énte ojehuhína mokõivévape g̃uarã; peteĩchaiténte omano mokõivéva, ha mokõivéva ipytuhẽ pe yvytu; pe kuimba’e ha pe kuña ojogua mymbakuérape, kuimba’e térã kuña haguére, naiporãvéi mymbakuéragui; opaite mba’e ningo opa rei. Ñanace hag̃ua hi’ára, ha ñamano hag̃ua hi’ára; ñañotỹ hag̃ua hi’ára, ha ñamono’õ hag̃ua hi’ára;
Ñanderuete toiko ore Jaratee ramo opaite árape g̃uarã, Ha’e ñanesãmbyhyva’erã pe ñemano amo gotyove g̃uarãgui jepeve.
Ani pejepy’apy ni peñemondýi pende py’apýpe, pejerovia uvei Ñanderuete rehe ha pejerovia avei cherehe. Nderegueroviái piko, Che aĩha che Ruetepype, ha che Ruete oĩha chepype, ko’ã ñe’ẽ ko’ãva Che ha’éva guive, nañe’ẽi chejehegui reínte, pe che Ru chepype, oĩva uvei, Ha’e voi ningo pe ojapóva pe tembiapo Che ajapóva. Peguerovia Che aikoha Tuvapype, ha che Ru oikoha chepype, kóva ndapegueroviái ramo peguerovia che rembiapo porã rehe. Añetehápe, añetehápe, Che ha’e peẽme: Pe ojeroviáva cherehe, ojapova’erã avei umi tembiapo Che ajapóva, ha tembiapo tuichavéva ko’ãvagui ojapova’erã, Che ahátagui che Ruete rendápe. Ha opaite mba’e peẽ pejeruréva che rérape, upéva Che ajapóta avei. Che Ruete oñembotuicha hag̃ua chérupi. Peẽ pejerure ramo che rérape, Che ajapova’erã. Peẽ cherayhu ramo, pejapóta avei che rembipota. Ha Che ajeruréta che Ruetépe, Ha’e ombou hag̃ua ambue Pytyvõhára (Pytu Porãmbáva) pene rendápe, Ha’e opyta hag̃ua tapia g̃uarã penendive. Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype. Che ndapohejamo’ãi tyre’ỹ peẽme, aju jevýta pene rendápe. Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei. Che Ruete rekohápe oĩ heta óga, upeicha’ỹ rire ha’eva’erãmo’ã peẽme, ko’ág̃a katu aháta ambosako’i hag̃ua pene rogarã. Upe ára upévape peẽ peikuaa porãta Che aĩha che Ruetepype, ha peẽ peĩha (peimeha) chepype ha Che aĩha pendepype. Upe oikuaáva che rembipota ha ojapóva avei, upéva ningo cherayhu añetehápe, ha upe cherayhúva, Ñanderuete ohayhuva’erã avei ichupe. Ha Che ahayhúvape ahechaukáta avei che mborayhu. Upérõ Júdas he’i Hesúpe, ndaha’éi pe Iscarióte: Ore Jára, mba’érehe piko rejekuaaukáta orévente ha ambue yvyariguakuérape nahániri. Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype. Upe cherayhu’ỹva katu ndojapói che rembipota. Ha pe ñe’ẽ peẽ pehendúva guive che jurúgui, ndaha’éi che ñe’ẽ pe chembouva’ekue ñe’ẽ uvei. Ko’ã mba’e ko’ãva ha’epáma peẽme aĩ aja gueteri penendive ko yvy ári. Pe Pytyvõhára, pe Pytu Porãmbáva, Ñanderuete omboútava pene rendápe che rérape, Ha’e penembo’éta opaite mba’e, ha penemomandu’áta opaite umi mba’e Che ha’emava’ekue peẽme. Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei. Pehendu ningo Che ha’éma hague peẽme: Aháta, aju jevy hag̃ua avei pene rendápe. Peẽ cherayhúrõ ningo pevy’aitéta ha’e haguére ahataha che Ruete rendápe, pe Túva ningo mba’eguasuve chehegui. Che amombe’u ko mba’e kóva peẽme ojehu mboyve, peguerovia hag̃ua ojehu ramog̃uarã umi mba’e ha’éva peẽme. Ha Che aha rire ha ambosako’ipa rire avei, aju jevýta pene rendápe pogueraha hag̃ua chendive, peẽ peiko hag̃ua avei che aikohápe.
Che katu aikuaa porã che Salvador (Pytyvõharaite) oikoveha ha ipahápe opu’ãtaha chepytyvõ jevy hag̃ua ko yvy apére,
Ore hermanokuéra, ndoroipotái ningo peime peikuaa’ỹre upe ojehútava umi okémavape (omanómavape) ani hag̃ua peñembyasy ambuekuéra oñembyasy háicha, ndoguerekóigui esperánza. Ñande jarovia ramo Hesu Crísto omano hague ha oikove jevyha, péicha jaroviava’erã avei Ñanderuete oguerutaha umi omanova’ekue Hesu Crísto ndive upe ára Ha’e ou jevýrõ g̃uarã.
Jaikovérõ, jaikove Ñanderuetépe g̃uarã; ha ñamanórõ, ñamano avei Ñanderuetépe g̃uarã. Upéicha ningo jaikovérõ térã ñamanórõ, ñande ningo Ñanderuete mba’e voi.
Ha ahendu ñe’ẽpu yvágaguio, he’íva: Ehai, ovy’aite umi tetãyguakuéra omanótava águi rire, ha omoĩma hekove Ñanderuete pópe oikove aja, pe Pytu Porãmbáva he’ígui: Opytu’uva’erã hikuái hembiapokuéragui, hembiapokuéra omoirũgui ichupekuéra.
Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.
Jaikuaa porã katu Ñanderuete omoingove hague Hesu Crístope omanova’ekue apytégui; Ha’e oikove jevy hag̃ua tenonderãitépe ichupe, omanova’ekue apytégui, koga’a peteĩha ramo. Peteĩ kuimba’e rupi og̃uahẽva’ekue pe ñemano, upévare avei peteĩ kuimba’e rupi oñemoingovepa jevýta. Adan angaipa vai rupi opaite kuimba’e ha kuñakuéra omanova’erã, Hesu Crísto rembiapo porã rupi katu oñemoingovepa jevýta. Peteĩteĩ hendag̃uáme: Hesu Crísto raẽ, upéi Hesu Crísto reheguáva, Ha’e ouha árape.
Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.
he’ívo: Opívo asẽva’ekue che sy ryégui, ha opívo aha jevýta, Ñanderuete ome’ẽmba ha Ha’e oipe’apa, amomba’eguasu Ñanderuete réra.
Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe. Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui. Che Ruete ipu’akapa ha Ha’e voi ome’ẽma chéve umi ovechakuéra, ha avavete ndoipe’amo’ãi ichupekuéra che Ruete pógui.
Ha che, Juan, ahecha ára (yvága) pyahu ha yvy pyahu; pe ára tenondeguare ha pe yvy tenondeguare ndaiporivéima, ha umi yguasukuéra (oceanokuéra) ndaiporivéima avei. Ha pe yvága rembiguái chérupi che pytúpe peteĩ cerroguasu ijyvatéva ári ohechauka hag̃ua chéve pe tavaguasu Jerusalen, oguejýva yvágagui ha Ñanderuete omboykémava heko potĩvape g̃uarã. Ipype oĩ Ñanderuete reko jajaipa, hesape ojogua ita hepývape, ita vera sakã hovy kangývape, hesakãva vídrio hepyetévape. Pe Jerusalen pyahu jerekuévo oĩ peteĩ tápia ijyvatéva oguerekóva 12 okẽguasu ha peteĩteĩ okẽguasúpe oĩ peteĩ yvága rembiguái ha peteĩteĩ okẽguasu ári ojehai peteĩ Israel tríbu réra. Kuarahyresẽ gotýo oĩ mbohapy okẽguasu, yvate gotýo oĩ mbohapy okẽguasu, yvy gotýo oĩ mbohapy okẽguasu ha kuarahyreike gotýo oĩ avei mbohapy okẽguasu. Pe tavaguasu tápia oguapy 12 itaguasu ári, peteĩteĩ ko’ã itaguasúre ojehai peteĩ apóstol réra. Ha pe yvága rembiguái oñe’ẽva chendive oguereko ipópe peteĩ takuára oroguiguáva, oha’ã hag̃ua pe táva tápia ha hokẽguasukuéra. Pe tavaguasu oguereko irundy akua (esquína) ipukukue ha ipekue peteĩcha. Ha pe yvága rembiguái oha’ã pe tavaguasu pe takuára oroguiguávape ha ojohu 2.160 kilómetro ipuku; ipukukue, ipekue ha ijyvatekue peteĩcha. Upéi oha’ã pe tavaguasu tápia, ha ojohu 67,70 métro (ijyvate), pe medída yvyariguakuéra oiporúva, péva pe yvága rembiguái oiporu avei. Pe tavaguasu tápia ningo ojejapo ita vera sakã hovy kangyývape (jáspe), ha pe tavaguasu ojejapo órogui, ojogua vídrio hepyetévape (cristálpe). Pe tavaguasu tápia oguapy 12 itaguasu ári, ha pévape g̃uarã ojeporu opaichagua ita vera: Pe itaguasu peteĩha, peteĩ ita vera sakã hovy kangy (jáspe), pe mokõiha peteĩ ita vera hovyũ (zafíro), pe mbohapyha peteĩ ita vera sakã para (calcedónia), pe irundyha peteĩ ita vera hovy (esmerálda), Ha pe táva Ñanderuete omboykéva, pe Jerusalen pyahu, ahecha oguejy yvágagui, oñembosako’íva tembirekorã ojeguávaicha imenarãme g̃uarãicha. pe 5-ha peteĩ ita vera pytã (sardónica), pe 6-ha peteĩ ita vera pytaũ ha morotĩ (sárdio), pe 7-ha peteĩ ita vera hovy sa’yju (crisolíto), pe 8-ha peteĩ ita vera hovy kangy (berílio), pe 9-ha peteĩ ita vera sa’yju (topácio), pe 10-ha peteĩ ita vera sa’yjuvy ha hovy kangy (crisopráso), pe 11-ha peteĩ ita vera sa’yjuvy (jacínto), pe 12-ha peteĩ ita vera sakã pytãu (amatísta). Ha umi 12 táva rokẽguasu ojejapo ita vera hepyetévagui (itakytãtĩ, pérla), peteĩteĩ okẽguasu ogueraha peteĩ ita vera hepyetéva. Ha pe tavaguasu cálle ojejapo órogui, vídrio hepyete resakãicha. Ha pe tavaguasu ryepýpe ndahechái Ñanderuete rogaguasu, Ñanderuete, pe Ipu’akapáva voi ha pe Ovechara’y oikógui ipype, ha opyta pe táva Ñanderuete rogaguasu ramo. Ha pe tavaguasu noikotevẽi kuarahy térã jasy rehe ohesape hag̃ua ipype, Ñanderuete reko jajaipa, ohesape ipype, ha péva ningo pe Ovecha Ra’y voihína. Ha ipype umi tetãnguéra oguatáta hesapépe ha tetãnguéra ruvichakuéra ogueruva’erã upépe imba’e repyeta ha ipu’aka. Umi táva rokẽguasukuéra noñembotymo’ãi arakuépe, ha pyhare ndaiporimo’ãvéima. Ha tetãnguéra oguerúta ipype imimbikue ha imba’erepyeta. Ha ndoikemo’ãi ipype mba’eve iky’áva, hembiapo vaíva térã ijapúva, umi héra ojehaívante pe Ovechara’y tekovete rehegua kuatiañe’ẽmente oikéta ipype. Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo. Ñanderuete voi omokãta tetãyguakuéra resay. Ha pe ñemano ndaiporimo’ãvéi, pe jejahe’o soro omanóva rehe ha mba’asykuéra opava’erã; umi mba’e tenondeguare ndaiporivéima, (ohasapáguima). Ha Ñanderuete he’i: Pema’ẽ porãke: Che ambopyahu opaite mba’e. Ehai ko’ã mba’e, oikopava’erã Che ha’éva guive, ipype oĩgui añetegua ha pu’aka tapia g̃uarãva.
Hesu Crísto chéve g̃uarã che rekove, ha che amanóta ramojepe hetave ahupitýta.
Pe terakuã porã ovaleve mba’e hyakuã porãgui. Ha pe ñemano ára iporãve pe nacimiénto áragui.
Toñemomba’eguasu Ñandejára ha pe Jára Hesu Cristo Ru, Ha’e ningo pe Túva oiporiahuverekóva ha pe Jára oporomoangapyhýva. Ha’e voi oremoangapyhy opaite ore jehasa asýpe, ore roporomoangapyhy jevy hag̃ua Ha’e oremoangapyhy haguéicha.
Mokõive mba’e chejopy, hi’ãnte katu chéve aha apyta hag̃ua Hesu Crísto oĩháme, chéve g̃uarã iporãve;
Ñanderuete hi’ag̃ui umi ohasa asývagui, ha oipytyvõ umi oñembyasývape ojapo vai haguére.
Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.
Ñanderuete ñanemo’ã ha ñanemombaretéta jajejopy vai jave, Anítei peku’e, ha peikuaa Che ha’eha pende Ruete, tetãnguéra chemomba’eguasúta ha che poguýpe opytapa ko yvy ha opaite tetãnguéra. Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah upévarupi ndajakyhyjeiva’erã, jepémo ko yvy ojeipa hendágui ha cerrokuéra ho’apa ramo yguasúpe.
Ñanderuete voi omokãta tetãyguakuéra resay. Ha pe ñemano ndaiporimo’ãvéi, pe jejahe’o soro omanóva rehe ha mba’asykuéra opava’erã; umi mba’e tenondeguare ndaiporivéima, (ohasapáguima).
Aníke peiko umi hakate’ỹvaicha, oikóva pirapire rekávonte, pevy’a uvei peguerekomíva reheve; Ñanderuete voi he’i: Che ndapoimo’ãi araka’eve pendehegui ha araka’eve Che ndapohejamo’ãi tyre’ỹ ramo, (1 Timotéope 6,6; Josue 1,5).
Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.
Nde, embopy’aguapy ichupekuéra ha py’aguapy porã rupi ha’ekuéra ojeroviáta nderehe. Pejerovia Ñanderuete rehe opaite árape, Ñanderuete, pe Jaraitéva ndivénte jajohu ñemo’ãha ijapyra’ỹva.
Che katu aikuaa porã mba’evete ndaikatuiha ñandepe’a Hesu Crísto mborayhúgui, ni ñemano térã tekove, niangelkuéra térã demoniokuéra (añanguéra), ni yvy arigua térã ouva’erãva rehegua, ni Satana rembijokuái, ni yvategua térã yvy guypegua, ni ambue pu’aka ndaikatúi ñandepe’a Ñanderuete mborayhúgui, ojehechaukámava Ñandejára Hesu Crísto rupi.
Che añorãirõmbáma pe ñorãirõ porã, añaníma che carréra, añongatúma hekópe che jerovia che py’apýpe ipaha árape g̃uarã. Oñeñongatúma che renonderãme pe justícia jopói, Hesu Crísto, pe mbojovakehára heko peguáva, ome’ẽtava chéve, Ha’e ourõg̃uarã, ha ndachéve añói, ome’ẽva’erã katuete avei opaite umi oha’ãrõvape mborayhu reheve Ha’e ou jevyrõg̃uarã ára.
Ajesaupíta umi cérro rehe, upégui oúta chepytyvõtava. Ñanderuete ningo chepytyvõta, Ha’e ningo yvagakuéra ha yvy apohare.
Ore Ruete, Nde ningo reha’ãma ha reipyguara che rekove ha chekuaa porã voi. upépe nde po chesãmbyhýta avei, ha nde po akatúa chejokóta. Ha ha’e ramo: Pe pytũ tachemo’ã, ha pe pyhare jepeve opyta che jerekuévo, pytũ jepeve nomoypytũmo’ãi mba’eve ndehegui, ha pe pyhare ojajái ramo ku arakuéicha, ndéve g̃uarã pytũ ha tesakã peteĩchaite. Nde voi che rekove apohare, Nde cheapova’ekue che sy ryépe. Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e. Ndehegui che reko noñemíri, Nde rejapo jave ñemiháme che rekove pe yvy ruguaitépe (nde tallérpe). Nde resakuéra ohecháma che rekove oñepyrũ porã mboyve, ha ne kuatiañe’ẽme ojehaipáma opaite che rekove ararã oñepyrũ mboyve che ára peteĩha. Nde, ore Ruete, ne pensamientokuéra ningo tuichaiterei mba’e chéve g̃uarã. Ndaikatúi ñambyatypa jaipota ramojepe. Aipapa ramo oñemboheta hetave yvyku’i ra’ỹigui, ha apáy ramo añepyrũkuaa jevy hemby hetavégui. Nde, ore Ruete, terejuka pe iñañávape; ha peẽ tekove tuguy ñohẽha, peñemboyke chehegui. Nde reikuaapa aguapy térã apu’ã ramo, mombyry guive reikuaa porã che ajepy’amongeta jave rehe.
Opaite mba’e hi’ára, ha opaite mba’e ojejapótava guive yvy apére hi’óra avei. Che ahechákuri pe tembiapo Ñanderuete ome’ẽmava’ekue yvyariguakuérape ojapo hag̃ua. Ha’e ojapo porãmbaitékuri hi’árape; ha omoĩkuri apyre’ỹ reko yvyarigua py’apýpe; yvyariguakuéra ndoikuaái katu Ñanderuete ojapovahína iñepyrũ guive ipaha peve. Che katu aikuaa, pe iporãvéva yvyariguakuérape g̃uarã ovy’a hag̃ua ha ojapo hag̃ua mba’e porã oikove aja. Ha Ñanderuete me’ẽmby ningo yvyariguakuérape g̃uarã: Umi mba’e ñande ja’uva, ñande jay’úva ha jahecháva guive ñane rembiapo (rekove) rupi, Ha’e ome’ẽ ñandéve javy’a hag̃ua. Ahechakuaa opaite mba’e Ñanderuete ojapóva guive ndopaiva’erãha; ha umía ári noñembojoajuveimava’erã, ni ndojepe’aveimava’erã ichugui mba’eve; ha upéva Ñanderuete ojapo yvyariguakuérape okyhyje hag̃ua ichugui. Umi mba’e ohasamava’ekue oikopáma; ha umi mba’e oikótava, oikóma avei; ha umi mba’e ohasamava’ekue oiko jevyva’erã. Ha ahecha avei ko yvy apére: Pe ñembojovake hekoite pegua rãngue oĩ ñaña reko; ha pe tembiapoukapy rãngue oĩ tembiapoukapy’ỹre. Ha che ha’e che py’apýpe: Pe heko potĩva ha pe heko ñañávape Ñanderuete ombojovakéta; Ha’e omoĩgui peteĩ ára opaite mba’e ojaposévape g̃uarã ha opaite mba’e ojapóvape g̃uarã. Upéi ha’éma che py’apýpe: Péva ojehu Ñanderuete oipotágui ha yvyariguakuéra oikuaa hag̃ua ojoguaha mymbakuérape. Upe ojehúva kuimba’e ha kuñakuérape ojehu avei mymbakuérape, peteĩ mba’énte ojehuhína mokõivévape g̃uarã; peteĩchaiténte omano mokõivéva, ha mokõivéva ipytuhẽ pe yvytu; pe kuimba’e ha pe kuña ojogua mymbakuérape, kuimba’e térã kuña haguére, naiporãvéi mymbakuéragui; opaite mba’e ningo opa rei. Ñanace hag̃ua hi’ára, ha ñamano hag̃ua hi’ára; ñañotỹ hag̃ua hi’ára, ha ñamono’õ hag̃ua hi’ára; Mokõivéva oho peteĩ hendapeténte; ojejapo yvy timbógui, ha mokõivévagui oiko jevyva’erã yvy timbo. Mávapa oikuaa kuimba’e ha kuña ánga ojupiha yvate, ha umi mymbakuéra ánga oguejyha yvy guýpe. Ha péicharupi ahecha ndaipóri mba’e iporãvéva tetãyguakuérape g̃uarã, ha’ekuéra ovy’a omba’apo aja, péva ningo hembiapo repy ha máva piko ogueraháne ichupe ohechauka hag̃ua umi mba’e ojehútava henonderãme. Pe jejuka hi’ára, ha pe ñepohãno hi’ára; pe ñehundi hi’ára, ha ñemopu’ã jevy hi’ára. Pe tasẽ hi’ára, pe puka hi’ára, pe jahe’o hi’ára ha pe jeroky hi’ára.
Aníke peiko umi hakate’ỹvaicha, oikóva pirapire rekávonte, pevy’a uvei peguerekomíva reheve; Ñanderuete voi he’i: Che ndapoimo’ãi araka’eve pendehegui ha araka’eve Che ndapohejamo’ãi tyre’ỹ ramo, (1 Timotéope 6,6; Josue 1,5). Ja’e uvei jeroviapópe ha kyhyje’ỹre: Ñanderuete ningo che pytyvõhára ha ndakyhyjemo’ãi: Mba’e piko ikatúne ojapo cherehe che rapichakuéra, (Salmokuéra 118,6).
Ñemano moõpa oime nde pu’aka. Ñemano, moõpa oime ne popía. Ñemano popía ningo tembiapo vai (angaipa), ha pe tembiapo vai pu’aka katu ojekuaa porã Ñanderuete rembiapoukapy rupi. Upévare jagradece Ñanderuetépe, Ha’e ñanembopu’aka haguére ñemano rehe, Ñandejára Hesu Crísto rupi.
Nde resakuéra ohecháma che rekove oñepyrũ porã mboyve, ha ne kuatiañe’ẽme ojehaipáma opaite che rekove ararã oñepyrũ mboyve che ára peteĩha.
Ñanderuete poriahuvereko ningo ndopái, iporiahuvereko araka’eve ndoguéi. Iporiahuvereko oñembopyahu ko’ẽ ko’ẽre, ituichaite ningo imborayhu.
Umi ojeroviáva nderehe omano ramojepe oikove jevýta, he’õnguekuéra opu’ã jevýta. Pepáy ha pepurahéi, peẽ yvyetére peikóva. Nde ysapy omoingove ichupekuéra ha pe yvy ome’ẽ jevýta umi omanomava’ekue.
Ñanderuete ningo che rekove resape ha che salvador, mávagui piko akyhyjéta. Ñanderuete che rekove mombaretehára, mávagui piko añemondýita.
Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã. Ha opaite oikovéva ha ojeroviáva cherehe, nomanomo’ãi tapia g̃uarã. Regueroviápa ko’ã mba’e.
Pe esperánza Ñanderuete ome’ẽva tomyenyhẽ pende jerovia, vy’águi ha py’aguapýgui, ha pende esperánza tokakuaave ohóvo Pytu Porãmbáva pu’aka rupi.
Umi ojeroviáva Ñanderuete rehe katu oñemombarete jevýta, oveve yvateva’erã ku ñapykanícha, oñaniva’erã hikuái ha ndaijuku’amo’ãi, ha oguata pukuva’erã hikuái ha naikane’õmo’ãi.
Oñembyai ramojepe che ro’o ha che py’a, Nde, che Ruete repytava’erã che mba’erepyetéva.
Ñanderuete ningo che rekove resape ha che salvador, mávagui piko akyhyjéta. Ñanderuete che rekove mombaretehára, mávagui piko añemondýita. Che ru ha che sy chereja ramojepe tyre’ỹ, Nde, che Ruete, nde reñangareko porãta cherehe. Nde, che Ruete, chembo’emína nde rapére, ha chesãmbyhymína tape porã rehe umi cherehe ija’e’ỹvakuéragui. Ani chemoĩtei umi cherehe ija’e’ỹva pópe, opu’ãgui cherehe techahare ijapúva, chejukauka hag̃ua. Toñemomba’eguasu Ñanderuetépe! Che aikuaa porã ahechataha Ñanderuete poriahuvereko umi oikovéva retãme. Che ánga, ejerovia Ñanderuete rehe, toñemokyre’ỹ ha toñemombarete che py’apy ojerovia porã hag̃ua Ñanderuete rehe. Umi iñañáva, umi chejopy asýva ha umi cherehe ija’e’ỹva oñemoag̃uíma ho’u hag̃uáicha che ro’o, ha’ekuéra katu oñepysãnga ha ho’apáta. Jepevémo peteĩ soldádo aty chemongora, ndakyhyjemo’ãi ichuguikuéra, ha jepevémo oñemopu’ã cherehe ñorãirõguasu, che aĩ jeroviapópe nderehe añoite.
Peikove jevy ramo (penace jevy ramo) Hesu Crísto ndive, peheka umi mba’e yvateguáva, Hesu Crísto oguapyhápe Ñanderuete akatúape. pemonde haguére pe tekove pyahu, kóva ningo oñembopyahuve ohóvo ha oñembojojave ohóvo ñande apohare reko rehe ha peikuaa porãve pehóvo ichupe, peikove hag̃ua avei Hesu Crísto rekópe. Oĩháme ko tekove reko pyahu ndojuavýi ojuehegui Greciaygua ha Judaygua, ipire’i oñekytĩ’óva (oñecircuncidáva) ha noñekytĩ’óiva, tetã ambueygua ha ka’aguygua (escítas), tembiguái ha jára; Hesu Crísto oĩ hag̃ua opaite mba’épe ha opavave rekovépe. Ñanderuete pendeporavo, penemboheko potĩ ha penderayhúgui peñemonde jeporiahuvereko mborayhu reheve, py’a porã, ñemomirĩ, pochykuaa’ỹ, paciéncia. Pejogueropu’aka ha peñoperdona, oime ramo oñemohembiapo vaíva; Hesu Crísto peneperdona haguéicha upéicha peperdona avei pende rapichápe. Opaite ko’ã mba’e ári pemonde mborayhu, péva ningo ombojoaju porã añetetehápe. Hesu Crísto py’aguapy toisãmbyhy pende py’apýpe, upevarã avei peẽ peñehenói peiko hag̃ua peteĩ tete añóme, ha peagradece ichupe. Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive. Ha opaite mba’e pejapóva guive pene ñe’ẽ térã pene rembiapo rupi, pejapo Ñandejára Hesu Crísto rérape ichuperõguáicha ha peagradece Ñandejára Ñanderuetépe Hesu Crísto rupi. Pe tembireko iñe’ẽrenduva’erã iménape, ija háicha Hesu Crísto reheguávape. Peẽ ména pehayhu añetehápe pene rembirekópe, ha anítei pembopy’aro ichupekuéra. Peheka umi mba’e yvága peguáva, ani yvy ariguáva.
Ovy’aite ningo upe kuimba’e nderehe ojejokóva, ha ipy’apýpe oñemongetáva oguata jave nde rapekuérare. Ha ohasa asy ramojepe ñu perõ rupi ojehechaukáta ichupe yvu iporãva ha pe ama tenondeguáva ome’ẽ ichupe ijehovasa porã. Ha upéi ha’ekuéra oguata ohóvo pu’aka ipyahúva reheve og̃uahẽ meve Jerusalénpe ohecha hag̃ua Ñanderuetépe.
Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve. Ha Ñanderuete py’aguapy, ituichaitevéva opaite yvyarigua arandúgui, ha ko py’aguapy kóva oñangarekóta pene remiandu ha pene pensamientokuéra rehe Hesu Cristopype.
Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã. Peñemoĩ che cangálla guýpe (yúgo guýpe) ha peheja Che tapohekombo’e porã, chepy’a porãgui ha che añemomirĩgui, péichamante pejohúta pe pytu’u añeteguáva pene ángape g̃uarã. Ndépa ha’ehína pe Crísto ouva’erãva térãpa roha’ãrõta gueteri ambuépe. Che cangálla ningo hu’ũ asy ha ivevúi pe cárga aguerahaukáva peẽme.
Sapy’aitemínte hi’are ipochy, ijeporiahuvereko katu oiko kuimba’e ha kuñakuéra rekove pukukue. Ka’aru pytũme og̃uahẽ jahe’o, iko’ẽvo katu opa, ha hendaguépe og̃uahẽma vy’a tuicháva.
Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.
Jaikuaa porã ningo ñande róga yvy arigua (tete) ndahi’areiha, oñembyai rire, Ñanderuete voi ome’ẽva’erã ñandéve peteĩ tete pyahu hekohápe, ojejapo’ỹva kuimba’e po rupi. Opavave ñande jajehechaukava’erã Hesu Crísto ñembojovakehápe, oñeme’ẽ hag̃ua ñandéve ñane rembiapokue repy, ta’iporã térã ta’ivai jepe ra’e. Roikuaágui Ñanderuete kyhyje, roñeha’ã rojegueroviauka hag̃ua ñande rapichakuérape, Ha’e katu oikuaa porãmba oĩva guive ore py’apýpe. Ore katu roha’ãrõ rojehechauka porã avei pende py’apyñe’ẽme (conciénciape). Ore noroñe’ẽ porãséi, roñemoĩ porã jevy hag̃ua pene renondépe, ore romombe’upa uvei ko’ã mba’e ko’ãva peẽme pembohovái hag̃ua avei umi oñemoĩ reisévape orerehe, ha’ekuéra ojererovu reígui, ndoguerekói ramojepe mba’eve iporãva ipy’apýpe, oñembotuichasénte umi mba’e ojehechávare ha iñe’ẽ rei rupínte. Ore romboyke ramo ore rete (visiónpe), péva ojehu Ñanderuete rupi, ha ore akã porã ramo, péva ojehu peẽme g̃uarã, Hesu Crísto mborayhu oregueraha roiko porã hag̃ua, roikuaágui Ha’e omano hague opaite hembiapo vaíva rehehápe, ha péicha ramo opavave (ojeroviáva guive Hesu Crísto rehe) omanóma avei hendive. Hesu Crísto omano opavavéva rehehápe, opavave Ha’e omoingove jevýta oiko hag̃ua Hesu Crístope g̃uarã, ha anive hag̃ua oiko hete rembipota vai poguýpe. Upévare ko ára kóva rire ore ndoroikuaavéima avavépe hete ro’o (heko tuja) rupi, roikuaava’ekue ramojepe avei Hesu Crístope oikove aja hete ro’ópe, ko’ág̃a katu ndaupeichavéima. Upévare upe oikóva Hesu Cristopype oñemoingo pyahúma, oñemboheko ambuéma (nacimiénto pyahu), pe teko tuja opáma (pe teko tuja nomandavéima hekovépe). Peikuaa porãke, pe teko pyahu oñepyrũma hague. Opaite ko’ã mba’e ningo, Ñanderuete rembiapo voi, Ha’émante orembopy’apeteĩ jevy hendive Hesu Crísto rupi, ha Ha’e oipota ore roiko porã opavave ndive. Ñanderuete oĩgui Hesu Cristopype, ombopy’apeteĩ jevy hag̃ua tetãyguakuérape hendive, upévare Ha’e operdona ñane rembiapo vai ha omoĩ ñande pópe ko perdon rehegua ñe’ẽ. Ko ñande róga (tete) ko’ag̃aguápe ñanepyahẽ gueteri, jaikeségui ñande róga yvága peguápe ku peteĩ kuimba’e térã kuña oñemondese ramoguáicha ijao ipyahúvape. Upéicha ore romombe’u ko perdon ñe’ẽ Hesu Crísto rendaguépe ha Ha’e oavisa tetãyguakuérape: Peheja Hesu Crísto tapenemoingo porã jevy Ñanderuete ndive. Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe. Upévare ñamboi ramojepe ñande ao ko’ag̃aguágui (ñande rekove ko’ag̃aguágui), ndajapytamo’ãi opívo. Ñande jaikove aja ñande róga (tete) yvy arigua ko’ag̃aguápe, ñanepyahẽ gueteri, ndaha’éi ñañemboiségui, ñañemondese jo’águi uvei; pe tekove añeteguáva tomokõ pe omanótavape. Ñanderuete voi ombosako’ipágui ko’ã mba’e ko’ãva ñane renonderãme, ha ome’ẽmava’ekue ñandéve pe Pytu Porãmbáva omoñepyrũ hag̃ua hembiapo ñandepype.